লৌউ-শিংউ মন্ত্রালয়

নিউ দিল্লিগী বিগ্যান ভাবন্দা লৌমী লুপশিংগী মীহুৎশিংগা মরুপ-মপাং ওইবা ফিবম অমদা ৱারি শানখ্রে

দিশেম্বর ৫দা লৌমীশিংগা মখা তানা ৱারি শানগনি: শ্রী নরেন্দ্র সিংহ তোমার

Posted On: 03 DEC 2020 9:57PM by PIB Imphal

ৱারি শান্নবা য়ুনিয়ন এগ্রিকলচর মিনিস্তরনা চেবাউ পীখিবা লৌমী লুপ ৪০গী মীহুৎশিংগা ঙসি নিউ দিল্লিগী বিগ্যান ভাবন্দা ৱারি শানখ্রে। ৱারি শানবা অদুদা সরকারগী মাইকৈদগী এগ্রিকলচর মিনিস্তর শ্রী নরেন্দ্র সিংহ তোমার, ফুদ, কঞ্জুমর এফেয়ার্স অমসুং পব্লিক দিস্ত্রিবিউসন, রেলৱেজ অমসুং কমর্স মিনিস্তর শ্রী পিয়ুস গোয়াল অমসুং কমর্সকী রাজ্য মন্ত্রী শ্রী সোম প্রকাস শরুক য়াখি।  এগ্রিকলচর মিনিস্ত্রি অমসুং ফুদ, কঞ্জুমর এফেয়ার্স অমসুং পব্লিক দিস্ত্রিবিউসন মিনিস্ত্রিগী সেনিয়র ওফিসিএলশিংসু ৱারি শানবা অদুদা শরুক য়াখি। মরিসুবা তাঙ্কক্কী ৱারি শানবা অসি মরুপ-মপাং ওইবা ফিবম অমদা পাংথোকখি। দিশেম্বর ৫দা পাংথোক্কদবা মথংগী ৱারি শানবা মখা তানা শরুক য়াগনি হায়না লুপশিংনা ফোঙদোকখি।

মীফম অদুদা লৌমীশিংগী য়াইফনবা সরকারনা পায়খৎপা য়াবা থবকশিং পায়খৎকনি হায়না য়ুনিয়ন এগ্রিকলচর মিনিস্তরনা অমুক হন্না থাজবা পীখি। মখোয়গী ৱাখল্লোনশিং অমসুং মখোয়না চিংনরিবা ৱাফমশিং ফোঙদোক্নবা মহাক্না লুপশিংগী মীহুৎশিংদা হায়জখি। লৌমী লুপশিংগী মীহুৎশিংনা লো অহুম অসি সংবিধানগী ওইনা চৎনবগী মতাংদা ৱাহং হংখি। কেন্দ্র সরকারনা শেম্বা লোশিং অসিগী সংবিধানগী প্রোবিজনশিং সরকারগী মাইকৈদগী শন্দোক্না তাকখি। এ.পি.এম.সিশিংগা মরী লৈনবা ৱাফমশিং লৌমীশিংনা পুখৎলকখি। মখোয়না হায়খি মদুদি এ.পি.এম.সিশিং অমসুং লনাই কৈথেলশিং অমসুং ত্রদ য়ার্দশিংগী মরক্তা থোঙ মান্নবা অমা লৈগদবনি। এ.পি.এম.সিশিংগী ৱাংমদা ললোন-ইতিক পাংথোক্নবা ফজনা রেজিস্তার তৌগদবনি। কন্ত্রেক ফার্মিং এক্তা লৌমীশিংগী লম ঙাক-শেনবগী ৱাফমসু পুখৎখি। এম.এস.পিগী থবক অসি আইনগী ওইবা থবক ওইহন্নবা লৌমী লুপশিংনা হায়জখি। অনৌবা ফার্ম এক্তশিংদা য়ানদবা লাকপশিং ৱায়েনবগী মতাংদা লুপশিংনা হায়খি অতোপ্পা ৱায়েন্নবা থবক অমা লৈহনবা দরকার ওই। কন্ত্রেক ফার্মিংগী থবক রেজিস্তার তৌবগী মতাংসু পুখৎলকখি।

এগ্রিকলচর অমসুং ফার্মরস ৱেলফিয়ার মিনিস্ত্রিগী সেক্রেতরি শ্রী সঞ্জয় অগরৱালনা ফার্মস এক্তশিংগী অকুপ্পা ৱাফম অমা থমখি অমসুং লৌমীশিংগী য়াইফনবা মিনিস্ত্রিনা পায়খৎলিবা থবকশিং অমসুং লোকদাউন মনুংদা লৌউ-শিংউগী থবক কান্নবা পীনবা লৌখৎখিবা থবকশিং ফোঙদোকখি। মহাক্না হায়খি লৌমীশিংনা য়াইফনবা পান্দমদা ফার্ম এক্তশিং শেমখিবনি।

মিনিমম সপোর্ত প্রাইজ মখা তানা চৎনখিগনি অমসুং অমসুং মসি চৎনররোই হায়না লৌমীশিংনা পাখৎলোইদবনি হায়না লুপশিংদা এগ্রিকলচর মিনিস্তরনা থাজবা পীখি। মখোয়গী ৱাকৎশিং পুখৎলকপা  অমসুং মখা তানা ৱারি শানগনি হায়না মখোয়না থাজবা পীবগীদমক মহাক্না লৌমী লুপশিং থাগৎখ্রে।

******

 



(Release ID: 1678245) Visitor Counter : 77