ঙসি ভিদিও কনফরেন্সিংগী খুৎথাংদা কম্মর্স অমসুং ইন্দস্ত্রীগী মন্ত্রী শ্রী পিয়ুশ গোয়ল অমসুং অয়ুশকী রাজ্যগী মন্ত্রী (আই.সি.) শ্রী শ্রীপদ য়াসো নাইকনা ভারতী অয়ুশ ইন্দস্ত্রীশিংগী হৌজিক লৈরিবা ফিভম অসি য়েংশিনখ্রে৷ অয়ুশ মন্ত্রালয়গী, কম্মর্স অমসুং ইন্দস্ত্রীগী সেনিয়র ওফিসিয়েলশিং, অয়ুর্বেদিক এসোসিয়েসনশিংগী অমসুং ইন্দস্ত্রী বোদীশিংগী রিপ্রজেন্তেতিবশিংনা মীফম অসিদা শরুক য়াখি৷

কোবিদ-১৯গী লুরবা মতম অসিদা অয়ুশ মন্ত্রালয় অমসুং মরী লৈনবা ইনদস্ত্রীশিং অসিনা য়াম্না মরু ওইবা থৌদাং লৌদুনা পাংথোক্লিবা থবক অসিবু শ্রী পিয়ুশ গোয়লনা থাগৎখ্রে অমসুং কোবিদ-১৯ অসি লান্থেংনবা মতমদা তোঙান তোঙানবা ইম্ম্যুনিতী-বুস্তিং প্রদক্তশিং অমসুং সর্ভিসশিং ফংহনবা অসিগীদমক অয়ুশ ত্রেদ অমসুং ইন্দস্ত্রী বোদীশিং অসিবু থাগৎখ্রে৷

গ্লোবেল মার্কেৎ অমসুং মীয়ামগী থাজবা হেঙ্গৎহন্নবা অয়ুশ পোত্থোকশিং অমসুং সর্ভিসশিং স্তেন্দর্দাইজেসন, কোদিফিকেসন অমসুং ক্বালিতী য়েংশিনবা তঙাই ফদে হায়না শ্রী গোয়লনা ফোংদোকখ্রে৷ হায়রিবা এক্তিবিতীশিং অসিগীদমক শেল-থুম মন্ত্রালয়, কম্মর্স অমসুং ইন্দস্ত্রী মন্ত্রালয় অমসুং অয়ুশ মন্ত্রালয়না পুন্না হোৎনমিন্ননবা মহাক্না হায়খ্রে৷

ফ্রী দ্যুতী, মার্কেৎ এসেস্কী মতাংদা লৈরিবা বেনিফিসিয়েল প্রোভিজনশিং অসিদা মতেং পাংদুনা ফ্রী ত্রেদ এগ্রীমেন্তশিংগী মতেংদগী অয়ুশ ইনদস্ত্রীশিংদা সপোর্ত পীগনি হায়না শ্রী গোয়লনা থাজবা পীখ্রে৷ মহাক্নসু অয়ুশ প্রদক্তশিং অমসুং সর্ভিস অসিগীদমক পব্লিক এৱেয়রনেস মিজরশিং পাংথোক্নবা হায়খ্রে৷ মসি মালেমগী মার্কেৎকী এন্তরপ্রিনরশিং অসিগীদমক স্তেরী আইদ ব্যুজিনেস অমা ওইবনা মরম ওইরগা ইন্দস্ত্রী অসিগী ওইথোকপা য়াবা তৌবা ঙম্বা অদু উৎথোক্নবা মন্ত্রী অসিনা ফোংদোকখ্রে৷

*****