লাক্কদৌরিবা কম্পিতিতিব অমসুং বোর্দ এগজামশিং অসিগী য়েংলগা কেন্দ্রগী এদজুকেসন মন্ত্রী শ্রী রামেশ পোখ্রিয়াল ‘নিশঙ্ক’না লৈবাক অসি শিনবা থুংনা ওজাশিং, মমা-মপাশিং অমসুং মহৈরোইশিং অসিগা ভর্চুয়েল্লী ওইনা উন্নখ্রে৷ পুং ১রোমগী চাংদা উন্নখিবা অদুদা মন্ত্রী অসিনা স্কুল এগজামিনেসনশিং, এন্ত্রান্স এগজামিনেসনশিং অসিগী মতাংদা মহৈরোইশিং অসিনা খঙনিংলিবা ময়াম অদুগী মতাং ফোংদোকখ্রে৷

থৌরম অসিদা ৱা ঙাংলদুনা মহৈরোইশিং অসিনা ২০২০গী নেস্নেল এদজুকেসন পোলিসী অসিগী ব্রান্দ এম্বাসেদরশিংনা হায়না শ্রী প্রোখ্রিয়ালনা ফোংদোকখ্রে৷ পোলিসী অসি মাই পাকপা অমা ওইননবা ঐখোয় পুম্নমক অমতা ওইনা হোৎনমিন্নবা তঙাই ফদে হায়না ফোংদোকখ্রে অমসুং হায়রিবা পোলিসী অসি মাই পাক্না চৎননবা মহাক্না মহৈরোইশিং অমসুং ওজাশিং অসিগী কোওপরেসন নিখ্রে৷ মহৈরোইশিংনা মখোয়গী নোর্মেল স্কুল মতম অদুদা অথুবা মতমদা হঞ্জিল্লক্লনি হায়না থাজবা থমদুনা মহৈরোইশিং অসিনা কোবিদগী চেকশিন থৌরাং অমসুং গাইদলাইনশিং ইন্দুনা মখোয় মখোয়গী মহৈ তম্লিবা অদু লেপ্পা লৈতনা হোৎননবা মন্ত্রী অসিনা মখোয়দা হায়খ্রে৷

মহৈরোইশিং অসিগী মতাংদা ৱা ঙাংলদুনা মহাক্না অসুম্না ফোংদোকখ্রে, মসিগী মতম অসি মহৈরোইশিংনা মরুপ-মপাংশিংদা চিথী ইদুনা পাউ ফাওনখিবা পেন ফ্রেন্দ কল্চর অদু অমুক হিংগৎহনবদা শিজিন্নবা য়ারগনি৷ হৌজিক চৎনরিবা এস.এম.এস. অমসুং ৱাতচএপ অসিগী মথক্তা মরুপ-মপাংশিংদা অসিগুম্না চিথী ইবা অসিনা হেন্না নুংঙাইবা অমসুং অপেনবা ফাওহল্লি৷ মসিনা মহৈরোইশিং অসিগী ইবগী স্কিল অদু হেন্না ফহল্লগনি হায়না মহাক্না ফোংদোকখি৷

“মাই বুক, মাই ফ্রেন্দ কেম্পেন্দ” অসিদা মহৈরোইশিং অসিনা এক্তিব পার্তিসিপেসন তৌবা অসি নিংশিংদুনা মন্ত্রী অসিনা মহৈরোইশিংনা পাবগী হৈনবি মখাতানা লৈহল্লু হায়না ফোংদোকখ্রে৷ মহৈরোইশিং অসিনা মখোয়গী মরুপ মপাং, মরী মতা অমসুং অতোপ্পা মীওইশিংগী পোকপা নুমিৎকী খুদোল ওইনা লাইরিক পীনবা মহাক্না হায়খ্রে৷ হায়রিবা ময়াম অসি মতুং ইল্লবদি তিচিং অমসুং লর্নিংগী কল্চর অদু শেমগৎপা ঙম্লগনি হায়না মহাক্না ফোংদোকখি৷

লোকদাউন অসিগী মনুং ফাওবদা লর্নিং অমসুং তিচিংগী প্রোসেস অসি লেপ্পা লৈতনা পাংথোক্লিবা অসিদা নুংঙাইবা ফাওই হায়না মহাক্না ফোংদোকখি৷ কোবিদকী মতমদা এদজুকেসন ফংহন্নবা এদজুকেসন মন্ত্রালয়না হৌদোকখিবা তোঙান তোঙানবা ইনিসিয়েতিবশিং অসিগী মতাংদা ৱা ঙাংলদুনা মহাক্না অসুম্না ফোংদোকখ্রে, পি.এম. ই-ভিদ্যনা দিজিতেল/ওনলাইন/রেদিয়ো মেদিয়মগী খুৎথাংদা মহৈরোই কোতি কয়া, দিক্সা, স্বয়ম প্রভা, আই.আই.তি.পাল কান্নবা পীরি৷ মন্ত্রালয় অসিনা কোবিদকী মতমদা মহৈরোই পুম্নমক্না মহৈ-মশিং তম্বা য়ানবা এস.ও.পি.শিং খুদম ওইনা প্রগ্যতা গাইদলাইনশিং, একাদেমিক কেলেন্দর ফোংখ্রে হায়না মহাক্না ফোংদোকখি৷

কম্পিতিতব এগজামশিং খুদম ওইনা নীত অমসুং জী মাই পাক্না পাংথোকখ্রে অমসুং এগজাম অসিদা শরুক য়ারিবা মহৈরোই পুম্নমক্কী চেকশিন থৌরাং অদুসু মপুং ফানা পাংথোকখি হায়না মহাক্না ফোংদোকখি৷

ভারততা অমসুং ভারতকী মপান্দা লৈরিবা মহৈরোই অসিদা কাউন্সেলিং সর্ভিসশিং পীননবা মহৈরোইশিং অসিগীদমক মন্ত্রালয় অসিনা তোল ফ্রী তেলি-কাউন্সেলিং ফেসিলিতী অমা হৌদোকখিবা অসিদা মহাক্না নুংঙাইবা ফোংদোকখি৷

জী এগজামগী সিল্লেবস অমসুং মতম অদুগা মরী লৈননা মহৈরোইশিং অসিনা পুখৎলকখিবা ৱাফম অসিদা শ্রী প্রোখ্রিয়ালনা চহী অমদা মরিরক পাংথোক্কদৌরিবা জী(মেন) ২০২১গী সজেসন অদু ফ্রেব্রুৱারীগী অরোইবা শরুক্তগী হৌদুনা (মখাতানা ২০২১গী মার্চ, এপ্রীল অমসুং মেদা) অমুক অমুক পাংথোকপা মতম খুদিংদা নুমিৎ ৩-৪ চংদুনা পোজিতিব ওইনা য়েংশিল্লগনি৷ জী(মেন ২০২১)গী সিল্লেবস অসি মমাংগী চহী অসিগা চপ মান্নগনি অমসুং মহৈরোইশিংনা ৱাহং ৯০গী মনুংদা(ফিজিক্স, কেমিস্ত্রী অমসুং মেথমেতিক্সতা ৱাহং ৩০-৩০) ৱাহং ৭৫(ফিজিক্স, কেমিস্ত্রী অমসুং মেথমেতিক্সতা ৱাহং ২৫-২৫) খঞ্জনবগী থাংগৎলকখিবা প্রপোজেল অদু য়াম্না কন্না খন্নরি হায়না মহাক্না মখাতানা ফোংদোকখি৷ জী(মেন ২০২০)গী ওইনা মহৈরোইশিংনা পাওখুম পীগদবা ৱাহং ৭৫ (ফিজিক্স, কেমিস্ত্রী অমসুং মেথমেতিক্সতা ৱাহং ২৫-২৫)য়াওরম্মী হায়না মহাক্না ফোংদোকখি৷

লাক্লিবা একাদেমিক চহী অসিদা জীগী কেন্দিদেৎশিংনা মিং চনবা য়ানবগীদমক ২০২১গী জী(মেন) কেন্দিদেৎশিংনা  অমুরক/অনিরক/অহুম্লক/মরিরক শরুক য়াবা য়ানবা কেন্দিদেৎশিং অসিদা ওপ্সন পীরিবা সজেসন অদু মন্ত্রালয় অসিনা পোজিতিব ওইনা য়েংশিল্লগনি হায়না মন্ত্রী অসিনা ফোংদোকখ্রে৷

নীতকী সিল্লেবস অমসুং মতম অসিগা মরী লৈনবা ৱাহংদা মন্ত্রী অসিনা অসুম্না ময়ামদা খঙহল্লকখ্রে, ২০২১ নীত(য়ু.জি.)গী স্কেদ্যুল অসি হকশেল অমসুং য়াইফ য়ুম্বাল মন্ত্রালয় অমসুং নেস্নেল মেদিকেল কম্মিসন(এন.এম.সি.) অসিগা মুন্না তান্নরবা মতুংদা ফাইনেলাইজ তৌরগনি৷ ২০২১ নীত(য়ু.জি.)কী লৈরিবা সিল্লেবস অসিগা মরী লৈননা নীতকী লৈরিবা সিল্লেবস অদু মমাংগী চহীগুম্না চপ মান্নরগনি হায়না শ্রী প্রোখ্রিয়ালনা ফোংদোকখ্রে৷ এগজামিনেসন পাংথোকপগী মওং-ওনলাইন অমসুং ওফলাইন অসি য়েংলগা; হকশেল অমসুং য়াইফ য়ুম্বাল মন্ত্রালয় অমসুং নেস্নেল মেদিকেল কম্মিসন(এন.এম.সি.) অসিনা হিরাম অসিগী মতাংদা য়াম্না কন্না তান্নরি হায়না মহাক্না ফোংদোকখি৷

ক্লাস ১০ অমসুং ক্লাস ১২কী বোর্দ এগজামিনেসনশিং অসিগী মতাংদা পল্লদুনা হায়রিবা বোর্দ এগজামিনেসনশিং অসিগী নুমিৎ অসি লেপ্ননবগীদমক স্তেকহোল্দরশিংগা য়াম্না কন্না তান্নরি অমসুং স্তেকহোল্দরশিং অসিদগী পীরকপা পাউখুম অদুগী মতুং ইন্না মতম অদু লাউথোক্লগনি হায়না মন্ত্রী অসিনা ফোংদোকখি৷

সি.বি.এস.ই. প্রেক্তিকেল এগজামিনেসনশিং কেন্সেল তৌবগী নত্রগা মতম য়ৈথোকপগা মরী লৈননা খঙনিংবা পোক্লিবা অদুগী মতাংদা প্রেক্তিকেল য়াওনা বোর্দ এগজামিনেসনশিং পাংথোকপগী মতম অদু সি.বি.এস.ই.না হৌজিক ফাওবা লেপ্পা লৈত্রি হায়না মন্ত্রী অসিনা ফোংদোকখ্রে৷ স্তেকহোল্দরশিং অসিগা য়াম্না কন্না তান্নরি৷ মহৈরোইশিং অসিনা এগজামিনেসনশিং অসিগী মমাংদা ক্লাসশিংদা প্রেক্তিকেলশিং তৌবা ফংদ্রবদি প্রেক্তিকেল এগজামিনেসনশিংগী অতোপ্পা এল্তরনেতিবশিং পুথোক্লগনি হায়না মহাক্না ফোংদোকখি৷

ক্লাস ১২কী শরুক খরা ককথখিবা অসিগী মতাংদা মহৈরোইশিং অমসুং ওজাশিংগী মরক্তা লৈরিবা চমম্নবা অদু চুমথোক্লদুনা সি.বি.এস.ই.না মহাক্কী ৱেবসাইততা রিভাইজ সিল্লেবস অদু মাংজৌননা থাগৎখ্রে হায়না মন্ত্রী অসিনা ফোংদোকখ্রে৷ অসিগীসু মথক্তা সম্মরী ওইবা মওং অমদা ককথখ্রবা পোর্সন অসিগী অকুপ্পা মরোলশিং অদুসু পীখ্রে৷ চমম্নবা অমা হেক্তা লৈবা মতমদা স্কুলশিংনা সি.বি.এস.ই. কন্তেক তৌরকপা য়াই নত্রগা সি.বি.এস.ই.গী ৱেবসাইত www.cbseacademic.nic.in অসিদা চংলগা য়েংবা য়াই৷সি.বি.এস.ই.না মখোয়গী ৱেবসাইত অসিদা চেপ্তর খুদিংমক্কী ভিদিও থাগৎলক্নবা মহাক্না হায়রগনি হায়না মহাক্না ফোংদোকখি৷

বোর্দ এগজামশিং শরুক য়াগদৌরিবা মহৈরোইশিং অসিগীদমক অমুক হন্না চেকশিন থৌরাংগা লোইননা স্কুলশিং হাংদোক্নবগী খন্নরিঙৈদা এদজুকেসনগা মরী লৈনবা একাদেমিক এস্পেক্তশিং অমসুং ফিজিকেল/সোসিয়েল দিস্তেন্সিং তৌদুনা লাইরিক তম্বা অমসুং স্কুল অমুক হন্না হাংদোক্ননবগীদমক হেল্থ অমসুং সেফতী এস্পেক্তশিংদা য়েংলগা অমুক হন্না স্কুল হাংবা য়ানবা এস.ও.পি./গাইদলাইনশিং এদজুকেসন মন্ত্রালয় অমসুং দিপার্তমেন্ত ওফ স্কুল এদজুকেসন অসিনা ফোংখ্রে হায়না শ্রী পোখ্রিয়ালনা ফোংদোকখ্রে৷ মন্ত্রালয়শিং অসিনা লেপ্পা লৈতনা রাজ্যশিং অসিগা পাউ ফাওনরি হায়না মহাক্না ফোংদোকখি৷

লোইশিল্লকপগী শরুক্তা মহৈরোইশিং অসিগা ৱারি শান্নবা ফংবা অসিদা মহাক নুংহাইবা ফাওই হায়না ফোংদোকখ্রে৷ মহৈরোইশিং অসিবু পাখৎপা নুংনাংবা পোক্তনবা মহাক্না হায়খ্রে৷ মহৈরোইশিং অসিগী সেফতী অমসুং একাদেমিক ৱেল্ফেয়র অসিগীদমক মন্ত্রীলয় অসিনা হোৎনরি হায়না মহাক্না ফোংদোকখি৷ এগজামিনেসনশিং অমসুং সিল্লেবস অসিগা মরী লৈনবা খ্বাইদগী ইনৌ নৌবা ই-পাউ অদু মন্ত্রালয় অসিগী ৱেবসাইততা ফংলগনি হায়না মহাক্না ফোংদোকখ্রে৷

*****