পার্তনর্স ইন পোপুলেসন অমসুং দিভেলপমেন্ত(পি.পি.দি.)না ঙসি শিন্দুনা পাংথোকখিবা ইন্তর মিনিস্তিরিয়েল কনফরেন্স অসিদা হকশেল অমসুং য়াইফ য়ুম্বালগী কেন্দ্রগী মন্ত্রী দা. হার্শ বর্ধননা ভিদিও কনফরেন্সিংগী খুৎথাংদা মফম অসিদা দিজিতেল্লী ওইনা ৱা ঙাংখ্রে৷

মহাক্কী ওপনিং রিমর্কশিং অদু মখাদা লৈরে:

এক্সিলেন্সিস, ফমনাইবশিং, দিস্তিঙ্গুইজ স্পিকরশিং, এক্সপর্তশিং, চিং লেম্লবা নুপা অমসুং নুপীশিং

ঙসি ঐহাক্না নাইরোবি সম্মিততা থমখিবা ভারতকী কম্মিতমেন্তশিং অদু অমুক হন্না রিন্যু তৌনবা নখোয় ময়ামগী মমাংদা লেপ্পা ফংজবা অসি অসুক্কী মতিক নুংঙাইবা ফাওজৈI

পোপুলেসন অমসুং দিভেলপমেন্তদা সাউথ-সাউথ কোওপরেসনগী মতাংদা পাংথোক্লিবা য়াম্না মরু ওইবা কনফরেন্স অসি শিনবিবগীদমক শিনবী লাংবিরিবা ওর্গনাইজরশিং অসিবু ঐহাক্না অসুক্কী মতিক নুংঙাইবা ফাওজৈ অমসুং ইকাই খুম্নবা উৎচরি৷

সাউথ-সাউথ কোওপরেসনগী খুৎথাংদা নোলেজ, স্কিল পীনবা অমসুং তেক্নিকেল এক্সপর্তাইসশিং অসি একচেঞ্জ তৌনবা অসিনা  মেম্বর ওইরিবা লৈবাকশিং অসিদা দিভেলপমেন্ত চেলেঞ্জশিং অসি মাই পাক্না থেংনবা ঙমগনি হায়বা অদু প্রুব তৌরে৷ রিপ্রদক্তিব হেল্থ, পোপুলেসন অমসুং দিভেলপমেন্তগী মরু ওইবা মফমশিংদা কোওপরেসন হেন্না পীননবা পোপুলেসন অমসুং দিভেলপমেন্তগী পার্তনরশিং অসিগী ইফর্তশিং অসি ভারতনা থাগৎখ্রে৷

ভারতকী ফ্লেগশিপ প্রোগ্রাম, ‘অয়ুশমান ভারত’ অসিগী মখাদা য়ুনিভর্সেল হেল্থ কোভরেজ তৌননবা ভারতনা কন্না হোৎনরি৷ নেস্নেল হেল্থ প্রোতেক্সন স্কিম অসিগী মখাদা ভারত মচা মিলিয়ন ৫০০রোম মনুং চন্দুনা চহী অমদা ইমুং অমদা য়ু.এস. দোলর ৭০০০কী হেল্খ কেয়র কোভরেজ ঐখোয়না ফংহল্লি৷ মালেম অসিগী খ্বাইদগী চাওবা হেল্থ এসুরেন্স স্কিম অমসু ওইরিবা অসিগুম্বা এম্বিসিয়র্স প্রোগ্রাম অসিগী মখাদা ঐখোয়না ভারততা লৈরিবা মীওই খুদিংমক মনুং চলহন্নবা পান্দম থম্লি হায়না ঐনা চাওথোক্না হায়বা পাম্মী৷

২০৩০ ফাওবগী মনুংদা মেতর্নেল মোর্তেলিতী রেত অসি ৭০দগী হেন্না তানা লৈননবগীদমক সস্তেনেবল গোল তার্গেৎ অসি ফংবা ঙম্ননবগীদমক ঐখোয়না সেফ মাদরহুদ এসুরেন্স হায়না ৱাহন্থোক লৈবা সুমন হায়না কৌবা প্রোগ্রাম অমা ঐখোয়না চৎনখ্রে৷

হকশেলদা সরকারগী চাদিং হেন্না থাদনবা ভারত লৈবাক অসিনা হোৎনরি৷ ঐগী সরকার অসিনা রিপ্রদক্তিব হেল্থ সর্ভিসশিং হেন্না ফগৎননবগীদমক ২০২০ ফাওবগী মনুংদা য়ু.এস. দোলর বিলিয়ন ৩গী শেনফম মাংজৌননা থাদখ্রে৷ ইকোনোমিক গ্রোথ লৈহন্নবা অমসুং চহী, নুপা-নুপী অমসুং মাইগ্রেতিং কেরেক্তিরিস্তিকশিং অসিগী মতুং ইন্না স্তেত-স্পিসিফিক পোলিসীশিং চৎনদুনা সস্তেনেবল দিভেলপমেন্ত ফংবা ঙম্নবা ঐখোয়গী দেমোগ্রাফিক দাইভর্সিতী অসি ঐখোয়না লেপ্পা লৈতনা পাংথোক্লগনি৷

নখোয় লোইনা খঙলে মদুদি কোবিদ-১৯ লাইনা-লাইচৎ অসি লেপ্পা লৈতনা গ্লোব অসিগী চেলেঞ্জ অমা ওইরি৷ মসিনা ময়ামদা ভাইরস ত্রান্সমিসন অসি হন্থনবা হোৎনরিঙৈদা ঐখোয়না হেল্থকেয়র পীবগী মতাংদা অথুবা দিসিজনশিং লৌবা হেঙ্গৎহল্লি৷ মীওইবা জাতিগী শক্তি অমসুং তৌবা ঙম্বা অসি চাংয়েং তৌনবা কোবিদ অসিনা ইহান হানবা অমসুং অরোইবা নত্তে হায়বা অসি ঐখোয়না নিংশিংগদবনি৷ ইমর্জেন্সী অমগী মনুংদা অতোপ্পা ইমর্জেন্সী অমা রেস্পোন্স তৌননবা অফবা হেল্থ সিস্তেম অমা শেম্বা হায়বা অসি মীওই অমতনা ঙমলোই৷

কোবিদ লাইনা অসি দবল্যু.ঐচ.ও.না লাইনা-লাইচৎ অমনি হায়না লাওথোক্ত্রিঙৈ মমাংদা মাংজৌননা ভারতকী কোবিদ রেস্পোন্স পাংথোকপা হৌখ্রে অমসুং ২০২০গী জনুৱারি ৩০দা অহানবা কেস থেংনদ্রিঙৈ মমাংদা ঐখোয়না কা হেন্না চেকশিন্না লৈখ্রে৷

খ্বাইদগী ইনৌ নৌবা ওফিসিয়েল অপদেৎশিংগী মতুং ইন্না ভারতকী এক্তিব কেসলোদ অসি কা হেন্না হন্থরকখ্রে অমসুং হৌজিক হৌজিক লৈরিবা এক্তিব কেস অসি অপুনবা কেস মশিং অদুগী ৪%গী চাং খক্তনি৷ রিকোভরী রেত অসি তপ্না তপ্না ফগৎলক্লি অমসুং হৌজিক হৌজিক ৯৪%দগী হেন্না ৱাংনা লৈরে৷ ভারতনসু মালেম অসিদা লৈরিবা মিলিয়ন পোপুলেসন অমদা খ্বাইদগী য়ামদবা কেস মশিং লৈবা লৈবাকশিংগী মনুংদা অমা ওইরি৷

ভারতনা মাই পাক্না তেস্ত, ত্রেস অমসুং ত্রিত স্ত্রাতিজী পাংথোকখ্রে৷ ঐখোয়গী তেস্তিং কেপাসিতী অসি নোংমদা মিলিয়ন ১.৫ য়ৌখ্রে অমসুং হৌজিক ফাওবদা তেস্ত মিলিয়ন ১৪৯ হেন্না পাংথোকখ্রে৷

ইফেক্তিব হেল্থ কেয়র সিস্তেম ফংহন্নবা হোৎনবা মতমদা এদিক্বেত হেল্থ কেয়র ফাইনান্সিং অসি য়াম্না মরু ওই৷ য়ুনিভর্সেল হেল্থ কেয়র ফংবা অসিদগী এস্পিরেসনশিং লৌদুনা ভারতকী ২০১৭কী নেস্নেল হেল্থ পোলিসী অসিনা জি.দি.পি.গী ২.৫%গা মান্ননা পব্লিক হেল্থ এক্সপেন্দিচর থাদনবা পান্দম থম্লি৷ কোরোনা ভাইরস অসি লান্থেংনবদা হেন্না মপাঙ্গল লৈনবা হেল্থ ইনফ্রাস্ত্রকচর শেমগৎননবগীদমক য়ু.এস. বিলিয়ন দোলর ২গী এলোকেসন ঐখোয়গী ইকাই খুম্নরবা প্রধান মন্ত্রীনা লাওথোকখ্রে৷

ভারতকী হেলথ সিস্তেম অসিনা লাইনা-লাইচৎ অসি থেংনরিঙৈ চৈরক অসিদা তঙাই ফদবা নন-কোবিদ সর্ভিসশিং খুদম ওইনা রিপ্রদক্তিব, মেতর্নেল, ন্যুবোর্ন, চাইল্দ, এদোলেসেন্ত হেল্থ প্লস ন্যুত্রিসন সর্ভিসশিং নিংথীজনা ফংহন্দুনা ঐগী সরকার অসিনা চোকথবা নাইদনা হোৎনদুনা লাক্লি৷

অসিগুম্বা মতমশিং অসিদা সেফ ওইদনা এবোর্সনশিং তৌবগী চাং য়াম্না হেঙ্গৎলক্লিবা অসিদা হেন্না মীয়েং চংদুনা ভারতনা পোস্তপার্তম অমসুং পোস্ত-এবোর্সন কন্ত্রাসেপ্সন অসিগী মথক্তা সেফ এবোর্সন সর্ভিসশিংগী প্রোভিজনশিং অসিদা অখন্নবা এমফাসিস অমা থমখ্রে৷

ফেমিলী প্লানিং য়াওনা কম্ম্যুনিতী বেজ ইন্তরবেন্সনশিং অসিসু সর্ভিসশিং অসিগী শরুক অমনি৷ মোদর্ন সোর্ত অমসুং লোঙ্গ-এক্তিং রিভর্সিবল কন্ত্রাসেপ্তিব সর্ভিসশিং, অচুম্বা ই-পাউ অমসুং চান্নবা কাউন্সিলিংগী প্রোভিজন অসিদা মরু ওইনা মীৎয়েং থম্লি৷ ভারত পোপুলেসনগী সবস্তেন্সিয়েল কোহোর্ত অমা শেম্লিবা এদোলেসেন্তশিং অমসুং য়ুথ অসিনা প্রাইয়োরিতী তার্গেৎ গ্রুপ ওইরি৷

তেলিমেদিসিন সর্ভিসশিং হেন্না য়োকখৎতুনা, ত্রেনিংশিংগীদমক দিজিতেল প্লেতফোর্ম লৈহন্দুনা, শেল-থুম ফহন্দুনা অমসুং সপ্লাই চেন সিস্তেমশিং স্ত্রিমলাইনিং তৌদুনা এল্তরনেত সর্ভিস দেলিভরী মেকানিজমশিং অসি হেন্না পাংথোক্নবা ঐখোয়নসু কন্না হোৎনরি৷ ভারততা ফেমিলী প্লানিং কোমোদিতীশিং অসি তঙাই ফদবা মেদিসিন লিস্তকী শরুক ওই হায়বা অসি ঐখোয়না খঙলে৷

স্তেকহোল্দরশিং অসিগা চাং নাইনা ভর্চুয়েল মীফমশিং পাংথোক্তুনা অৱাংবা থাক অমদা এদভোকেসী অমসুং মোনিতরিং পাংথোক্লি৷ কোবিদকী মতমদা তঙাই ফদবা সর্ভিসশিং অসিগী প্রোভিজন্দা খ্বাইদগী ফবা প্রেক্তিস অদু সিয়র তৌনবা রাজ্যশিং অসিদা প্লেতফোর্ম অমা ফংহনখ্রে৷  মসিনা ভারতকী রাজ্য পুম্নমক্তা সর্ভিস পীবগী ইফিসিয়েন্সী অদু হেঙ্গৎহনবদা মতেং পাংই অমসুং ক্রোস লর্নিংগীদমক খুদোংচাবশিং ফংহল্লি৷

লাইনা-লাইচৎ অসিনা ঐখোয়গী পুন্সিগী এস্পেক্ত পুম্নমক্তা কা হেনবা শাফু অমা পীখ্রে অদুবু মসিনসু ঐখোয়না মতুং তারকপা তুংগী পুন্সি অসি চাওখৎনবা মতৌ করম্না চংশিনগদগে হায়বা অদুগী মতাংদা ৱখল খন্ননবা মমাংদা ফংদ্রিবা খুদোংচাবা অমা ঐখোয়দা ফংহল্লি৷ ওভরআর্চিং চেলেঞ্জ অমা থেংনবা মতমদা সরকারশিং অমসুং মীয়ামশিং অসিনা অকনবা অমসুং অথুবা এক্সন পাংথোকপা ঙম্মী হায়বা অদু ক্রাইসিস অসিনা উৎলে৷

মীয়ামদা কনত্রাসেপ্তিব অমসুং সেফ এবোর্সন সর্ভিসশিং এসেসিবল, এফোর্দেবল অমসুং এসেপ্তেবল ওইনা ফংহনবদা দাইরেক্লী নত্রগা ইন্দাইরেক্লী ওইনা হেল্থ কেয়র সর্ভিসশিং অসিগা চৎমিন্নরিবা হেল্থ ইন্সতিত্যুসন পুম্নমক, একাদেমিয়া অমসুং অতোপ্পা পার্তনরশিং অসি পুনশিনবগী অমসুং পুন্না থবক তৌমিন্নবগী মতম অমা ওইরে৷ ‘ময়ামগীদমক হকশেল’ হায়রিবা কম্মন এজেন্দা অসি ময়ামদা খঙহন্নবা হোৎনবদা অসিগুম্বা দাইলোগ অসি খ্বাইদগী অৱাংবা থাক অমদা পুখৎপা মতমদা পি.পি.দি.না য়াম্না মরু ওইবা থৌদাং লৌরি৷

পার্তনর্স ইন পোপুলেসন অমসুং দিভেলপমেন্তদা লেপ্পা লৈতনা সপোর্ত পীবিরিবা অমসুং এক্তিব এনগেজমেন্ত অসিগীদমক মেম্বর পুম্নমকপু ইখাই খুম্নবা উৎতুনা অমসুং থাগৎপা ফোংদোক্তুনা ঐনা লোইশিনবা পাম্মী৷ অসিগুম্বা মীফম অসিদা ৱা ঙাংনবগী খুদোংচাবা অমা ঐঙোন্দা ফংহনবিবা অসিগীদমক থাগৎপা ফোংদোকচরি৷

*****