(লম্বী তৌখাইদনা পাইপ ফুম্বগী অনৌবা মওং)

জল জিবন মিসনগী মখাদা রাজ্য অসিদা ‘হর ঘর জল’গী পান্দম ফংনবা তেক্নিকেলগী মতেং পাংনবা অমসুং তোঙান-তোঙানবা ৱাফমশিং অমসুং খুদোংচাদবশিং মশক খঙদোক্নবা অমসুং অফবা থবকশিং খঙদোক্নবা নেসনেল জল জিবন মিসনগী মীওই মরিগী কাংবু অমা ২০২০গী দিশেম্বর ২দগী ৪ ফাওবা নোংচুপ বেঙ্গলদা চৎখ্রে। কাংবু অদুনা রাজ্য অসিগী তোঙান-তোঙানবা মফমশিংদা চৎখি অমসুং ঈশিং পীনবা স্কিম পায়খৎলিবা ওফিসিএলশিং, গ্রাম প্রধানশিং অমসুং গ্রাম পঞ্চায়তশিংগী মেম্বরশিংগা উনখি। থবক অসি খোঙজেল য়াংনা পায়খৎনবগীদমক মখোয়গী মিৎয়েং চঙনবা অমসুং খুমাঙ চাউশিনবগী মতাংদা মখোয়দা পাউদম্নবা কাংবু অদুনা দিস্ত্রিক ৱাতর এন্দ সেনিতেসন মিসনগী চেয়রপর্সন/দিস্ত্রিক কলেক্তরগসু মীফম পাংথোকখি।

২০২৩-২৪ ফাওবগী মনুংদা রাজ্য অসিদা য়ুমথোঙ চাদা ১০০ তোতি শম্নবা নোংচুপ বেঙ্গল সরকারনা থৌরাং তৌরে। অপীবা মতমগী মনুংদা জল জিবন মিসনগী পান্দমশিং ফংনবা ভারত সরকারনা রাজ্যশিংগা পুন্না থবক তৌমিন্নরি। রাজ্য অসিগী য়ুমথোঙ খুদিং ঈশিং ফংহন্নবা জল জিবন মিসন থবক ওইনা পায়খৎনবগী মমাঙ থাদা পাংথোকখিবা চহি তঙ্খাই চনবগী হন্না য়েংশিনবগী মীফমগী মখা তারকপা ওইনা পায়খৎলিবা থবকশিং য়েংশিন্নবা অমসুং থবক য়াংনা পায়খৎনবা তেক্নিকেলগী মতেং পীনবা নেসনেল জল জিবন মিসনগী কাংবু অমা রাজ্য অসিদা চৎখিবনি। কাংবু অদুনা পি.ঐচ.ই.দি ওফিসিএলশিংগা লোয়ন্না হাওরা জিলাগী স্কিম অহুম য়েংখি। উত্তর পিরপুর স্কিম অসি ১৫সুবা ফাইনান্স কমিসনগী ফন্দশিংগা পুনশিন্দুনা চাদা ১০০গী এফ.ঐচ.তি.সিগা লোয়ন্না নোংগী ঈশিং লোকশিন্দুনা তুংকোইনা শীজিন্নবা য়ানবা মিৎয়েং থমখি।

কোসালপুর স্কিমদা এফ.ঐচ.তি.সি উত্তার পিরপুর স্কিমদা এফ.ঐচ.তি.সি

বালিচাক স্কিমদা গ্রাম পঞ্চায়তকা লোয়ন্না জল জিবন মিসনগী মরুওইবা থবকশিংগী মতাংদা খন্নখি। অথুবদা এফ.ঐচ.তি.সি পীনবা থবক পায়খৎনবা অমসুং ভিলেজ এক্সন প্লান শেম্নবা গ্রাম পঞ্চায়ত অসিনা থবক পায়খৎলে। কোসালপুর খুঙ্গংদা এফ.ঐচ.তি.সি পীনবা থবক পায়খৎলি অমসুং চৎলিবা থা অসিগী মনুংদা থবক লোইশিনগনি হায়বগী থাজবা লৈরে।

পিয়রপুর খুঙ্গংদা এফ.ঐচ.তি.সি             কোসালপুর খুঙ্গংদা পায়খৎলিবা থবক

২০২০-২১ মনুংদা নোংচুপ বেঙ্গলদা পীবা ফন্দ লুপা করোর ১,৬১০.৭৬তা হেনগৎখি। লুপা করোর ১,১৪৬.৫৮কী ওপনিং বেলেন্স লৈদুনা , রাজ্য অসিনা কেন্দ্রদগী লুপা করোর ২,৭৬০.৭৬ ফংলগনি। মরম অদুনা ২০২০-২১ মনুংদা জল জিবন মিসনগী মখাদা রাজ্য অসিগী য়ুমথোঙশিংদা তোতি ঈশিং ফংহন্নবা রাজ্যগী চাকথুংগা লোয়ন্না লুপা করোর ৫,৭৭০ লৈখি। মিসন অসিগী মখাদা পায়খৎলিবা থবকশিংগী খুমাঙ চাউশিনবা অদুদা য়ুম্ফম ওইরগা মখা তানা অহেনবা ফন্দশিং পীগনি। পঞ্চায়াতি রাজ ইন্সতিতুৎশিংদা পীনবা ১৫সুবা ফাইনান্স কমিসনগী গ্রান্তশিং ওইনা নোংচুপ বেঙ্গলনা লুপা করোর ৪,৪১২ ফংখ্রে, মসিগী চাদা ৫০ তঙাইফদনা ঈশিং অমসুং সেনিতেসনগী থবকশিংদা শীজিন্নগনি। তোঙান-তোঙানবা থবকশিং হায়বদি এম.জি.এন.আর.জি.এস, জে.জে.এম, এস.বি.এম(জি), ১৫সুবা ফাইনান্স কমিসনগী গ্রান্তশিং, দিস্ত্রিক মিনরেল দিবলপমেন্ত ফন্দ, কাম্পা, সি.এস.আর ফন্দ, লোকেল এরিয়া দিবলপমেন্ত ফন্দ অসি রাজ্যনা পুনশিন্নবা থৌরাং তৌবা দরকার ওইরে। হায়রিবা থবকশিং অসি ১৫সুবা ফাইনান্স কমিসনগা লোয়ন্না চহি ৫গী থৌরাং ওইনা খুঙ্গং খুদিংমক্কী ভিলেজ এক্সন প্লান(ভি এ পি)গা পুনশিন্দুনা হায়রিবা ফন্দশিং অদু ঈশিং তুংশিন্দুনা থম্নবা অমসুং ঈশিং ফংহন্নবা থবকশিংদা শীজিন্নগদবনি। 

লৈবাক অসিগী মীয়ামগী পুন্সি মহিং ফগৎহন্নবা পায়খৎলিবা থবকশিংগী মখা তারকপা ওইনা খুঙ্গংগী য়ুমথোঙ অমদা ফঙ্কসনেল হাওসহোল্দ তেপ কন্নেক্সন(এফ ঐচ তি সি) পীনবা রাজ্যশিংগা লোয়ন্না কেন্দ্র সরকারনা জল জিবন মিসন পায়খৎপনি। কোওপেরেতিপ ফেদেরেলিজমগী অশেংবা ৱাখল্লোন মতুংইন্না, খুঙ্গংগী মীয়াম হিংবদা লাইহন্নবা অমসুং নুপীশিংগী অৱাবা হন্থহন্নবা মিসনগী পান্দমশিং ফংনবা মাংজিল থাবা থবক অসি রাজ্যশিংনা পায়খৎলে। মিসন অসিগী পান্দমদি খুঙ্গংদা লৈবা ইমুং খুদিংমক মখোয়গী  য়ুমদা তোতি ঈশিং ফংহনবনি। মমাঙগী থবকশিংদগী তোখাইবা অমদা, মিসন অসিনা মচাক-মথুমশিং শেমগৎপদগী ঈশিং ফংহনবদনা হেন্না মিৎয়েং চঙলে। 

*****