কেন্দ্রগী মাইনোরিতী এফিয়র্সকী মন্ত্রী শ্রী মুখতার অব্বাস নকবীনা ঙসি লাওথোকখ্রে মদুদি মথংগী “হুনর হাত” দিসেম্বর ১৮দগী ২৭, ২০২০ ফাওবা নুমাইশ গ্রাউন্দ, রাম্পুর (য়ু.পি.)দা অমসুং জনুৱারী ২৩দগী ৩১, ২০২১ ফাওবা শিল্প গ্রাম, লখনৌ (য়ু.পি.)দা “ভোকেল ফোর লোকেল”গী থিমগা লোইননা “হুনর হাত” পাংথোক্কনি।

ঙসি নই দিল্লীগী মৌলানা অজাদ এজুকেসন ফাউন্দেসনগী গোবর্নিং অমসুং জেনরেল বোদী মীতিংগী ময়াই তাংবল লৌরবা মতুংদা শ্রী নকবীনা হায়খ্রে মদুদি কেন্দ্রগী রোদ ত্রান্সপোর্ত & হাইৱেজ অমসুং মাইক্রো, স্মোল অমসুং মেদিয়ম ইন্তর্প্রাইজগী মন্ত্রী শ্রী নীতিন গরকরী অমসুং খাদী অমসুং ভিলেজ ইন্দস্ত্রীগী কমিসন চিয়রমেন শ্রী বিনয় কুমার সক্সেনানা রামপুরদা দিসেম্বর ১৮, ২০২০দা “হুনর হাত” হৌদোক্কনি।

উত্তর প্রদেশকী মুখ্য মন্ত্রী শ্রী য়োগী অদিত্যনাথনা লখনৌদা জনুৱারীগী ২৩, ২০২১দা “হুনর হাত” হৌদোক্কনি।

শ্রী নকবীনা হায়খ্রে মদুদি রামপুর অমসুং লখনৌদা পাংথোক্কদৌরিবা “হুনর হাত” অসি ভর্চুএল অমসুং ওনলাইন প্লেৎফোর্ম http://hunarhaat.org অসিদসু ফংগনি। লৈবাক অসিদা অমদি মীরমদা লৈরিবা মীয়াম্না “হুনর হাত”কী পোৎথোকশিং অদু দিজিতেল ওনলাইন প্লেৎফোর্মশিংদসু লৈবা য়াগনি।

শ্রী নকবীনা হায়খি মদুদি উত্তর প্রদেশ, অসম, কেরলা, মহারাস্ত্রা, গুজরাত, নোংচুপ বেঙ্গল, মনিপুর, তেলঙ্গনা, কর্নাতক, ওরিশা, মধ্য প্রদেশ, রাজস্থান, হরিয়ানা, পঞ্জাব য়াওনা লৈবাক অসিগী রাজ্য/য়ু.তি. ২৭তগী আর্তিসান অমসুং ক্রাফমেনশিংনা মখোয়না শাজবা পোৎথোকশিং হুনর হাত অসিদা উৎকনি অমসুং য়োনগনি।

শ্রী নকবীনা হায়খি মদুদি রামপুর অমসুং লখনৌদা পাংথোক্কদৌরিবা “হুনর হাত” অসিদা কোরোনা অমসুং সেনিতেসন, মাস্ক, হাইজিন, লুবা নানবগী গাইদলাইনশিং চেকশিন্না ঙাক্কনি। মহাক্না মখা তানা হায়খি মদুদি অমরোমদা, মাস্তর আর্তিসানসিংনা মসানা শাজবা পোৎলমশিং অদুনা রামপুর অমসুং লখনৌদা পাংথোকপা “হুনর হাত”তা মরুওইবা মিৎয়েং চিংশিনফম ওইগনি অদুগা অমরোমদা মীয়াম্না “হুনর হাত” অসিদা লৈবাক্কী মফম অয়াম্বগী, মফম অদুগী অহাওবা মথেলশিং মহাও তম্বা ফংগনি। মসিদা নত্তনা, “জান ভী, জহান ভী” হায়বা থিম অসিদা তোঙান তোঙানবা কলচরেল প্রোগ্রামশিং,শক্নাইরবা আর্তিস্তশিংনা নুংতিগী পাংথোক্কনি, মসিসু চাউনা মিৎয়েং চংফম অমা ওইরগনি।

শ্রী নকবীনা ফোংদোকখি মদুদি মাস্তর আর্তিসান অমসুং ক্রাফমেনশিংগী মশানা শাজবা পোৎলমশিং য়োকখৎতুনা “হুনর হাত” অসিনা প্রধান মন্ত্রী শ্রী নরেন্দ্র মোদীগী ‘আত্মনির্ভর ভারত’কী মিশন অমসুং থম্বীখিবা ৱাফম ‘ভোকেল ফোর লোকেল’গী মপাঙ্গল কলহনবদা কান্নরবা প্লেৎফোর্ম অমা ওইরে হায়বদু ফোংদোক্লে।

মন্ত্রীনা ফোংদোকখি মদুদি “হুনর হাত” অসিনা হৌখিবা চহি ৬ অসিদা ভারতকী আর্তিসান, ক্রাফমেন, চফু শাবা অমসুং অতৈ মরী লৈনবা মীওই লাখ ৫ হেনবদা থবক্কী অমসুং থবক্কী পীবগী খুদোংচাবা ফংহল্লি, মসি মীয়াম্না য়াম্না পাম্নবা হেনগৎলক্লি।  

শ্রী নকবীনা লাওথোকখ্রে মদুদি লাক্কদৌরিবা নুমিৎ খরনি অসিদা, “হুনর হাত” অসি জয়পুর, চন্দীগর, ইন্দোর, মুম্বাই, হাইদ্রাবাদ, ইন্দিয়া গেৎ-নই দিল্লী, রাঞ্চী, কোতা, সুরত/অহমদাবাদ, কোচী অমসুং অতৈ মফমশিংদসু পাংথোক্কনি। “হুনর হাত” অসিগী তাং অথুবা মতমদা লেপকনি।

*****