نئی دہلی،14؍ دسمبر ،          خزانے کی وزارت نے ریاستوں کو 6000 کروڑ روپئے کی ساتویں ہفتے وار قسط جاری کی ہے تاکہ وہ جی ایس ٹی معاوضے میں کمی کو پورا کرسکیں۔ ان میں سے 5516.60 کروڑ روپئے 23 ریاستوں کو اور 483.40 کروڑ روپئے مرکز کے زیر انتظام اُن  تین علاقوں کو  جاری کیے گئے ہیں جہاں لجسلیٹیو اسمبلی موجود ہے۔ (دہلی، جموں اینڈ کشمیر اور پڈوچیری) اور جو  جی ایس ٹی کونسل کے ممبر ہیں۔ باقی پانچ ریاستیں ارونا چل پردیش، منی پور، میرزورم، ناگالینڈ اور سکم کے  پاس جی ایس ڈی کے عمل درآمد کے سلسلے میں مالیے میں کوئی فرق نہیں ہے۔

بھارت سرکار نے اکتوبر 2020 میں  جی ایس ٹی پر عملدرآمد کی وجہ سے مالیہ میں پیدا ہونے والی 1.10 لاکھ کروڑ روپئے کی تخمینی کمی کو پورا کرنے کی غرض سے اکتوبر 2020 میں قرضے سے متعلق ایک خصوصی شعبہ قائم کیا گیا تھا۔ بھارت سرکار ریاستوں اور مرکز کے زیر انتظام علاقوں کی طرف سے اس شعبے سے قرضے لے رہی ہے۔ یہ قرضے سات مرحلوں میں لیے جارہے ہیں ۔ جو رقم قرضے میں لی گئی ہے وہ اب تک ریاستوں کو 23 اکتوبر 2020، 2 نومبر 2020، 9 نومبر 2020، 23 نومبر 2020، یکم دسمبر 2020، 7 دسمبر 2020 اور 14 دسمبر 2020 کو جاری کی گئی۔

اس ہفتے جو رقم جاری کی گئی ہے وہ ریاستوں کو اس طرح کے فنڈز کی فراہمی کی ساتویں قسط ہے۔ اس ہفتے جو قرضہ لیا گیا ہے وہ 5.1348 فیصد کی شرح سے ہے۔ اب تک مرکزی حکومت خصوصی شعبے سے 4.7712 فیصد کی اوسط شرح سود سے 42000 کروڑ روپئے قرضے کے طور پر لے چکی ہے۔

جی ایس ٹی پر عمل درآمد کی وجہ سے مالیے میں کمی کو پورا کرنے کے لیے قرضے کے خصوصی شعبے سے جو فنڈ فراہم کیے جارہے ہیں ان کے علاوہ بھارت سرکار نے ریاستوں کو گراس اسٹیٹس ڈومیسٹک پروڈکٹ (جی ایس ڈی پی) کے 0.50 فیصد کے برابر فاضل قرضہ لینے کی اجازت بھی دی ہے۔ یہ اجازت ان ریاستوں کو دی گئی ہے جو جی ایس ٹی معاوضے میں کمی کو پورا کرنے کے لیے متبادل نمبر 1 کا انتخاب کرتی ہیں۔ اس کا مقصد ریاستوں کو فاضل مالی وسائل حاصل کرنے میں مدد دینا ہے۔ تمام ریاستوں نے متبادل-1 کے لیے اپنی ترجیح ظاہر کردی ہے۔اس گنجائش کے تحت 28 ریاستوں کو پوری فاضل رقم 106830 کروڑ روپئے (جی ایس ڈی پی کے 0.50 فیصد کے برابر)قرضہ  حاصل کرنے کی اجازت دے دی گئی ہے۔

 اٹھائیس ریاستوں کو فاضل قرضے حاصل کرنے کی اجازت کے تحت جو رقم خصوصی شعبے کے ذریعے جاری کیے گئے  ہیں اور اب تک  ریاستوں نیز مرکز کے زیر انتظام علاقوں کو دیئے گئے ہیں ان کی تفصیل جدول میں دی گئی ہے۔

جی ایس ڈی پی کے 0.50 فیصد کے برابر ریاست وار فاضل قرضے اور خصوصی شعبے کے ذریعے جاری کی گئی12 دسمبر 2020 تک ریاستوں / مرکز کے زیر انتظام علاقوں کو دیئے گئے قرضوں کی تفصیل اس طرح ہے:

(کروڑ روپئے میں)

* ان ریاستوں کے جی ایس ٹی معاوضے میں کوئی فرق نہیں ہے۔

***************

م ن۔ اج ۔ ر ا   

U:8080