পোস্তস বিভাগনা লৈবাক শিনবা থুংনা ভক্তাশিংদা মখোয়গী য়ুমদা সব্রিমালা ‘স্বামীপ্রসাদম” য়ৌহন্নবা ৱারেপ লৌখ্রে। লৈবাক অসিদা লৈরিবা ভক্তাশিং অসিগীদমক্তা পোস্তেল বিভাগকী অচৌবা নেৎৱর্ক অসি শীজিন্নদুনা অমসুং লৈবাক অসিগী কাচিন কোয়া খুদিংমক কোনশিন্দুনা ভক্তাশিংগী য়ুমদা সব্রিমলা লাইশঙগী “স্বামি প্রসাদম”গী দেলিবরী পেকেজ য়ৌহন্নবা পোস্তস বিভাগনা পুম্নমক্না বুকিং তৌবা য়ানবা ৱাখল পুথোক্তুনা দিবেলপ তৌখি।

কেরেলা পোস্তেল সির্কলনা ত্রানভানকোর দেবস্বোম বোর্দকা লোইননা হিরম অসিদা ফী তুবনা শাবা প্রদক্ত অমা শেমদুনা এগ্রীমেন্ত অমা তৌনখি। ভক্তাশিংনা হৌজিক্তি ভারত্তা লৈবা পোস্ত ওফিস অমা হেক্তদগী প্রসাদম পেক্কেৎ অমগী লুপা ৪৫০/- (চামরি য়াঙ্খৈ) থিদুনা বুক তৌবা য়াগনি। পেক্কেৎ অসিদা অরাবনা, আদিয়াসিস্তম নে (ঘী), বিভুতি, কুমকুম, য়াইঙং অমসুং আর্চনা প্রসাদম য়াওগনি। লাই নীংজরিবাশিংনা অমুক্তা পেক্কেৎ তরা বুক তৌবা য়াগনি। প্রসাদম অসি স্পীদ পোস্ততা বুক হেক তৌবগা স্পীদ পোস্তকী নম্বর য়াওবা মেসেস অমা জেনরেৎ তৌগনি অমসুং এস.এম.এস.কী থোংদা ভক্তা অদুদা থারক্কনি। ভক্তা অদুনা প্রসাদম অদু ইন্দিয়া পোস্ত ৱেবসাইৎতা চংদুনা কদাই য়ৌরে হায়বা য়েংবা য়াগনি

ভারত পুম্বদা সর্ভিস অসি লোঞ্চ তৌদুনা নবেম্বর ৬, ২০২০দগী চৎনবা হৌখি। সর্ভিস অসি মীয়াম্না য়াম্না পাম্নখি। ঙসি ফাওবদা ভারত শিনবা থুংবদগী চাউরাক্না ওর্দর ৯০০০ বুক তৌখি অমসুং হায়রিবা অসি নোংমা –নোংমগী হেনগৎলক্লি।

নবেম্বর ১৬, ২০২০দগী হৌদুনা চহি অসিগী “মন্দলম থাগী লাই নিংবগী খোংচৎ” অসিগা ইরোইননা সব্রিমালা লাইশঙ অসি ভক্তাশিংগীদমক্তা হাংখি। হৌজিক ওইরিবা কোবিদ-১৯গী ফীভম অসিনা মরম ওইরগা লাই নীংবশিংনা খুভম অসি লাকপদা প্রোতোকোলশিং চেকশিন্না ঙাক্না চৎপা তাখি। হন্দক্কী ওইনা খুভম অসিদা নোংমদা চংবা য়াবা ভক্তাগী মশিং অসি খরা খক্তমক ওইখি। হন্দক্কী ওইনা লাই নীংবগী খোংচ* অসিদা অথিংবশিং থমখীবনা মরম ওইরগা ভক্তা মশিং কয়ানা কোবিদকী প্রোতোকলশিং ঙাক্তবনা মপু অয়াপ্পা খুরুমজবা ফংখিদে।  

****