লৌউ-শিংউগী মন্ত্রী শ্রী নরেন্দ্র সিংহ তোমার, কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুসন, রেলৱে অমসুং কমর্সকী মন্ত্রী শ্রী পিয়ুশ গোয়ল অমসুং কমর্সকী রাজ্য মন্ত্রী শ্রী ওম প্রকাশকা লোইননা ফার্মর য়ুনিয়ন ৪০গী মীহুৎশিংগী ৫শুবা মীফম বিজ্ঞান ভবন্দা পাংথোকখ্রে। মীফমগী মখা তাবা শরুক দিসেম্বর ৯দা পাংথোক্কনি।

ৱারী শানবা অদুদা নাকল অনিমক্কী ৱাখল্লোন ফোংদোক্নখি। লৌউ-শিংউগী মন্ত্রীনা ফার্মর য়ুনিয়ন্দা থাজবা পীখি মদুদি এ.পি.এম.সি. অসি মপাঙ্গল কনবা ওর্গনাইজেসন অমনি অমসুং মসি মপাঙ্গল শোন্থহল্লোইদবনি। শ্রী তোমারনা লৌমীগী মীহুৎশিংদা মসিসু থাজবা পীখি মদুদি মোদী সরকার অসিনা লৌমীশিংগী য়াইফ-থৌরাংগীদমক্তা লেপ্লি অমসুং খোংথাং কয়া অমদি প্রো ফার্মর রিফোর্ম কয়া পায়খৎলি। মহাক্না হায়খি মদুদি এম.এস.পি. অসি কয়ারক হেনগৎহনখ্রে অমসুং মতুংদসু হেনগৎহনখিগনি।

মন্ত্রীনা ফার্মর য়ুনিয়ন্দা অপীল তৌখি মদুদি মখোয়না ইরাং হৌবা তোকপীরো অমসুং মখোয়গী ৱাকৎশিং ৱারী শানদুনা লোইশিল্লসি। মহাক্না অপীল তৌখি মদুদি অঙাংশিং অমসুং অহলশিংনা নিংথমথা অমসুং কোবিদকী য়েংদুনা য়ুমদা থুনা হনবীরো।

শ্রী নরেন্দ্র সিংহ তোমারনা মোদী সরকারনা লৌমীশিংগী য়াইফ-থৌরাংগীদমক পাইখৎলিবা খুদম ওইনা লৌউ-শিংউগীদমক্তা ফন্দ কাইথবা হেনগৎপা, লৌমীশিংনা দাইরেক্ত ইনকম সপোর্ত ফংলিবা পি.এম. কিসান য়োজনা, লুপা লাখ ১গী এগ্রি-ইনফ্রাস্ত্রকচর ফন্দ, এম.এস.পি. হেনগৎপা, লৈবগীদমক্তা পাম্বৈ পুথোকপা অমসুং তেক্নোলোজী অপগ্রেদ তৌবা অসিনচিংবশিংগী মতাংদা পনখি। হায়রিবশিং অমদি অতৈ পাম্বৈ কয়া অসিনা লৌমীশিংগীদমক্তা সরকারনা লেপ্লিবা অসি ফোংদোক্লি।

*****