ভর্চুএল ওইনা পাংথোকপা থৌরম অমদা মহাক ইকায়খুম্নবা উৎতুনা কম্মেমোরেতিপ পোস্তেজ স্তাম্প অমা ফোঙদুনা ঙসি ভারতকী উপ-রাস্ত্রপতি শ্রী এম ভেনকিয়া নাইদুনা লৈখিদ্রবা প্রধান মন্ত্রী শ্রী আই কে গুজরালগী মফমদা ইকায়খুম্নবা উৎখ্রে।

উপ-রাস্ত্রপতিনা হায়খি শ্রী গুজরাল, মহাক্না অৱাবা কয়া মায়োক্নরবসু মহাক্কী গুনশিং কৈদৌঙৈদা শন্তাইনদবা নিংথিনা খঙলবা, ৱাঙাং ফজবা অমসুং “পুকচেল চাউবা রাজনিতিৱালা” অমনি। রাজনিতিগী লমদা মহাক্কী মরুপ কয়া লৈরমখি।

হান্নগী প্রধান মন্ত্রী অসিনা লাইরিক কয়া ইরম্বা অমসুং লাইরিক পাবা অমসুং শৈরিং থিবা পামজবা অদু নিংশিংখি। উপ-রাস্ত্রপতিনা হায়খি মহাক্না ভারতকী এক্সতর্নেল এফেয়ার্স মিনিস্তর ওইরিঙৈদা মহাক্না হৌদোকখিবা ‘গুজরাল দোকত্রিন’ নিংশিংদুনা লৈহৌরগনি।

রাজনিতিৱালাশিংনা মখোয়গী ময়োক্তা লৈবশিং লাম্বা ওইনা লৌনবা অমসুং য়েক্নবা ওইনা লৌদনবা রাজনিতিৱালা খুদিংমক্তা অপীল তৌরদুনা উপ-রাস্ত্রপতিনা হায়খি মখোয় অফবা খুন্নাইগী মরীশিং থম্নগদবনি। দলশিংনা ‘লৈবাক্না অহানবা’ হায়বা থৌশিল ইনগদবনি অমসুং মখোয়গী য়ানদবশিং থাদোক্কদবনি অমসুং লৈবাক্কী য়েংলগা মপান লৈবাক্কী থৌশিল শৌগৎদবনি।

খা নোংপোক এসিয়াদা মালেমগী অপুনবা মীশিংগী ক্বাতর অমা লৈরি। লৈবাক খুদিংমক্না পুকচেল শেংনা তেরোরিজম মুৎথৎনবা পুন্না থবক তৌমিন্নরবদি লমদম অসি নুংঙাই-য়াইফবা ওইগনি অমসুং সার্ক লৈবাকশিংনা ফজনা থবক পাংথোক্কদবনি হায়না মহাক্না মখা তাখি।

তেরোরিজম মরু ফংনা মুৎথৎত্রবদি খা এসিয়াদা মীয়ামগীদমক তুংগী নুংঙাই-য়াইফবা অমা পুরক্নবা হোৎনবা খুদিংমক অরেম্বা তাগনি হায়না উপ-রাস্ত্রপতিনা চেকশিনৱা থমখি।

য়ুম্লোনবশিংগা শান্তি ওইনা হিংমিন্নবগী মতাংদা ভারতনা থম্লিবা থাজবা অমুক হন্না পল্লদুনা উপ-রাস্ত্রপতিনা হায়খি লাইবক থিবদি হৌখিবা চহি কয়া ঐখোয়না লেপ্পা লৈতনা লৈবাক অমনা শৌগৎপা তেরোরিজম, ঙমখৈ লান্না চৎথরকপা তেরোরিজম মায়োক্নদুনা লাক্লি।

তেরোরিস্তশিং শৌগৎপা লৈবাকশিং নাইতোম তাহন্নবা অমসুং মখোয়গী মথক্তা অথিংবা থম্নবা য়ুনাইতেদ নেসন্সনা লৌখৎলিবা থবকশিং কনখৎনবা মহাক্না তকশিনখি। মহাক্না হায়খি য়ু.এনদা লৌখিবা ৱারেপশিং অমসুং মালেমগী তেরোরিজম লাকশিন্নবা মীফম্না লৌখিবা ৱারেপশিং চৎনহনবদা মখা তানা থেংথরোইদবনি।

শ্রী নাইদুনা হায়খি খা এসিয়া লমদম চাউখৎহন্নবা অমসুং মতেং পাংন্নবা খুদোংচাবা কয়া লৈরি অমসুং লায়রবা, লাইরিক ময়েক চৎতবা, শেঞ্জা-থুমজা মুৎথৎতুনা, মগুন লৈবা লাইরিক তাকপী-তম্বীবা অমসুং অনা-লায়য়েংগী থবক ফংহন্দুনা, নুপা-নুপীগী খেন্নবা লৈহন্দনা অমসুং পুন্সিগী থাক ৱাংখৎহন্দুনা মীয়ামগী তুংগী নুংঙাইবা ফিবম অমা শেমগৎনবা লৈবাকশিংনা মসিগী খুদোংচাবা লৌগদবনি।

খুদিংমক্কী মমাঙদা শান্তি অমসুং চাউখৎপনা মাংজিল থাগদবনি হায়না তকশিল্লদুনা উপ-রাস্ত্রপতিনা হায়খি চাউখৎনবগীদমক তঙাইফদনা শান্তি দরকার ওই অমসুং শান্তি লৈতনা চাউখৎপা ঙম্লোই।

লৈবাক অসিদা খ্বাইদগী য়াম্বা ওইনা বেঞ্চতা নুপী মরি হাপচিন্দুনা মাদ্রাস হায় কোর্ততা নুপী জর্জ মশিং ১৩ য়ৌখিবদা মহাক্না হরাওবা ফোঙদোকখি অমসুং নুপীশিংদা লুচিংবগী থৌদাং হেন্না পীবগী মরুওইবা অদু উপ-রাস্ত্রপতিনা থমখি।

মসিগী থবক অসিগীদমক মাদ্রাস হায় কোর্ত, সুপ্রিম কোর্ত অমসুং তামিল নাদু সরকার অমসুং ভারত সরকার থাগৎলদুনা মহাক্না মসি অতোপ্পশিং ইথিল পীগদবা থবক অমনি হায়না শিংথাখি। হায় কোর্তশিং অমসুং সুপ্রিম কোর্তশিংদা নুপী জর্জ মশিং য়ামদনা লৈরিবা অসিদা শ্রী নাইদুনা নুঙনাংবা ফোঙদোকখি।

শ্রী নাইদুনা মখা তানা হায়খি চহি খর অসিদা ভারত অমসুং মালেম অনিমক্তা রাজনিতি, লৈবাক ঙাকপা, কোর্পোরেত লৈঙাক, মীয়ামগী লুপশিংদা নুপীশিংনা লুচিংবা ওইনা তপ্না তপ্না হেনগৎলক্লে, অদুবু মখোয় মশিং য়াম্না শরুক য়াবা হেনগৎহনগদবনি। রাজ্যশিং অমসুং সংসদতা লেজিসলেচরশিংদা নুপী মশিং য়ামদ্রিবা অসি হেনগৎহন্নবা রাজনিতি অমসুং আইনগী ওইবা থবকশিং লৌখৎপা দরকার ওই। ১৭সুবা লোক সভাদা নুপী মেম্বর ৭৮ য়াওরি অমসুং মসি অপুনবা মশিংগী চাদা ১৪ খক্তনি।

শ্রী নাইদুনা হায়খি ঐখোয়গী লৈবাক্তা লোকেল বোদিশিংদা নুপীশিংগী সিত খাকপদগী নুপী লাখ কয়া লুচিংবা ওইবগী থৌদাং লৌরে। “মসি নুপাগী থবক্নি” হায়দুনা মখোয় হন্থনা য়েংবা লেপকদবনি। লৌশিং লৈবা খুন্নাই অমা ওইরক্লিবা অসিদা হিরম খুদিংমক্তা মখোয় মশা ফোঙদোকচবা নুপীশিংগী মখোয়গী ফংফম থোকপা খুদোংচাবশিং ফংহনগদবনি।

শ্রী নাইদুনা হায়খি নু্পীশিংদা মখোয়গী ফংফম থোকপা ফংহনবদা ঐখোয়গী য়ুমশিং অমসুং মালেম অসি হিংবদা হেন্না নুংঙাইবা মফমশিং ওইগনি। নুপীশিংদা লৈরিবা অথিংবশিং লৌথোক্নবা মিৎয়েং চঙবা দরকার ওই অমসুং জুদিসিয়ারি, লেজিসলেচরশিং অমসুং লৈবাক ঙাকপা য়াওনা ৱারেপ লৌবগী থবক খুদিংমক্তা নুপীশিং অৱাংবা ফম পুহনগদবনি।

কোবিদ-১৯গী চৎন-পথাপশিং হায়বদি মাক্স উপ্পা, য়াম্না তোইনা খুৎ-শা হাম্বা অমসুং থাপ্না লৈবা ঙাক্তুনা চেকশিন-থৌরাংশিং মখা তানা ইন্নবা শ্রী নাইদুনা মীয়ামদা অপীল তৌখি।

শ্রী ইন্দর কুমার গুজরালগুম্বা অচৌবা লুচিংশিংনা পাংথোক্লম্বা থবকশিং অমসুং পুন্সি মশক খঙনবা মহাক্না হৌজিক্কী মীরোলশিংদা অপীল তৌখি।

ভর্চুএল ওইনা পাংথোকপা থৌরম অদুদা এম.পি শ্রী নরেস গুজরাল, হান্নগী এম.পি শ্রী তারলোচান সিংহ, তামিল নাদু সর্কলগী চীফ পোস্ত মাস্তর জেনেরেল শ্রী বি. সেলবাকুমার অমসুং চেন্নাই সিতি রিজনগী পোস্ত মাস্তর জেনেরেল শ্রীমতি সুমতি রবিচন্দ্রন শরুক য়াখি।

মখাগী অসি মপুংফাবা ৱারোলনি:-

“ ঙসি মহাক্কী মপোক নুমিত্তা হান্নগী প্রধান মন্ত্রী শ্রী ইন্দর কুমার গুজরালগী মফমদা ইকায়খুম্নবা উৎতুনা কম্মেমোরেতিপ পোস্তেজ স্তাম্প অমা ফোঙবদা ঐ অপেনবা পোকই।

নিংতম লান্মী শ্রী এ.এন গুজরাল অমসুং শ্রীমতি পুস্পা গুজরাগী মচা ওইনা শ্রী গুজরাল ১৯১৯দা জেলম(হৌজিক পাকিস্থান্দা লৈখ্রবা)দা পোকখি। মহাক্কী ইমুং ভারত্তা য়ুম হোংলক্ত্রিঙৈ মমাঙদা শ্রী এ.এন গুজরাল পাকিস্থানগী কন্সিতুতুয়েন্ত এশেমব্লিগী মেম্বর অমা ওইরমখি।

শ্রী গুজরাল মহৈরোয় লুচিংবা অমা ওইনা মহাক্কী রাজনিতিগী থবক হৌরকখি অমসুং পঞ্জাব য়ুনিভর্সিতি স্তুদেন্তস য়ুনিয়নগী প্রসিদেন্ত ওইখি। ভারত থাদোকউ ইহৌ মনুংদা মহাক্কী মমা-মপাগা লোয়ন্না মহাক ফাখি।

লৈবা অনি থোক্নবা খাইদোক্লবা মতুংদা, শ্রী গুজরাল দিল্লিদা লৈখি। ১৯৫৮তা মহাক দিল্লিগী ইলেক্তোরেল কোলজেদা লাম্বা য়াওদনা খনখি। তুংদা মহাক নিউ দিল্লি মিউনিসিপাল কমিতিগী ভাইস প্রসিদেন্ত ওইনা খনখি।

১৯৬৪দা দিল্লিদগী মহাক রাজ্য সভাদা খনখি অমসুং ১৯৬৭দা মহাক শ্রীমতি ইন্দিরা গান্ধীগী কাউন্সিল অমা মিনিস্তরদা পর্লিয়ামেন্তরি এফেয়ার্স অমসুং কম্মুনিকেসনগী রাজ্য মন্ত্রী ওইখি।

শ্রীমতি গান্ধীগী লৈঙাক মনুংদা ৱার্কস অমসুং হাওশিং, পর্লিয়ামেন্তরি এফেয়ার্স অমসুং কম্মুনিকেসন, ইনফোর্মেসন অমসুং ব্রোদকাস্তিং, প্লান্নিং য়াওনা মহাক্না কেন্দ্র সরকারদা মরুওইবা ফমশিং পায়খি। মহাক য়ু.এস.এস.আরদা ভারতকী এম্বেসেদর ওইনা হাপখি অমসুং মতম অদুদা ইন্দো-সোভিয়েতকী মরী ফগৎহনবদা মরুওইবা থৌদাং লৌখি।

তুংদা মহাক শ্রী ভি.পি সিংহ অমসুং শ্রী দেবে গৌরাগী সরকারশিংদা এক্সতর্নেল এফেয়ার্স মিনিস্তর ওইখি। মহাক ১৯৯৬-১৯৯৮ ফাওবা রাজ্য সভাগী লুচিংবা ওইখি। ১৯৯৭দা মহাক ভারতকী ১২সুবা প্রধান মন্ত্রী ওইখি অমসুং মহাক ১৯৯৮তা ওফিস থাদোকখি।

শ্রী গুজরাল, মহাক্না অৱাবা কয়া মায়োক্নরবসু মহাক্কী গুনশিং কৈদৌঙৈদা শন্তাইনদবা নিংথিনা খঙলবা, ৱাঙাং ফজবা অমসুং “পুকচেল চাউবা রাজনিতিৱালা” অমনি। রাজনিতিগী লমদা মহাক্কী মরুপ কয়া লৈরমখি।

মহাক তশেংনা গুন কয়ানা লৈতেংবা মীওই অমনি অমসুং লাইরিক কয়া ইরমখি, লাইরিক পাবা অমসুং শৈরেং থিবা পামখি। মহাক থিয়েতর অমসুং ভিজুএল আর্তশিং পামখি।

মহাক্না ভারতকী এক্সতর্নেল এফেয়ার্স মিনিস্তর ওইরিঙৈদা মহাক্না হৌদোকখিবা ‘গুজরাল দোকত্রিন’ মহাক্না মতম চুপ্পা নিংশিংদুনা লৈহৌরগনি।

নুংশিরবা ইচলশিং অমসুং ইনাওশিং,

লৈবাক খুদিংমক মখোয়গী মপান লৈবাক্কী থৌশিল মশাগী য়াইফনবা য়েংলগা শেম্মি। অঙকপা ফিবম অমদা হোঙলক্লিবা মালেমগী রাজনিতিগী ফিবম অসিদা থৌশিল অমতা লেংদনা লৈবা য়ারোই।

য়ুম্লোনবশিংগা শান্তি ওইনা হিংমিন্নবগী মতাংদা ভারতনা থাজবা থম্লি। লাইবক থিবদা হৌখিবা চহি কয়া ঐখোয়না লেপ্পা লৈতনা লৈবাক অমনা শৌগৎপা তেরোরিজম, ঙমখৈ লান্না চৎথরকপা তেরোরিজম মায়োক্নদুনা লাক্লি।

ঙসিদি, কোবিদ-১৯ লাইচৎ লাকপদগী মালেম অসি খ্বাইদগী শাথিবা শেন-থুম অমসুং হকশেলগী অৱাবা মায়োক্নরে। মতম অসিদা লৈবাক খুদিংমক,মরুওইনা খা এসিয়াগী লৈবাকশিং শেন-থুমগী ফিবম অমুক হন্না হিঙ্গৎনবা, হকশেলগী দরকার ওইবশিং ফগৎহন্নবা অমসুং হিংনবগী লম্বী ঙাক-শেন্নবা মিৎয়েং চঙলে।

খা নোংপোক এসিয়াদা মালেমগী অপুনবা মীশিংগী ক্বাতর অমা লৈরি। খা এসিয়া লমদম চাউখৎহন্নবা অমসুং মতেং পাংন্নবা খুদোংচাবা কয়া লৈরি অমসুং লায়রবা, লাইরিক ময়েক চৎতবা, শেঞ্জা-থুমজা মুৎথৎতুনা, মগুন লৈবা লাইরিক তাকপী-তম্বীবা অমসুং অনা-লায়য়েংগী থবক ফংহন্দুনা, নুপা-নুপীগী খেন্নবা লৈহন্দনা অমসুং পুন্সিগী থাক ৱাংখৎহন্দুনা মীয়ামগী তুংগী নুংঙাইবা ফিবম অমা শেমগৎনবা লৈবাকশিংনা মসিগী খুদোংচাবা লৌগদবনি।

খুদিংমক্কী মমাঙদা শান্তি অমসুং চাউখৎপনা মাংজিল থাগদবনি। চাউখৎনবগীদমক তঙাইফদনা শান্তি দরকার ওই অমসুং শান্তি লৈতনা চাউখৎপা ঙম্লোই।

লৈবাক খুদিংমক্না পুকচেল শেংনা তেরোরিজম মুৎথৎনবা পুন্না থবক তৌমিন্নরবদি লমদম অসি নুংঙাই-য়াইফবা ওইগনি অমসুং সার্ক লৈবাকশিংনা ফজনা থবক পাংথোক্কদবনি। তেরোরিজম মরু ফংনা মুৎথৎত্রবদি খা এসিয়াদা মীয়াগীদমক তুংগী নুংঙাই-য়াইফবা অমা পুরক্নবা হোৎনবা খুদিংমক অরেম্বা তাগনি।

তেরোরিস্তশিং শৌগৎপা লৈবাকশিং নাইতোম তাহন্নবা অমসুং মখোয়গী মথক্তা অথিংবা থম্নবা য়ুনাইতেদ নেসন্সনা মরুওইবা থৌদাং অমা লৌবা মরম ওইরে হায়না ঐনা খল্লি। য়ু.এনদা লৌখিবা ৱারেপশিং অমসুং মালেমগী তেরোরিজম লাকশিন্নবা মীফম্না লৌখিবা ৱারেপশিং চৎনহনবা মখা তানা থেংথরোইদবনি।

ঐগী নুংশিরবা ইচলশিং, ইনাওশিং অমসুং মরুপশিং,

ঐখোয়গী হান্নগী প্রধান মন্ত্রী শ্রী জগুরাল জিগী পোস্তেল স্তাম্প অমা ভর্চুএল ওইনা ফোঙবা থৌরম অসিদা, লুচিংবা অমসুং নুপীশিংদা শক্তি পীবগী মতাংদা নুপীশিং হেন্না শরুক য়াবগী মতাংদা ঐনা করিগুম্বা খর ফোঙদোকপা পাম্মী।

থৌরম অসিদা তামিল নাদুগী অচৌবা মাইপাকপা অমা ফোঙদোকপা ঐ পাম্মী।

ঙরাং বেঞ্চতা অহেনবা নুপী ৪ হাপচিন্দুনা হৌজিক মাদ্রাস হায় কোর্ততা নুপী জর্জ মশিং ১৩ শুবদা ঐ য়াম্না হরাওই। জর্জ ৬৩গী মনুংদা হৌজিক নুপী জর্জ ১৩ লৈরে, মসি লৈবাক অসিদা খ্বাইদগী য়াম্বা ওইনা অপুনবা জজগী চাদা ২১ রোম্নি।

মসিগী থবক অসিগীদমক মাদ্রাস হায় কোর্ত, সুপ্রিম কোর্ত অমসুং তামিল নাদু সরকার অমসুং ভারত সরকার ঐনা থাগৎলি।

১৯৮৯দা সুপ্রিম কোর্ততা জজতিস ফতিমা বিবি অহানবা নুপী জজ ওইনা হাপ্পদগী, হৌজিক ফাওবদা খ্বাইদগী ৱাংবা কোর্ত অসিদা শুপ্নগী নুপী ৮ খক জজ ওইখ্রে। মসিদা অপুনবা জজ ৩৩গী মনুংদা হৌজিক বেঞ্চতা লৈরিবা নুপী জজ অনি য়াওরি। লৈবাক অসিদা হায় কোর্ত ২৫ লৈবদা, ঐখোয়গী নুপী জজ ৭৮ খক লৈরি। মসি অৱাংবা থাক্কী ৱায়েনশঙদা নু্পীশিং মশিং য়ামদনা শরুক য়াবনি।

অরুবা ৱারেপ লৌবগী মতাংদা লুচিংবা অমা ওইনা নুপীশিংগী থৌনাগী মতাংদা ঐখোয় মরৈ য়েৎনসি। লুচিংবা ওইবা অসি পাঙ্গলগী ৱাফম নত্তে। মসি লৌশিং লৈবা অমসুং ৱাথোকশিং চুম্না য়েংবা ঙম্বগী মখা পোল্লি।

চহি খর অসিদা ভারত অমসুং মালেম অনিমক্তা রাজনিতি, লৈবাক ঙাকপা, কোর্পোরেত লৈঙাক, মীয়ামগী লুপশিংদা নুপীশিংনা লুচিংবা ওইনা তপ্না তপ্না হেনগৎলক্লে, অদুবু মখোয় মশিং য়াম্না শরুক য়াবা হেনগৎহনগদবনি। রাজ্যশিং অমসুং সংসদতা লেজিসলেচরশিংদা নুপী মশিং য়ামদ্রিবা অসি হেনগৎহন্নবা রাজনিতি অমসুং আইনগী ওইবা থবকশিং লৌখৎপা দরকার ওই।

লোকেল বোদিশিংদা সিত খাকপদগী নুপী লাখ কয়া লুচিংবা ওইরক্লে। মখোয়গী মপুরোইবশিংগী মতেং য়াওদনা মখোয়না থবক পাংথোক্লে।

রাজ্যশিং অমসুং সংসদতা লেজিসলেচরশিংদা নুপী মশিং য়ামদ্রিবা অসি হেনগৎহন্নবা রাজনিতি অমসুং আইনগী ওইবা থবকশিং লৌখৎপা দরকার ওই। ১৭সুবা লোক সভাদা নুপী মেম্বর ৭৮ য়াওরি অমসুং মসি অপুনবা মশিংগী চাদা ১৪ খক্তনি।

নু্পীশিংদা মখোয়গী ফংফম থোকপা ফংহনবদা ঐখোয়গী য়ুমশিং অমসুং মালেম অসি হিংবদা হেন্না নুংঙাইবা মফমশিং ওইগনি। নুপীশিংদা লৈরিবা অথিংবশিং লৌথোক্নবা মিৎয়েং চঙবা দরকার ওই অমসুং জুদিসিয়ারি, লেজিসলেচরশিং অমসুং লৈবাক ঙাকপা য়াওনা ৱারেপ লৌবগী থবক খুদিংমক্তা নুপীশিং অৱাংবা ফম পুহনগদবনি।

মরম অসিনা, মাদ্রাস হায় কোর্ততা নুপী ১৩ য়াওহনবা অসিদা মরী লৈনবা খুদিংমক ঐনা থাগৎলি। মসিনা অতোপ্পাশিং ইথিল পীগনি।

নুংশিরবা ইচলশিং অমসুং ইনাওশিং,

কোবিদ-১৯ লাইচৎনা শেন-থুম অমসুং ঐখোয়গী পুন্সিদা অচৌবা চৈথেং পীরে। মাংজিল থাদুনা থবক তৌরিবা দোক্তরশিং, নর্সশিং, হকশেলগী মীওইশিং, পুলিস, মেদিয়াগী মীওইশিং কৎথোকপগা লোয়ন্না লাইচৎ মনুংদা থবক তৌবগীদমক ঐনা থাগৎলি।

লোকদাউন মনুংদা মহৈ-মরোং পুথোক্নবা থবক শুখিবা ঐখোয়গী লৌমীশিং ঐনা মরুওইনা থাগৎলি।

কোবিদ-১৯গী চৎন-পথাপশিং হায়বদি মাক্স উপ্পা, য়াম্না তোইনা খুৎ-শা হাম্বা অমসুং থাপ্না লৈবা ঙাক্তুনা চেকশিন-থৌরাংশিং মখা তানা ইন্নবা ঐনা হায়জরি।

তিকা ঙাইবা ওইনা ঐখোয় অনা-অয়েক লৈতবা অমসুং অশোই-অঙাম থোক্তবা পুন্সি অমদা ঐখোয় হিংলসি

শ্রী গুজরাল নিংশিংবা ওইনা স্তাম্পকী অহানবা ফাস্তে কোভর ফোঙবদা ঐ য়াম্না হরাওই।

জয় হিন্দ !

*****