এম.এস.এম.ই. মন্ত্রালয়না প্রধান মন্ত্রীগী মীয়াম পুম্বগী ওইনা আত্মনির্ভর ভারত অমদি ‘ভোকেল ফোর লোকেল’ অসি ওইহনবা ঙম্নবা অমদি খাদী অমদি অতৈ ইরমগী অমদি খুঙ্গংগী ইন্দস্ত্রীশিংনা পোৎ য়োনবা য়াওনা তৌরিবা মন্ত্রালয় অসিগী সোসিএল মেদিয়া কেম্পেন তৌবা অসিদা য়াম্না নিংথিনা হেনগৎনা উবা ফংলে হায়না রিপোর্ত তৌরকখ্রে।   ২০২০গী দিৱালীগী মতমদা ইরমগী ওইবা পোৎলমশিং য়োনখিবগী চাং অসি হেনগৎপগী রেকোর্দ অমা থমখ্রে।

হন্দক্তা লোইখিবদা ঙাইরিবা কুহ্মৈ অসিগী মমাংদা এম.এস.এম.ই. মন্ত্রালয়না আর্তিসনশিং অমদি এম.এস.এম.ই.না শাবা ইরমগী পোৎলমশিং য়োকখৎনবা পুক্নিং লাংতক্নহন্নবা অমদি পুক্নিং চিংশিন্ননবা কেম্পেন অমা হৌদোকখি। কেম্পেন অসিদা “উজালে ইন উমীদোং কে”গী ব্রেন্দ অমদি #msmechampionsকী হেশ তেগকা লোয়ননা ইরমগী পোৎলম দর্জন অমমু্কী অমদি চত্থরিবা থবকশিং অসিগী মতাংদা থা অমদগী ভিদিওশিং অমদি মেসেজশিং থারি। তৌরি। গী থবক চত্থরি। মসিদা য়াম্না চাউনা মায় পাকখি অমদি ময়াম্না য়াম্না খংনরক্লি।

আর্তিসনশিং অমদি এম.এস.এম.ই.শিংনা শাবা ইরমগী পোৎলমশিং শৌগৎনবা তৌখিবা কেম্পেন অদুগী শরুক অমা ওইনা তোঙান-তোঙানবা সোসিএল মেদিয়াগী পোস্তশিং য়েংবিনবগীদমক্তা মসিদা ক্লিক তৌবিয়ু

অপুনবা ওইনা পোৎলম কয়াশিং অসি হৌখিবা ২০১৯গী দিৱালীদগী হন্দক্কী দিৱালীদা চাদা ৩০০রোম হেন্না য়োনখি। খাদী অমদি ভিলেজ ইন্দস্ত্রীজ কমিশন(কে.ভি.আই.সি.)গী আওতলেৎশিংদগী সেম্পল অমা য়োন্দুনা দিল্লী অমসুং উত্তর প্রদেশতা শন্দোকখিবা অসিনা অপুনবা য়োনখিবগী চাং অসি শরুক মরীরোম হেনগত্তুনা হৌখিবা চহিদা লুপো করোর ৫ ওইখিবা অদু হন্দক্কী দিৱালী অসিদা লুপা করোর ২১রোম ওইখি। লৈবাক অসিদা কোবিদ-১৯ গী লায়চৎ অসি লৈদুনসু হেনগৎলকখিবগী রেকোর্দ অসিদা বোক্সতা য়াওবা তরেং, এগ্রো অমদি চান-থক্নবা পোৎলমশিং, লংজম অমদি মুকানা শাবা ফীরোলশিং, শামতু অমদি এম্ব্রোইদরীগী পোৎলমশিং য়াওনা খাদী, অগর্বতী, কেন্দল, দিয়া, খোইহী, ধাতুগী পোৎলমশিং, গ্লাসকী পোৎশিংগী পোৎলম অয়াম্বগী মহুৎ শিনখ্রে।  

দিল্লী অমসুং য়ু.পি.গী খাদী গ্রামোদ্যোগ ভৱনশিংদা চোইনা পোৎ য়োনখিবগী অপুনবা  : ২০১৯দগী ২০২০দা ওইখিবা

খাদী ইন্দিয়াগী দিল্লী সি.পি. আওতলেত্তা নোংমদা পোৎ য়োনখিবগী হিস্তরী অসি ওক্তোবর ২, ২০১৯দা লুপা করোর ১.২৭ ওইখি।  মসিগা য়েংনবদা খাদী ইন্দিয়ানা ওক্তোবর অমসুং নবেম্বর ২০২০গী মতমদা শরুক মরী হেন্না পোৎ য়োনখিবগী গেজিস্তর তৌখ্রে। 

খাদী ইন্দিয়াগী (সি.পি., ন্যু দিল্লী) হন্দক্কী চহি অসিদা নোংমদা পোৎ য়োনখিবা

• ওক্তোবর ২, ২০২০ – লুপা লাখ  ১০২.২৪
• ওক্তোবর ২৪, ২০২০ – লুপা লাখ  ১০৫.৬২
• নবেম্বর ৭, ২০২০ – লুপা লাখ ১০৬.১৮
• নবেম্বর ১৩, ২০২০ – লুপা লাখ ১১১.৪০

হন্দক্কী চহি অসিদা খাদী অমদি অতোপ্পা অপীকপা অমদি খুঙ্গংগী ইন্দস্ত্রীগী পোৎলমশিং অসি শিংথানবা য়াবা মওংদা য়োনখিবা অসিনা কোবিদ-১৯ অসিনা মরম ওইদুনা হৌজিক্কী ওইরিবা মতম অসিদা মরুওইনা মীওইবা অমদি পোৎ-চৈ পুথোক-পুশিন তৌবদা য়াম্না অখন্নবা মওংদা কান্নহল্লে।  লোকদাউন অমদি সোসিএল দিস্তেন্সকী চৎন-কাংলোনশিং অসিনা মরম ওইদুনা থবক অয়াম্বা চপ-লেপ্তুনা লৈরে। অদুম ওইনমক এম.এস.এম.ই. মন্ত্রালয়, কে.ভি.আই.সি. অমসুং এম.এস.এম.ই.শিংনা মশামক্না লৈবাক অসিগী ওইরিবা মওং অসিদা তায়োন্নবা মওংদা মখোয়গী থবক অসি মখা তানা পাংথোক্লি অমসুং কোবিদকী মতম অসিদা মথৌ তাবা ফেস-মাস্ক অমদি হেন্দ ৱাশ অমসুং হেন্দ সেনিতাইজর অতোপ্পা মীওই অমগী লু-নানবগী ওইবা পোৎলমশিংগুম্বা শাদুনা মতাং অসিদা থোরক্লি। 

প্রধান মন্ত্রীগী “অত্মনির্ভর ভারত” অমসুং “ভোকেল ফোর লোকেল” ওইনবা থম্বা ৱাফম অমদি মন্ত্রালয় অসিনা মতম তানা কেম্পেন তৌবা অসিনা ইরমগী পোৎলমশিং শাবগা লোয়ন-লোয়ননা শিজিন্ননবা অনৌবা ইনোৎ অমা হাপ্লে।

মাইক্রো, স্মোল অমসুং মেদিয়ম ইন্তর্প্রাইজেস সেক্তর অ সি মাগীকরোর তরুক্তগী হেনবা ইমুংগী মীওইশিংগী ওইবা চাউরবা নেতৱর্ক্কা লোয়ননা ভারতকী শেন্মিৎলোনগী মরুওইবা য়ুম্বি অমা ওইরি: ইন্তর্প্রাইজেসশিং অমসুং ওন্তর্প্রিন্যুরশিং। হন্দক্কী দিৱালী অসিদা মখোয়গী পোৎলমশিং য়োনবগী রেকোর্দ অসিনা ইরমগী আর্তিসনশিং অমদি পোৎলমশিং অসি মীয়াম্না পাম্নৈ হায়বগী খুদম অমনি। এম.এস.এম.ই.শিং অসিনা লৈবাক অসিগী শেন্মিৎলোন অমদি খুন্নাই অসি চাউখৎহনবদা মরুওইবা থৌদাং অদু মসিগী অমুক হন্না শেমগৎলকই।  মন্ত্রালয়গী ওফিসিএলশিংনা ইরমগী অমদি নাৎ-চৎনবীগী ওইবা পোৎলমশিং অসি লাক্কদৌরিবা থাশিং অসিদা মখা তানা হেন্না য়োন্দুনা মখোয়গী মপান তাংলিবা মশিং য়াম্লবা মীওই কয়াগী পুন্সি মহিং অমদি শেন্দান হেনগৎহল্লগনি হায়না খল্লি। মসিগী অসিদা খুদোং চাবা ফংহন্নবা অতোপ্পা পাম্বৈশিংগী মরক্তা দিজিতাইজেসন, ই-মার্কেত্তিং অমদি এক্সপোর্ত তৌবা অসি য়াম্না চাউনা হেনগৎহল্লি। মন্ত্রালয় অসিনা এম.এস.এম.ই. অসি নেস্নেল অমদি ইন্তর্নেস্নেল চেম্পিয়নশিং ওইহন্নবা তৌবা য়াবা পুম্বা তৌগনি হায়বগী অচেৎপা ৱাফম থম্লি।

উজালে ইন উমীদোং কে  (उजाले इन उमीदों के)গী ভিদিও অমগী লিঙ্ক

*****