জল শক্তি মন্ত্রালয়
তুরেল অমুক হিঙ্গৎহন্নবা অমসুং লু-নান্না থম্নবা ভারতনা পায়খৎলিবা থবকশিং জেবিয়র চৌভেত, ইন্তরনেসনেল বেঙ্কনা থাগৎলি
Posted On:
13 DEC 2020 7:08PM by PIB Imphal
আর্তফিসিএল ইন্তিলিজেন্সতগী হৌরগা মতম অসিগী খ্বাইদগী ফরবা ইনফ্রাস্ত্রকচর শেমগৎনবা অনৌবা তেক্নোলোজিশিং অমসুং পাম্বৈশিং ভারতকী কৈথেলদা য়াংনা য়ৌরক্নবা ভারতকী কম্পেনিশিংগা থবক তৌমিন্ননবা য়ু.এস কম্পেনিশিংনা পান্দম থম্লি।
দিজিতেল ৱাতরগী মতাংদা খন্নবা অমদা, ৱাশিংতন্দা লৈবা ভারতকী এম্বেসিগী মিনিস্তর ইকোনোমিক, দোক্তর রবি কোতানা হায়খি ঈশিংগী লমদা ভারতকী দিজিতেলগী য়ুম্ফম থোন্নবা য়ুনাইতেদ স্তেৎনা অচৌবা মরুপ ওইবা য়াগনি। ইন্তরনেসনেল বেঙ্ক ফোর রিকন্সত্রক্সন এন্দ দিবলপমেন্তগী সেনিয়র ৱাতর অমসুং সেনিতেসন স্পিসিএলিস্ত জেবিয়র চৌভেত দি বিউচেননা হায়খি ভারতকা থবক তৌমিন্নবদা বেঙ্ক অসিনা চাউথোকচবা পোকই। ভারত্তা মীওই মিল্লিয়ন ৫৫০ লমহাংদা খোঙহাম্বা তোক্কনি হায়না ঐখোয়না চহি ৫গী মমাঙদা খনখি। মীয়ামগা থবক তৌমিন্নবা অমসুং লমচৎ-শাজত্তা অহোঙবা পুরক্নবা মচাক-মথুমশিং শেমগৎপদা মিৎয়েং থমদুনা ভারত সরকারগী থবক্তা অচৌবা অহোঙবা অমা লাকখি।
মহাক্না হায়খি খুদোংচাদবা অদু মশক খঙদোক্ত্রবা অমসুং মশিং খঙদ্রবদি অৱাবা অদু কোকহনবা ঙম্লোই। মরম অদুনা দেতা অসি য়াম্না মরুওই। মসিগী মাইকৈদা ভারতনা থবক কয়া পায়খৎলে। থবকশিং খুমাঙ চাউশিনবগী তাঙ্ককশিংদা লৈরে, মসি অফবা খোঙহৌ অমনি। মেরিলেন্দগী ইনভাইরোনমেন্ত সেক্রেতরি, বেন গ্রুমবলনা হায়খি লৈবাকশিংনা লৈবাক অমদগী তমগদবা কয়া লৈরি। মরম চানা ঈশিং শীজিন্নবা অমসুং ফংহনবা অসি তঙাইফদবনি অমসুং য়ু.এস ক্লিন ৱাতর এক্তকী মাইপাকপগী ৱারি খঙহনগদবনি।
য়াম্না নুংঙাইবা অমা ওইনা, মী খুদিংমক ঈশিং ফংহন্নবা পান্দমদা ভারতসু জল জিবন মিসন হৌদোক্লে। ব্লেকস্তোন ইনফ্রাস্ত্রকচর গ্রুপ অমসুং বোর্দকী সেনিয়র এদভাইজর উসা রাও মোনারিনা থেমস তুরেল শেংদোকপগী থবকশিং খুদম ওইনা পীরদুনা হায়খি অফবা থৌশিল অমসুং শেন-থুম অনি পুন্দুনা তুরেল ফজনা শেংদোকপা য়াগনি। নামামি গঙ্গে মিসনদা থৌশিল অমসুং শেন-থুমগী খুদোংচাবা অনি লৈরিবা অসি পনবা য়াই।
খন্ন-নৈনবা অদু ৫সুবা ইন্দিয়া ৱাতর ইম্পেক্ত সমিৎকী শরুক অমা ওইনা নেসনেল মিসন ফোর ক্লিন গঙ্গা অমসুং সেন্তর ফোর গঙ্গা রিভর বেসিন মেনেজমেন্ত এন্দ স্তদিজনা শীনবনি।
নেসনেল মিসন ফোর ক্লিন গঙ্গাগী দিরেক্তর জেনেরেল রজিব রঞ্জন মিশ্রানা হায়খি ঐখোয়না হোৎনরিবা থবকশিং অসি হৌজিক মালেমগী মীয়াম্না মশক খঙবদা ঐখোয় হরাওই। প্রধান মন্ত্রী শ্রী নরেন্দ্র মোদীগী পান্দম মখাদা অমসুং জল শক্তি মিনিস্তর শ্রী গজেন্দ্র সিংহ সেখাৱাতকী লমজিং মখাদা গঙ্গা অমসুং মহাক্কী মশাশিং শেংদোক্নবা নামামি গঙ্গে মিসনগী মাইপাক্না পায়খৎপগীদমক ভোলুন্তিয়রশিং, অখঙ-অহৈশিং অমসুং মীয়ামগী লুপশিং মহাক্না থাগৎখি।
***
(Release ID: 1680465)
Visitor Counter : 101