‘জিএছটি’ ৰূপায়ণ কৰিবলৈ যাওতে হোৱা ৰাজহৰ ঘাটি পূৰণৰ বাবে ‘বিকল্প-১’ গ্ৰহণ কৰাৰ ইচ্ছা অৱগত কৰিছে চত্তিশগড়ে। ইয়াকে ধৰি ‘বিকল্প-১’ৰ প্ৰতি সমৰ্থন আগবঢ়োৱা ৰাজ্যৰ সংখ্যা ২৭খনলৈ বৃদ্ধি পালে। এই মুহূৰ্তত ঝাৰখণ্ডৰ বাহিৰে দেশৰ ২৭খন ৰাজ্য আৰু বিধানসভা যুক্ত তিনিওখন কেন্দ্ৰীয় শাসিত অঞ্চলে ‘বিকল্প-১’ গ্ৰহণৰ পক্ষত সিদ্ধান্ত গ্ৰহণ কৰিলে।

‘বিকল্প-১’ পচন্দ কৰা সকলো ৰাজ্য আৰু কেন্দ্ৰীয় শাসিত অঞ্চলে ‘জিএছটি’ ৰূপায়ণৰ বেলিকা সন্মুখীন হোৱা ঘাটি পূৰণ কৰিব পৰাকৈ ভাৰত চৰকাৰে আগবঢ়োৱা ‘বিশেষ ঋণৰ সুবিধা’ লাভ কৰিব। ২০২০ৰ ২৩অক্টোবৰৰ পৰা এই ঋণদানৰ ব্যৱস্থা কাৰ্যান্বিত কৰা হৈছে আৰু ৰাজ্যসমূহৰ হৈ পাঁচোটা কিস্তিত ভাৰত চৰকাৰে ইতিমধ্যে ৩০,০০০কোটি টকা ধাৰে লৈছে আৰু ‘বিকল্প-১’ গ্ৰহণ কৰা ৰাজ্য আৰু কেন্দ্ৰীয় শাসিত অঞ্চলসমূহলৈ প্ৰেৰণ কৰিছে। বিশেষ ব্যৱস্থাৰে ধাৰে লোৱা পুঁজিৰ ধন যোৱা ২৩ অক্টোবৰ ২০২০, ২ নৱেম্বৰ ২০২০, ৯ নৱেম্বৰ ২০২০, ২৩ নৱেম্বৰ ২০২০ আৰু ১ ডিচেম্বৰ ২০২০ত ৰাজ্য আৰু কেন্দ্ৰীয় শাসিত অঞ্চলসমূহলৈ মোকলাই দিয়া হৈছে। পৰৱৰ্তি পৰ্যায়ত চত্তিশগড়েও পুঁজি আদায় পাব।

‘বিকল্প-১’-ৰ চৰ্তৰ আধাৰত ‘জিএছটি’ ৰূপায়ণত হোৱা ঘাটি পূৰণৰ বাবে বিশেষ ব্যৱস্থাৰে ঋণৰ সুবিধা লাভ কৰাৰ উপৰি ৰাজ্যসমূহে যোৱা ১৭ মে’,২০২০ তাৰিখে ভাৰত চৰকাৰে ‘আত্মনিৰ্ভৰ ভাৰত অভিযান’ৰ অধীনত অনুমোদন জনোৱা ২% অতিৰিক্ত ঋণৰ পৰা ৰাজ্যৰ সৰ্বমুঠ ঘৰুৱা উত্পাদন(জিএছডিপি)ৰ ০.৫০% চূড়ান্ত কিস্তি ধাৰে লোৱাৰ বাবে নিঃচৰ্ত অনুমোদনো লাভ কৰিব। এয়া বিশেষ ব্যৱস্থাৰে আগবঢ়োৱা ১.১ লাখ কোটি টকাৰ অতিৰিক্ত হ’ব। ‘বিকল্প-১’ গ্ৰহণ কৰাৰ পিচত চত্তিশগড়লৈ ১,৭৯২ কোটি টকা(চত্তিশগড়ৰ জিএছডিপি-ৰ ০.৫০%) ধাৰে লোৱাৰ বাবে ভাৰত চৰকাৰে অনুমতি প্ৰদান কৰিছে।

দেশৰ ২৭খন ৰাজ্য আৰু কেন্দ্ৰীয় শাসিত অঞ্চলে অতিৰিক্ত ঋণৰ অনুমোদন লাভ কৰিছে আৰু এই ধন মোকলাই দিয়া হৈছে।

২-১২-২০২০ পৰ্যন্ত জিএছডিপি-ৰ ০.৫০% পৰিমাণে অতিৰিক্ত ঋণ লাভ কৰা ৰাজ্য আৰু কেন্দ্ৰীয় শাসিত অঞ্চলসমূহৰ তালিকা

 (কোটি টকা হিচাপত)

* These States have ‘NIL’ GST compensation gap

# Funds will be released starting after next round of borrowing.

RM/KMN/KB