জিএছটিৰ ঘাটি পূৰণ কৰিবলৈ ৰাজ্যবোৰক সপ্তম সপ্তাহৰ কিস্তিৰ ৬ হাজাৰ কোটি টকাৰ ঋণৰ ধন দিয়া হৈছে। ইয়াৰ ভিতৰত  ২৩ খন ৰাজ্যক ৫৫১৬.৬ কোটি টকা দিয়া হৈছে। দিল্লী, জম্মু-কাশ্মীৰ আৰু পণ্ডীচেৰী- এই তিনখন কেন্দ্ৰশাসিত অঞ্চল, যাৰ বিধানসভা আছে আৰু যি জিএছটি পৰিষদৰো সদস্য তেওঁলোকক ৪৮৩.৪ কোটি টকাকৈ দিয়া হৈছে। অৰুণাচল প্ৰদেশ, মণিপুৰ, মিজোৰাম, নাগালেণ্ড আৰু ছিকিমৰ জিএছটি ঘাটি নাই। 
 
কেন্দ্ৰই অক্টোবৰ মাহত জিএছটি-ৰ ১.১ লাখ কোটি টকাৰ ৰাজহ ঘাটি পূৰণ কৰিবলৈ বিশেষ ঋণদান প্ৰকল্পৰ ব্যৱস্থা কৰিছে। ইয়াৰ মাধ্যমেৰে কেন্দ্ৰ, ৰাজ্য আৰু কেন্দ্ৰশাসিত অঞ্চলবোৰৰ বাবে ধন ধাৰ হিচাপে গ্ৰহণ কৰিব। ইতিমধ্যে ৭ টা পৰ্যায়ত ঋণ দিয়া হৈছে- ২৩ অক্টোবৰ, ২ নৱেম্বৰ, ৯ নৱেম্বৰ, ২৩ নৱেম্বৰ, ১ ডিচেম্বৰ, ৭ ডিচেম্বৰ আৰু ১৪ ডিচেম্বৰ। ৰাজ্যসমূহৰ বাবে এই সপ্তাহত সপ্তম কিস্তিৰ ধন দিয়া হ’ল। এই ঋণৰ সুদৰ হাৰ হৈছে ৫.১৩৪৮ শতাংশ। কেন্দ্ৰই এই পৰ্যন্ত এই ব্যৱস্থাপনাৰে ৪.৭৭১২ শতাংশ হাৰৰ সুদত মুঠ ৪২ হাজাৰ কোটি টকা ঋণ প্ৰদান কৰিছে।  
 
এই বিশেষ ঋণ প্ৰকল্পৰ সমান্তৰালকৈ জিএছটিৰ ঘাটি পূৰণ কৰিবলৈ কেন্দ্ৰই ৰাজ্যবোৰক সেইবোৰৰ মুঠ আভ্যন্তৰীণ উৎপাদনৰ ০.৫ শতাংশ হাৰত ঋণ গ্ৰহণৰ অনুমতি দিছে। এই ব্যৱস্থাপনাক বিকল্প-১ বুলি ধৰা হৈছে। আটাইকেইখন ৰাজ্যই বিকল্প -১ ব্যৱস্থাৰ পৰা ঋণ গ্ৰহণৰ আগ্ৰহ প্ৰকাশ কৰিছে। ইয়াৰ ফলত ২৮ খন ৰাজ্যই ইয়াৰ মুঠ আভ্যন্তৰীণ উপাদনৰ ০.৫ শতাংশ হাৰে ১,০৬,৮৩০ কোটি টকা ঋণ গ্ৰহণৰ অনুমতি লাভ কৰিছে। ইয়াৰ মাজতে পশ্চিমবঙ্গই বিকল্প-১ ৰ পৰা ৬৭৮৭ কোটি টকা আৰু বিশেষ ঋণদান ব্যৱস্থাৰ পৰা ৭৩৪.৬৮ কোটি টকা, ত্ৰিপুৰাই বিকল্প-১ ৰ পৰা ২৯৭ কোটি টকা আৰু বিশেষ ঋণদান ব্যৱস্থাৰ পৰা ১০৩.৫ কোটি টকা গ্ৰহণ কৰিছে। আনহাতে, অসমে বিকল্প-১ ৰ পৰা ১৮৬৯ কোটি টকা আৰু বিশেষ ঋণদান ব্যৱস্থাৰ পৰা ৪৫৪.৩৬ কোটি টকা ঋণ গ্ৰহণ কৰিছে।   

(কোটিত)

* এই কেইখন ৰাজ্যৰ জিএছটি ঘাটি নাই

***********

RM/KMN/RD