ইন্দিয়া মেতিওরোলোজিকেল দিপার্তমেন্ত (আই.এম.দি.)কী সাইক্লোন ৱার্নিং দিবিজনগী মতুং ইন্নাঃ

নোংচুপ-নোংপোক বে ওফ বেঙ্গলগী মথক্তা নোংলৈ নুংশিৎ (সাইক্লোন) ‘বুরেবী’ হৌখিবা পুং ৬তা পুংদা কিলোমীতর ১৫গী খোংজেলদা নোংচুপ-অৱাং নোংচুপকী মায়কৈদা চংশিল্লি অমসুং ঙসি অয়ুক পুং ৫.৩০ তাবা মতমদা, দিসেম্বর ২, ২০২০দা মসি ত্রিংকোমালীগী নোংপোক-খা নোংপোক (শ্রীলঙ্কা)কী লমদমদগী চাউরাক্না কিলোমীতর ২৪০, পম্বন (ভারত)গী নোংপোক-খা নোংপোক্তা কিলোমীতর ৪৭০ অমসুং কন্যাকুমারী (ভারত)তগী নোংপোক-অৱাং নোংপোক্তা খা-নোংচুপ বে ওফ বেঙ্গলগা মায়কৈদা শিৎলি।  

মথংগী পুং ১২দা মসি হেন্না শাফু কল্লকপা য়াই। দিসেম্বর ২গী নুমিদাংৱাইরম/নুমিদাংদা মসি নোংচুপ-অৱাং নোংচুপকী মায়কৈদা অমসুং শ্রীলঙ্কাগী সমুদ্র খোংবান্দা অৱাং ত্রিংকোমালীগী মনাক্তা পুংদা কিলোমীতর ৮০দগী ৯০দগী পুংদা কিলোমীতর ১০০গী খোংজেলদা সাইক্লোন ওইনা হুম্বগী ওইথোকপা লৈ। মসিগী মতুংদা নোংলৈ নুংশিৎকী নোংচুপ-অৱাং নোংচুপকী মায়কৈদা চৎখিবগী ওইথোকপা লৈ অমসুং দিসেম্বর ৩গী অয়ুক্তা মসি মন্নারগী গল্ফ অমসুং মনাক নকপা কোমোরিনগী লমদমদা হুম্লক্কনি।

সাইক্লোন অসি দিসেম্বর ৩গী নুংথিলদা পম্বনগী মনাক্তা পুংদা কিলোমীতর ৭০-৮০দগী পুংদা কিলোমীতর ৯০গী খোংজেলদা শিৎকনি। মসিগী মতুংদা পুংদা কিলোমীতর ৭০-৮০দগী পুংদা কিলোমীতর ৯০গী খোংজেলদা নোংচুপ-খা নোংচুপকী মায়কৈদা চৎখিগনি অমসুং দিসেম্বর ৪দা সাইক্লোন ওইনা কন্যাকুমারী অমসুং পম্বনগী মরক্তা খা তমিলনাদুগী সমুদ্রা মপান লানখিগনি।

ফোরকাস্ত ত্রেক অমসুং মসিগী শাফু মখাদা পীরিঃ

চেকশিন ৱাঃ

(i) নোংজু

• দিসেম্বর ২ অমসুং ৩, ২০২০দা খা তমিলনাদু (কন্যাকুমারী, তিরুনেলৱেলা, থুথুকুরী, তেনকাসী, রামনাথপুরম অমসুং শিবগঙ্গৈ)দা মফম খরদা অকনবদগীনা য়াম্না কন্না নোং চুবা অমসুং অতোপ্পা মফম খরদা নোং য়াম্না কন্না চুবগী ওইথোকপা লৈ; দিসেম্বর ০৩দা খা কেরলা (তিরুবনন্তপুরম, কোল্লম, পথানামথিত্তা অমসুং অলাপুজহা)দা মফম খরদা অকনবদগীনা য়াম্না কন্না নোং চুবা অমসুং খা তমিলনাদুদা দিসেম্বর ২ অমসুং ৪, ২০২০ অমসুং খা কেরলাদা দিসেম্বর ৩ অমসুং ৪দা মফম খরদা অকনবদগীনা য়াম্না কন্না নোং চুবগী ওইথোকপা লৈ।

• খা তমিলনাদু, পুদুচেরী, মাহে অমসুং করাইকল লোইননা অৱাং কেরলাদা দিসেম্বর ২ অমসুং ৩ লোইননা দিসেম্বর ৪দা মফম খরদসু অকনবদগীনা য়াম্না কন্না নোং চুবগী ওইথোকপা লৈ।

• আন্ধ্র প্রদেশকী খা থংবা সমুদ্র মপানগী মফম খরদা দিসেম্বর ২ অমসুং ৩ লোইননা লক্ষদ্বীপতা দিসেম্বর ৩ অমসুং ৪দা নোং কন্না চুবগী চিংনবা লৈ।

(ii) নুংশিৎকী য়েকশিন-ৱা

• খা-নোংচুপ বে ওফ বেঙ্গলগী মথক্তা লোইননা মসিগী নাক-য়েত্তা অমসুং শ্রী লঙ্কাগী সমুদ্র মপানগী মনাক্তা নুংশিৎ পুংদা কিলোমীতর ৭০-৮০দগীনা কিলোমীতর ৯০গী খোংজেলদা কন্না শিৎলবা য়াই। মসিগী মতুংদা নুংথিলদগীনা পুং ১২ ফাওবা খোংজেল অসিদা হেনগৎলক্তুনা পুংদা কিলোমীতর ৮০-৯০দগীনা কিলোমীতর ১০০ ফাওবা ওইরবা য়াই। মসিগী মতুংদা মসিগী খোংজেল অসি তপ্না তপ্না হন্থরক্কনি।
• দিসেম্বর ৩গী অয়ুক্তগী মথংগী পুং ৪৮গী মতমদা লক্ষদ্বীপ-মালদীবকী লমদমদা অমসুং মনাক নকপা খা-নোংপোক অরাবিয়ন সীদা খোংজেল য়াংবা নুংশিৎকী খোংজেল পুংদা কিলোমীতর ৪৫-৫৫দগী কিলোমীতর ৬৫ ফাওবা শিৎপগী ওইথোকপা য়াই।

(iii) সমুদ্রগী ফিভম

• খা নোংচুপ বে ওফ বেঙ্গল অমসুং নোংপোক শ্রী লঙ্কাগী সমুদ্র খোংবান লোইননা মসিগী মনাক নকপা সমুদ্রগী ফিভম য়াম্না কনবদগীনা অৱাংবা ফিভম ফাওবা য়ৌরকপগী ওইথোকপা লৈ অমসুং মসিগুম্বা ফিভম অসি দিসেম্বর ৩গী নুমিদাংদগী হৌরগা অয়ুক ফাওবা চৎথখিগনি লোইননা মসিগী মতুংদা মসি তপ্না তপ্না ফগৎলক্কনি।
• দিসেম্বর ২দা কোমোরিনগী লমদম, মন্নারগী গল্ফকী অকোইবদা অমসুং খা তমিলনাদু-কেরলা অমসুং নোংচুপ শ্রী লঙ্কাগী সমুদ্র মপানগী অকোইবদা সমুদ্রগী ফিভম অকনবদগীনা হেন্না কনবা ফিভম ওইগনি অমসুং দিসেম্বর ৩ অমসুং ৪দা য়াম্না কনবদগীনা খ্বাইদগী ৱাংবা ফিভম ফাওবা য়ৌবগী ওইথোকপা য়াই।
• লক্ষদ্বীপ-মাল্দীবকী লমদমদা অমসুং মনাক নকপা খা-নোংপোক অরাবিয়ন সীদা দিসেম্বর ৩দগী ৫ ফাওবা সমুদ্রগী ফিভম অকনবদগীনা য়াম্না কনবা ওইগনি।

 (iv) ঙা ফাবশিংগী চেকশিন-ৱা

• মখাগী লমদমশিং অসিদা দিসেম্বর ২দগী ৫ ফাওবগী মনুংদা ঙা ফাবগা মরী লৈনবা থবক-থৌরম পুম্নমক লেপ্নবা খঙহনখ্রে।
• ঙা ফাবশিংদা মখোয় দিসেম্বর ২দগী ৩ ফাওবা খা-নোংচুপ বে ওফ বেঙ্গলগা লোইননা নোংপোক শ্রী লঙ্কা মপান, দিসেম্বর ২দগী ৪ ফাওবা কোমোরিনগী লমদম, মন্নারগী গল্ফ অমসুং তমিলনাদু-কেরলা অমসুং শ্রী লঙ্কা মপান অমসুং দিসেম্বর ৩দগী ৫ ফাওবা লক্ষদ্বীপ-মাল্দীবকী লমদম অমসুং খা-নোংপোক অরাবিয়ন সীদা চৎতনবা খঙহনখ্রে।

মসিগী সিস্তেম অসি লেপ্তনা য়োংশিল্লি অমসুং মরী লৈনবা রাজ্য সরকারশিংদা চাং নাইনা খঙহল্লি।

Kindly visit www.rsmcnewdelhi.imd.gov.in and www.mausam.imd.gov.in for updates on the system

সিস্তেমগী অনৌবা পাউ খঙবীনবা www.rsmcnewdelhi.imd.gov.in অমসুং www.mausam.imd.gov.inদা চংবীয়ু

খা-নোংচুপ বে ওফ বেঙ্গলগী সাইক্লোনিক স্তোর্ম ৮.৪^০E/৮৩.৪^০Nদা

*****