ভারত লৈঙাক্কী হকশেল অমসুং য়াইফ য়ুম্বালগী কেন্দ্র মন্ত্রী দোক্তর হর্ষ বর্ধন্না দিসেম্বর ১২, ২০২০, য়ুনিভর্সেল হেল্থ কভরেজ নুমিত্তা ২০১৯-২০ নেসনেল ফেমিলী হেল্থ সর্ভে (এন.এফ.ঐচ.এস.-৫)গী অহানবা তাঙ্কক্কী স্তেত/য়ু.তি. ২২গী মীশিং, রিপ্রদক্তিব অমসুং অঙাঙগী হকশেল, য়াইফ-য়ুম্বাল, মচি লৈবা চীঞ্জাক অমসুং অতৈ মরুওইবা ইন্দিকেতরশিংগী ফেকসীৎ ফোঙখ্রে‍।

হায়রিবা রিজল্তশিং অসি মন্ত্রালয়গী ৱেবসাইত, www.mohfw.gov.in. দা ফংলে‍। হায়রিবা অহানব তাঙ্কক্কী স্তেত/য়ু.তি. ২২ অদুদি অন্ধ্র প্রদেশ, অসাম, বিহার, গোৱা, গুজরাত, হিমাচল প্রদেশ, কর্নাতকা, কেরলা, মহারাস্ত্র, মনিপুর, মেঘালয়া, মিজোরাম, নগালেন্দ, সিক্কিম, তেলঙ্গনা, ত্রিপুরা, ৱেস্ত বেঙ্গল, অন্দমান নিকোবর ইথৎ, দদ্রা অমসুং নগর হবেলি অমদি দামন অমসুং দিউ, জম্মু অমসুং কাস্মির, লদাখ অমদি লক্সদ্বীপনি‍। লেমহৌরিবা স্তেত/য়ু.তি. ১৪ (অনিশুবা তাঙ্কক্কী) অসিগী ফিল্দ ৱর্ক মখা চত্থরি‍।

মথঙ মথঙ পাঙথোক্লিবা এন.এফ.ঐচ.এস.কী মরুওইবা পান্দমদি হকশেল, য়াইফ-য়ুম্বাল অমসুং অতৈ ৱাফমশিংদা থাজবা য়াবা অমদি চাংদম্নবা য়াবা দেতাসেত পীননবনি‍। এন.এফ.ঐচ.এস.কী রাউন্দ মরি (১৯৯২-৯৩, ১৯৯৮-৯৯, ২০০৫-০৬ অমসুং ২০১৫-১৬) ভারত্তা মায় পাক্না লোইশিনখ্রে‍। এন.এফ.ঐচ.এস.কী রাউন্দ খুদিংমক ইন্তরনেসনেল ইন্সতিত্যুৎ ফোর পোপুলেসন সাইন্স (আই.আই.পি.এস.), মুম্বাইনা নেসনেল নোদেল এজেন্সী ওইনা পাঙথোকপনি‍। হান্নদি হকশেল মন্ত্রালয় মশানা দিস্ত্রিক্ত লেভেল হেল্থ সর্ভে (দি.এল.ঐচ.এস.) অমসুং এনুএল হেল্থ সর্ভে (এ.ঐচ.এস.) পাঙথোক্লমবনি‍। তোঙান তোঙানবা সর্ভেশিং পাঙথোকপগী মহুত্তা লৈবাক্কী, স্তেতকী অমদি দিস্ত্রিক্তকী থাক্তা তোয়না, মতম চানা অমদি চুনবা দেতা মথৌ তারকপা অদুগী য়েংলগা ২০১৫-১৬দগী হৌদুনা চহী অহুম খুদিংগী পুনশিল্লবা এন.এফ.ঐচ.এস. পাঙথোক্নবা এম.ও.ঐচ.এফ.দব্লিউ.না লেপখিবনি‍। এন.এফ.ঐচ.এস.-৫ অসি দিস্ত্রিক্তকী থাক্তা তোখাইবা দেতা পীননবা সেম্পল য়ুমথোঙ লাখ ৬.১৫রোম কোনশিন্দুনা চত্থরি‍। লোইশিল্লকপদা পুথোরক্কদৌরিবা দেতা অসি এন.এফ.ঐচ.এস.-৪গা ইন্ফোর্মেসন অমত্তা মাঙদনা চাংদম্নবা য়াগনি‍।

ফোঙলিবা স্তেত ফেকসীত অসিদা মরুওইব ইন্দিকেতর ১৩১ য়াওরি‍। দিসেম্বর ১৪, ২০২০দা মন্ত্রালয়গী ৱেবসাইত্তা থাগৎখ্রবা অহানবা তাঙ্কক্কী স্তেত/য়ু.তি.শিংগী দিস্ত্রিক্ত ৩৪২গী দিস্ত্রিক্ত থাক্কী ফেকসীত অসিদা মরুওইবা ইন্দিকেতর ১০৪গী ইন্ফোর্মেসন য়াওরি‍। মীশিং, হকশেল অমসুং য়াইফ-য়ুম্বাল, মচি ওইবা চীঞ্জাক অমসুং অতৈ হীরমশিংগী মরুওইবা ইন্দিকেতরশিং অসিনা লৈবাকসিদা সস্তেনেবল দেভেলপমেন্ত গোল (এস.দি.জি.)গী খোঙজেল য়েংশিনবদা মতেং ওইগনি‍। এন.এফ.ঐচ.এস.-৫কী ইন্দিকেতর কয়া ২০১৫-১৬দা পাঙথোকখিবা এন.এফ.ঐচ.এস.-৪গীদা য়াওরিবশিংগা চাংদম্নবা য়ানবা মান্নহল্লি‍। অদুবু অঙাঙ তিকা থাদোকপা, অঙাঙশিংদা মাইক্রো-ন্যুত্রিএন্ত ফংহনবা, মেন্সত্রুএল হাইজিন, য়ু অমসুং হিদাক মনা শীজিন্নবগী চাং, নন-কম্মুনিকেবল দিজিজ (এন.সি.দি.)গী অহেনব মচাকশিং, হাইপরতেন্সন অমসুং দাইবেতিস ওনবগী চহী মতাঙ পাকথোক চাউথোকহন্দুনা চহী ১৫ অমদি মথক্কী মীপুম খুদিংমক কোনশিনবা হায়রিবা এন.এফ.ঐচ.এস.-তা হাপচিল্লকপা অনৌবা ফোকেল এরিয়াশিং অসিনা হান্না লৈরিবা থৌরাংশিং মপাঙ্গল কনখৎহনবদা অমদি পোলিসী ইন্তরভেন্সনগী ওল্লক্লিবা অনৌবা লাল্লোংশিং অসিদা মথৌ তাবা মচাকশিং পীগনি‍।

স্তেত/য়ু.তি.শিংগী ফেকসীতশিংগী মরুওইবা মহৈশিং মখাদা পীরি:

• অয়ামবা অহানবা তাঙ্কক্কী স্তে্ অমদি য়ু.তি.শিংদা লৈবা তোতেল ফর্তিলিতী রেত (তি.এফ.আর.) এন.এফ.ঐচ.এস.-৪দা লৈখিবদগী হন্থরক্লি‍। রিপ্লেসমেন্ত লেভেল ওফ ফর্তিলিতী (২.১) অসি স্তেত/য়ু.তি. ২২গী মনুংদা ১৯দা উবা ফংই অদুগা স্তেত ৩ খক্তমক হায়বদি মনিপুর (২.২), মেঘালয়া (২.৯) অমসুং বিহার (৩.০)গী তি.এফ.আর. রিপ্লেসমেন্ত লেভেলগী মথক্তা লৈরি‍।
• অয়ামবা স্তেত/য়ু.তি.শিংদা অপুনবা কন্ত্রাসেপ্তিব প্রিভেলেন্স রেত (সি.পি.আর.) মশক থোক্না হেনগৎলে অদুগা ঐচ.পি. অমসুং দব্লিউ.বি.দা (চাদা ৭৪) খ্বাইদগী ৱাংবা ওইরি‍। অয়ামবা স্তেত/য়ু.তি.শিংদা অনৌবা মওংগী কন্ত্রাসেপ্সন শীজিন্নবা হেনগৎলে‍।
• অহানবা তাঙ্কক্কী স্তেত/য়ু.তি.শিংদা ফেমিলী প্লান্নিংগী মথৌ তাবশিং ফংবা ঙমদবগী চাং হন্থরকপা উই‍। মেঘালয়া অমসুং মিজোরাম নত্তনা অতৈ স্তেত খুদিংমক্তা নাউরোন লাউহনবগী তঙাই ফদবা লৈরমদবদু চাদা ১০গী মখাদা হন্থরক্লে‍।
• স্তেত/য়ু.তি./দিস্ত্রিক্ত খুদিংমক্তা থা ১২-২৩ ফাওবগী অঙাঙশিংদা মপুং ফানা তিকা থাদোকপগী থৌওং মশক থোক্না হেনগৎলক্লে‍। নগালেন্দ, মেঘালয়া অমসুং অসাম নত্তনা অতৈ স্তেতশিংদা অঙাঙ শরুক অহুম থোকপগী অনিদি মপুং থানা তিকা থাদোক্লে‍। দিস্ত্রিক্ত মশিং শরুক মরি থোকপগী অহুমদা থা ১২-২৩গী অঙাঙ মশিংগী চাদা ৭০ হেনবদা অঙাঙ ওইরিঙৈদা নাবা লাইনাশিংগী তিকা থাদোক্লে‍।
• এন.এফ.ঐচ.এস.-৪ অমসুং এন.এফ.ঐচ.এস.-৫কী দেতাশিং চাংদম্নবদা স্তেত কয়াদা মপুং ফানা তিকা থাদোকপগী ফীভম খোঙজেল লৈনা চঙশিনবা থেংনখি; তেল্লবা চহী ৪গী মতমসিদা স্তেত/য়ু.তি. ২২গী মনুংদা ১১দা পোইন্ত চাদা ১০গী মথক্তা হেনগৎলকখি অদুগা অতোপ্পা স্তেত/য়ু.তি. ৪দনা পোইন্ত চাদা ৫দগী ৯ ফাওবগী চাং হেনগৎলকখি‍। মসি লৈঙাক্না ২০১৫দা হৌদোকখিবা অখন্নবা থৌরাং মিসন ইন্দ্রধনুশগী মপান্ননি হায়বা য়াই‍।
• স্তেত/য়ু.তি. কয়াদা হেল্থ প্রোভাইদরশিংনা রিকমেন্দ তৌরিবা নুপীশিংনা এ.এন.সি. ভিজিত মরি নৎত্রগা মরিদগী হেন্না চৎপগী চাং হেনগৎলে‍। হেনগৎলক্লিবা অসি স্তেত/য়ু.তি. ১৩দা ২০১৫-১৬দগী ২০১৯-২০দা থেংনখি‍।
• স্তেত অমসুং য়ু.তি. ১৯দা নুপী শরুক মঙা থোকপগী মরিনা ইন্সতিত্যুসনদা অঙাঙ পোক্তুনা ইন্সতিত্যুসনেল বর্থকী চাং মশক থোক্না হেনগৎলে‍।‍। স্তেত অমসুং য়ু.তি. ২২গী মনুংদা ১৪দা ইন্সতিত্যুসনেল দেলিভরী চাদা ৯০গী মথক্তা ওই‍। সর্ভেগী মমাঙ চহী ৫সিদা দিস্ত্রিক্ত মশিং চাদা ৯১গী ময়াদা ইন্সতিত্যুসনেল দেলিভরী চাদা ৭০ হেন্না লৈখি‍।
• ইন্সতিত্যুসনদা অঙাঙ পোকপগী চাং হেনগৎলকপগা লোয়ননা স্তেত/য়ু.তি. কয়াদা মরুওইনা লনাই হেল্থ ফেসিলিতীশিংদা সি.-সেক্সনগী চাং মশক থোক্না হেনগৎলক্লে‍।
• স্তেত/য়ু.তি. অয়ামবদা পোকপগী সেক্স রেসিও হোংদনা নৎত্রগা হেনগৎলকপা থেংনৈ‍। স্তেত অয়ামবদা সেক্স রেসিও ৯৫২ নৎত্রগা মসিদগী হেনবা ওইদুনা নোর্মেল ওইরি‍। তেলঙ্গনা, হিমাচল প্রদেশ, গোৱা, দি.এন.ঐচ. অমসুং দি.দি.দা এস.আর.বি. ৯০০গী মখাদা লৈ‍।
• চাইল্দ ন্যুত্রিসন ইন্দিকেতরশিং স্তেত শিনবা থুংনা য়ানশিন্নবা মওংদা লৈ‍। স্তেত/য়ু.তি. কয়াদা ফীভম ফগৎলক্লবসু অতৈ খরদা ফীভম শোকপা খরা লৈ‍। অতেনবা মতমদা ফীভম শোকচিনবা অমদি মাঙহনবগী মওং লৈরোই‍।
• নুপী অমসুং অঙাঙশিংদা ঈ ৱাৎপগী ফীভম অরুবা ৱাফম অমা অদুমক ওইরি‍। স্তেত/য়ু.তি. ২২গী মনুংদা ১৩দা অঙাঙ অমসুং নুপী তঙ্খাই হেনবদি ঈ ৱাৎপগী ফীভম লৈ‍। মীরোন্বী নুপীশিংনা আই.এফ.এ গুলি নুমিৎ ১৮০ নৎত্রগা মসিদগী হেন্না চাবগী চাং হেনগৎলক্লবসু এন.এফ.ঐচ.এস.-৪ চাংদম্নবদা স্তেত/য়ু.তি. তঙ্খাই অমদদি মীরোন্বী নুপীশিংদা ঈ ৱাৎপগী চাং হেনগৎলকপা থেংনখি‍।
• স্তেত/য়ু.তি. শিনবা থুংনা নুপা অমসুং নুপী অনিমক্তা রেন্দম ব্লদ গ্লুকোজকী চাং ৱাংবা অমদি য়াম্না ৱাংবগী চাং য়াম্না খেন্ননা লৈবা থেংনৈ‍। অৱাংবা অমদি য়াম্না ৱাংবা রেঞ্জতা নুপীশিংদগী নুপাশিংনা ব্লদ গ্লুকোজকী চাং খরা হেন্না ৱাংবা থেংনৈ‍। নুপাশিংদা ব্লদ গ্লুকোজকী চাং ৱাংবা অমদি য়াম্না ৱাংবগী ফীভম অসি কেরলা (চাদা ২৭) অমদি গোৱাদা (চাদা ২৪) থেংনৈ‍। ব্লদ প্রেসর ৱাংখৎপা (হাইপরতেন্সন) লৈবগী চাং নুপীদগী নুপাদনা হেল্লি‍।
• ফীভম ফগৎলবা সেনিতেসনগী খুদোংচাবা অমদি চাক থোংনবা তরু তরুবা গ্যাস লৈবা য়ুমথোঙগী চাং হৌখিবা চহী মরিসিদা (২০১৫-১৬ দগী ২০১৯-২০) স্তেত/য়ু.তি. ২২সিগী মনুংদা অয়ামবদা হেনগৎলে‍। ভারত লৈঙাক্না লৈবাকসিদা স্বচ ভারত মিসনগী খুত্থাঙদা য়াম্লবা য়ুমথোঙ কয়াদা তোইলেতকী খুদোংচাবা পীননবা অমদি প্রধান মন্ত্রী উজ্জ্বলা য়োজনাগী মখাদা অকোইবগী ফীভম ফগৎহন্নবা থৌরাং কয়া পায়খৎলি‍। খুদম ওইনা, হৌখিবা চহী ৪সিদা স্তেত অমসুং য়ু.তি. পুম্নমক্তা চাকথোঙ গ্যাস শীজিন্নবগী চাং পর্সেন্তেজ পোইন্ত ১০গী মথক্তা হেনগৎলে অদুগা কর্নাতকা অমসুং তেলঙ্গনাদদি পর্সেন্তেজ পোইন্ত ২৫গী মথক্তা হেনগৎলে‍।
• নুপীশিংগী মপাঙ্গল কনখৎহনবগী ইন্দিকেতরশিংগী মতাঙদা অহানবা তাঙ্কক্তা য়াওরিবা স্তেত/য়ু.তি. পুম্নমক্তা ফনা য়াম্না ফগৎলে‍। বেঙ্ক একাউন্ত শীজিন্নবা নুপী মশিং এন.এফ.ঐচ.এস.-৪ অমসুং এন.এফ.ঐচ.এস.-৫কী মরক্তা নীংথিনা খুমাঙ চাউশিল্লে‍। খুদম ওইনা, বিহারদা চাদা ২৬ ওইরমবদগী চাদা ৭৭ ওইদুনা পর্সেন্তেজ পোইন্ত ৫১ হেনগৎলকখি‍। অহানবা তাঙ্কক্কী স্তেত অমসুং য়ু.তি. পুম্নমক্তা লৈরিবা নুপী মশিংগী চাদা ৬০ হেনবদি বেঙ্গ একাউন্ত শীজিন্নৈ‍।
• সর্ভে মনুংদা অমদি মমাঙদা কেরলাদা হঞ্জিন হঞ্জিন ঈচাউ থোকপনা মরম ওইরগা মেতর্নেল কেয়র অমসুং সর্ভিস ফংবগী ফীভমদা শোকহল্লমবা য়াই, অমদি মরম অসিনা দিস্ত্রিক্ত খরদা মেতর্নেল কেয়র ইন্দিকেতরদা হান্নগা মান্নদবা/থাজদবা ফীভম থেংনবা য়াই‍। ত্রিপুরাদা এন.এফ.ঐচ.এস.-৪গী মতমদা দিস্ত্রিক্ত ৪ লৈরমবদগী এন.এফ.ঐচ.এস.-৫তা নৌনা শেমখিবা দিস্ত্রিক্ত ৮ কোনশিল্লে‍। মসিনা মীশিং খায়দোক খায়জিন্দা অহোংবা খরা লৈদুনা ইন্দিকেতর খরদা হন্থরকপা থেংনগনি‍। অপীকপা স্তেত/য়ু.তি.শিংদা সেম্পল সাইজ পীকপনা মরম ওইরগা লৈরিবা ফীভম য়েংবা মতমদা খরা চেকশিন্না য়েংবা মথৌ তাগনি‍।
• অনিসুবা তাঙ্কক্কী স্তেত/য়ু.তি. ১৪গী ফিল্দ ৱর্ক জনুৱারী ২০২০দা হৌদোকখিবনি‍। লৈবাক্কী লোকদাউনগী মতমদা (মার্চ ২০২০ লোইশিল্লকপদা) হায়রিবা স্তেত/য়ু.তি.শিংসিদা ফিল্দৱর্ক চাদা ৩৮গী ময়াদা লোইশিনখ্রে‍। লোকদাউন কোমথোরকপগা লোয়ননা হায়রিবা স্তেত/য়ু.তি.শিংসিদা নবেম্বর ময়া চল্লকপদগী ফিল্দ ওপরেসসন মখা চত্থখি‍। ওইরিবা কোবিদ-১৯গী ফীভম অসিগী য়েংলগা অনিসুবা তাঙ্কক্কী স্তেত/য়ু.তি.শিংদা ফিল্দৱর্ক মখা চত্থনবা সর্ভে প্রোতোকোলগী মতুং ইন্না মথৌ তাবা রিভিজন অমসুং ঙাকথোক্নবগী থৌরাংনচিংবগী মতাঙদা প্লান্নিং অমসুং শেম শাবা কয়া তৌখি‍। ফেব্রুৱারী/মার্চ, ২০২১দদি ফিল্দৱর্ক লোইশিল্লকপা য়াই হায়না পারি অমদি অনিসুবা তাঙ্কক্কী স্তেত/য়ু.তি.শিংগী মরুওইবা ইন্দিকেতরশিং মো, ২০২১গী অদুৱাইদা ফংলগনি‍। এস.দি.জি. হেল্থ ইন্দিকেতর অয়ামবা য়াওরবা লৈবাক্কী থাক্কী ইন্দিকেতরশিং জুন.জুলাই, ২০২১ ফাওবগী মনুংদা ফংলবা য়াই‍।

****