ইনকম তেক্স দিপার্তমেন্তনা ০৪/১২/২০২০দা আসামগী মরুওইবা কোইলা ত্রেদরগী মথক্তা থি-হুম্বা অমসুং কুপ্না য়েংবগী থবক হৌখ্রে। থি-হুম্বা অমসুং কুপ্না য়েংবগী থবক অসি গুৱাহাতি, দিগবোই, মার্ঘেরিতা অমসুং দিল্লীগী মফম ২১দা চৎথখি। 

মরুওইনা মরাল শিরিবা কাংলুপ অসিনা লুপা করোর ২৩ হেনবা অমা লৈফম-চাফমগী ওইবা অমসুং লুপা করোর ৬২ অমনা অশেংবা ওইদবা শেল্লেপ পীন্নবা অমসুং অশেংবা ওইদবা লোনশিংদা মথংশিৎনা, অকক্নবা কোলকাতাদা বেজ তৌবা শেল কম্পনি অমগী খুত্থাংদা চৎথরম্বনি। হায়রিবা অসি মসিগী অশেংবা নেৎ প্রোফিৎতা তৌরম্বনি। 

থি-হুম্বগী থবক চৎথরিবা মরক অসিদা, কাংবু অসিগী আউত-ওফ-বুক্কী ত্রান্সসেক্সন্দা শাগৎলকপনি। মপুং ওইবা একাউন্ত বুক্তা য়াওদবা খুৎনা ইবা দোক্যুমেন্তশিং/দাইরী কয়া ত্রান্সসেক্সন্দা মরী লৈনবশিং ফংবা ঙমখি। অসিগুম্বা ত্রান্সসেক্সন্দা অপুনবা ওইনা লুপা করোর ১৫০গী শিজিন্নরম্বা হায়রিবা অসিনা লুপা করোর ১০০ অমনা ইনকম-তেক্স এক্ত, ১৯৬১গী সেক্সন কয়াদা শোকপা থেংনখি। অসিগুম্বা দোক্যুমেন্তশিং অসি য়াম্না লুম্না লৌই অমসুং মখা তানা থি-হুম্বগী থবক চৎথরি।  

মখা তানা, লোন ত্রান্সসেক্সন অসিদা শিজিন্নরম্বা শেনফম অসি লুপা করোর ১০ হেন্না ফংলি। স্তোক অসিসু লুপা করোর ৭ হেন্না খেন্নবা লৈবা থেংনরি অমসুং হায়রিবা অসিদা অশেংবা অমা খংদোকপা ঙমদ্রি।  

কাংবু অসিনা লৌবা কোলকাতাদা বেজ তৌবা শেল কম্পনি অসিগী ওফিস্তা একাউন্ত অসিগী বুকশিং অমসুং আর.ও.সি. ওইবা দোক্যুমেন্তশিং ফংখি, হায়রিবা অসিদা শাশিন্নবা ইনকমশিং য়াওরি।

চাওরাক্না লুপা করোর ৩.৫৩গী ওইনা ময়েক শেংদবা শেনফম কয়া অমা থি-হুম্বা অসিদা থেংনখি, হায়রিবা অসি দিপার্তমেন্ত অসিনা ফাগৎলে। দিমোনেতাইজেসন মতমদা শেয়র কেপিতেলদা থাদখিবা শেনফম কয়া অমসু খংলে।

মখা তানা থি-হুম্বগী থবক চৎথরি।

****