ਛੱਤੀਸਗੜ੍ਹ ਦੀ ਸਰਕਾਰ ਨੇ ਜੀਐਸਟੀ ਲਾਗੂ ਹੋਣ ਨਾਲ ਪੈਦਾ ਹੋਣ ਵਾਲੇ ਮਾਲੀਏ ਦੀ ਘਾਟ ਨੂੰ ਪੂਰਾ ਕਰਨ ਲਈ ਵਿਕਲਪ -1 ਦੀ ਆਪਣੀ ਸਵੀਕਾਰਤਾ ਬਾਰੇ ਦੱਸਿਆ ਹੈ। ਵਿਕਲਪ -1 ਦੀ ਚੋਣ ਕਰਨ ਵਾਲੇ ਰਾਜਾਂ ਦੀ ਗਿਣਤੀ ਵੱਧ ਕੇ 27 ਹੋ ਗਈ ਹੈ। ਝਾਰਖੰਡ ਨੂੰ ਛੱਡ ਕੇ ਸਾਰੇ ਰਾਜਾਂ ਅਤੇ ਵਿਧਾਨ ਸਭਾ ਵਾਲੇ ਸਾਰੇ 3 ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਨੇ ਵਿਕਲਪ -1 ਦੇ ਹੱਕ ਵਿੱਚ ਫੈਸਲਾ ਲਿਆ ਹੈ।

ਜਿਨ੍ਹਾਂ ਰਾਜਾਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਨੇ ਵਿਕਲਪ -1 ਦੀ ਚੋਣ ਕੀਤੀ ਹੈ, ਉਨ੍ਹਾਂ ਨੂੰ ਜੀਐਸਟੀ ਲਾਗੂ ਕਰਨ ਨਾਲ ਹੋਣ ਵਾਲੀ ਮਾਲੀਏ ਦੀ ਘਾਟ ਨੂੰ ਪੂਰਾ ਕਰਨ ਲਈ ਭਾਰਤ ਸਰਕਾਰ ਵੱਲੋਂ ਵਿਸ਼ੇਸ਼ ਉਧਾਰ ਵਿੰਡੋ ਦੇ ਜ਼ਰੀਏ ਇਹ ਰਾਸ਼ੀ ਮਿਲ ਰਹੀ ਹੈ। ਵਿੰਡੋ 23 ਅਕਤੂਬਰ, 2020 ਤੋਂ ਚਾਲੂ ਹੋ ਗਈ ਹੈ ਅਤੇ ਭਾਰਤ ਸਰਕਾਰ ਨੇ ਪਹਿਲਾਂ ਹੀ ਪੰਜ ਕਿਸ਼ਤਾਂ ਵਿਚ ਰਾਜਾਂ ਦੀ ਤਰਫੋਂ 30,000 ਕਰੋੜ ਰੁਪਏ ਉਧਾਰ ਲਏ ਹਨ ਅਤੇ ਇਸ ਨੂੰ ਉਨ੍ਹਾਂ ਰਾਜਾਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਨੂੰ ਦੇ ਦਿੱਤਾ ਹੈ, ਜਿਨ੍ਹਾਂ ਨੇ ਵਿਕਲਪ -1 ਦੀ ਚੋਣ ਕੀਤੀ ਸੀ । ਵਿਸ਼ੇਸ਼ ਵਿੰਡੋ ਰਾਹੀਂ ਉਧਾਰ ਲਏ ਗਏ ਫੰਡਾਂ ਨੂੰ 23 ਅਕਤੂਬਰ, 2020, 2 ਨਵੰਬਰ, 2020, 9 ਨਵੰਬਰ, 2020, 23 ਨਵੰਬਰ, 2020 ਅਤੇ 1 ਦਸੰਬਰ, 2020 ਨੂੰ ਜਾਰੀ ਕੀਤਾ ਗਿਆ ਸੀ । ਹੁਣ ਛੱਤੀਸਗੜ੍ਹ ਰਾਜ ਅਗਲੇ ਗੇੜ ਵਿੱਚ ਸ਼ੁਰੂ ਹੋਣ ਵਾਲੀ ਉਧਾਰ ਪ੍ਰਕ੍ਰਿਆ ਰਾਹੀਂ ਇਸ ਵਿੰਡੋ ਰਾਹੀਂ ਵਾਧੂ ਰਾਸ਼ੀ ਜੁਟਾ ਸਕੇਗਾ । 

ਵਿਕਲਪ -1 ਦੀਆਂ ਸ਼ਰਤਾਂ ਦੇ ਤਹਿਤ, ਜੀਐਸਟੀ ਲਾਗੂ ਹੋਣ ਨਾਲ ਪੈਦਾ ਹੋਈ ਘਾਟ ਨੂੰ ਪੂਰਾ ਕਰਨ ਲਈ ਉਧਾਰ ਲੈਣ ਲਈ ਇਕ ਵਿਸ਼ੇਸ਼ ਵਿੰਡੋ ਦੀ ਸਹੂਲਤ ਪ੍ਰਾਪਤ ਕਰਨ ਤੋਂ ਇਲਾਵਾ, ਰਾਜ ਕੁੱਲ ਸਟੇਟ ਘਰੇਲੂ ਉਤਪਾਦ ਦੀ 0.50% ਦੀ ਅੰਤਮ ਕਿਸ਼ਤ ਉਧਾਰ ਲੈਣ ਦੀ ਵੀ ਬਿਨਾਂ ਸ਼ਰਤ ਇਜ਼ਾਜਤ ਹੈ, ਜੋ ਆਤਮਨਿਰਭਰ ਅਭਿਆਨ ਦੇ ਤਹਿਤ ਭਾਰਤ ਸਰਕਾਰ ਵੱਲੋਂ 17 ਮਈ 2020 ਨੂੰ ਦਿੱਤੀ ਗਈ 2% ਦੀ ਵਾਧੂ ਉਧਾਰੀ ਤੋਂ ਅੱਲਗ ਹੈ । ਇਹ ਵਿਸ਼ੇਸ਼ ਵਿੰਡੋ ਦੇ ਇਕ ਲੱਖ ਕਰੋੜ ਰੁਪਏ ਤੋਂ ਉਪਰ ਅਤੇ ਬਹੁਤ ਵੱਧ ਹੈ। ਵਿਕਲਪ -1 ਦੀ ਚੋਣ ਕਰਨ ਸਬੰਧੀ ਫੈਸਲੇ ਦੇ ਪ੍ਰਾਪਤ ਹੋਣ 'ਤੇ, ਭਾਰਤ ਸਰਕਾਰ ਨੇ ਛੱਤੀਸਗੜ੍ਹ ਦੀ ਰਾਜ ਸਰਕਾਰ (ਛੱਤੀਸਗੜ੍ਹ ਦੇ ਜੀ.ਐਸ.ਡੀ.ਪੀ. ਦਾ 0.50%) ਨੂੰ 1,792 ਕਰੋੜ ਰੁਪਏ ਦਾ ਵਾਧੂ ਉਧਾਰ ਲੈਣ ਦੀ ਮਨਜ਼ੂਰੀ ਦੇ ਦਿੱਤੀ ਹੈ ।

ਵਾਧੂ ਉਧਾਰ ਰਾਸ਼ੀ ਜੁਟਾਉਣ ਲਈ 27 ਰਾਜਾਂ ਨੂੰ ਦਿੱਤੀ ਗਈ ਇਜ਼ਾਜਤ ਅਤੇ ਇਸ ਵਿਸ਼ੇਸ਼ ਵਿੰਡੋ ਰਾਹੀਂ ਇਕੱਠੀ ਕੀਤੀ ਗਈ ਰਾਸ਼ੀ ਅਤੇ ਰਾਜਾਂ ਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਨੂੰ ਹੁਣ ਤਕ ਜਾਰੀ ਕੀਤੇ ਗਏ ਫੰਡਾਂ ਦੀ ਰਾਸ਼ੀ ਨੂੰ ਜੋੜਿਆ ਗਿਆ ਹੈ I

ਜੀ.ਐਸ.ਡੀ ਪੀ. ਦੇ 0.50 ਪ੍ਰਤੀਸ਼ਤ ਦੇ ਵਾਧੂ ਉਧਾਰ ਦੀ ਰਾਜ ਵਾਰ ਇਜ਼ਾਜਤ ਅਤੇ ਵਿਸ਼ੇਸ਼ ਵਿੰਡੋ ਰਾਹੀਂ ਇਕੱਠੇ ਕੀਤੇ ਗਏ ਫੰਡਾਂ ਦੀ ਮਾਤਰਾ ਰਾਜਾਂ / ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੀਆਂ ਸਰਕਾਰਾਂ ਨੂੰ 02.12.2020 ਨੂੰ ਦੇ ਦਿੱਤੀ ਗਈ ਹੈ । 

Statewise additional borrowing of 0.50 percent of GSDP allowed and amount of funds raised through special window passed on to the States/UTstill 02.12.2020

(Rs. in Crore)

* ਇਨ੍ਹਾਂ ਰਾਜਾਂ ਦਾ ਜੀਐਸਟੀ ਮੁਆਵਜ਼ਾ ਪਾੜਾ ਨਿੱਲ ਹੈ ।

# ਅਗਲੇ ਗੇੜ ਦੀ ਉਧਾਰ ਪ੍ਰਕ੍ਰਿਆ ਸ਼ੁਰੂ ਹੋਣ ਤੋਂ ਬਾਅਦ ਫੰਡ ਜਾਰੀ ਕੀਤੇ ਜਾਣਗੇ । 

-------------------------------------------

ਆਰ.ਐਮ. / ਕੇ.ਐੱਮ.ਐੱਨ