হ্যুমেন রিসোর্স চাউখৎ-থৌরাংগী মন্ত্রালয়

এজুকেসনগী য়ুনিয়ন মিনিস্তরনা সাহোদায়া স্কুল কম্প্লেক্সকী ২৬শুবা নেস্নেল এন্নুএল কনফরেন্সদা ভর্চুএল ওইনা ৱা ঙাংখ্রে

Posted On: 11 DEC 2020 6:41PM by PIB Imphal

এজুকেসনগী য়ুনিয়ন মিনিস্তর শ্রী রামেশ পোখ্রিয়াল ‘নিশাঙ্ক’না সাহোদায়া স্কুল কম্প্লেক্সকী ২৬শুবা নেস্নেল এন্নুএল কনফরেন্সদা অথোইবা অতিথি ওইনা ঙসি ভিদিও কনফরেন্সদা ৱা ঙাংখ্রে। 

থৌরম অসিদা, মিনিস্তরনা সামার্থান কৌবা কনফরেন্স সৌবেনির অমা ফোংখি – হায়রিবা অসি লৈবাক অসিদা খ্বাইদগী ফবা লাইরিক তম্বীবগী মওং পরীং অম য়াওরি। মহাক্না ক্লাস ৯ অমসুং ১২কী এজুকেসন, নুঙাইনা লাইরিবা তম্বা অমসুং ফিজিকেল এজুকেসন য়াওবা সি.বি.এস.ই.গী মেনুএলশিং ফোংখি। 

কনফরেন্স অসিদা ৱা ঙাংলদুনা, ইন্দিয়া অসিবু মরোমদোম লেপচবা ঙম্নবা লৈবাক অসিদা লৈরিবা নাগরিকশিংনা মশাগী মথৌদাং চপ চানা লৌদুনা পুন্না চংশিনমিন্নবা অমা মথৌ তাই হায়খি অমসুং মহাক অসিবু অনৌবা ইন্দিয়া অমা শেম্বদা অঙম্বা মখৈ হোৎনবা অসিনি। মহাক্না স্কুলগী প্রিন্সিপাল অমসুং ওজাশিংবু মহাত্মা গান্ধীগী ৱাখল্লোন নাই তালীম হায়বা অসিদা থবক তৌরিবা অসিবু থাগৎপা ফোংদোকখি। মহাক্না অনৌবা এজুকেসন পোলিসি অসিবু য়াম্না চেকশিন্না হোৎনদুনা মহৈ য়ান্নবা তকশিনখি। ২১শুবা সেনচুরিগী অনৌবা ইন্দিয়া অসিদা প্রধান মন্ত্রী শ্রী নরেন্দ্র মোদীগী মিয়েং অসিদা ৱা ঙাংলদুনা মহাক্না স্কুলগী প্রিন্সিপাল অমসুং ওজাশিংবু পুন্না থবক তৌমিন্নদুনা মংফাওননবা তকশিনখি।

গেস্ত ওফ ওনর ওইরিবা, প্রাইমারী অমসুং সেকেন্দরী এজুকেসনগী মিনিস্তর শ্রী সুরেশ কুমার অমসুং কর্নাতকা সরকারগী সকালানা উত্তরাখন্দ অমসুং কর্নাতকা স্তেত অনিগী ওইবা এক ভারত শ্রেস্থ ভারতকী থৌরম ভিদিওগা অয়েকপা ওইনা হৌদোকখি।

এজুকেসন মিনিস্ত্রীগী, স্কুল এজুকেসন অমসুং লিতরেসিগী সেক্ত্রেতরী শ্রীমতি অনিতা কার্ৱালনা পুল্লিবা অসিদা ৱা ঙাংলদুনা লৈবাক অসিগী এজুকেসন্দা তুংদা ওইরক্কদবা কয়া অমা থমখি। শ্রীমতি কার্ৱালনা ওজাশিংবু মখোয়না থেংনরিবা অৱাবা কয়া অমা মায়োক্নবা চংই অমসুং মসিনা খুদোংচাবা অমা ওন্থোক্তুনা অফবা এজুকেসন অমা ওইহনবা অসিনি। সি.বি.এস.ই.গী চেয়রমেন শ্রী মনোজ অহুজানা এন.ই.পি. ২০২০গী ওইবা য়াবা কয়া অমা শন্দোক্না পনখি। কনফরেন্স অসিগী কিনোৎ ৱাঙাংলোই, শীমতি কিরন মজুমদার শোনা ওজা অমসুং অঙাংশিংনা মতৌ করম্না অহোংবা নাইরিবা লাইরিক তম্বীবগী মওং অসিদা চুশন্নবগে হায়বা অসিগী মতাংদা ৱা ঙাংখি। 

সাহোদায়া স্কুল কম্প্লেক্সকী ২৬শুবা নেস্নেল এন্নুএল কনফরেন্স অসি সি.বি.এস.ই.না শিনখি অমসুং বেঙ্গলোর সাহোদায়া স্কুল কম্প্লেক্স এসোসিএসন্না য়ুম্বু  ওইদুনা ইন্দিয়া অমসুং মপাল লমগী মীওই ৪০০০ রোম ভর্চুএলি ওইনা শরুক য়াখি। 

***



(Release ID: 1680249) Visitor Counter : 133