ਡਾਕ ਵਿਭਾਗ ਨੇ ਦੇਸ਼ ਭਰ ਦੇ ਸ਼ਰਧਾਲੂਆਂ ਨੂੰ ਉਨ੍ਹਾਂ ਦੇ ਦਰਵਾਜ਼ੇ ‘ਤੇ ਸਬਰੀਮਾਲਾ‘ ਸਵਾਮੀ ਪ੍ਰਸਾਦਮ ’ਪਹੁੰਚਾਉਣ ਦਾ ਫੈਸਲਾ ਕੀਤਾ ਹੈ। ਦੇਸ਼ ਭਰ ਦੇ ਸ਼ਰਧਾਲੂਆਂ ਨੂੰ ਵੇਖਦੇ ਹੋਏ ਡਾਕ ਵਿਭਾਗ ਨੇ ਸਬਰੀਮਾਲਾ ਮੰਦਰ ਦੀ “ਸਵਾਮੀ ਪ੍ਰਸਾਦਮ” ਦੀ ਸਪੁਰਦਗੀ ਲਈ ਇਕ ਵਿਆਪਕ ਬੁਕਿੰਗ ਅਤੇ ਸਪੁਰਦਗੀ ਪੈਕੇਜ ਦਾ ਸੰਕਲਪ ਲਿਆ ਅਤੇ ਡਾਕ ਵਿਭਾਗ ਦੇ ਵਿਸ਼ਾਲ ਨੈਟਵਰਕ ਦੀ ਵਰਤੋਂ ਕਰਦਿਆਂ ਦੇਸ਼ ਦੇ ਹਰ ਹਿੱਸੇ ਵਿੱਚ ਸ਼ਰਧਾਲੂਆਂ ਦੇ ਦਰਵਾਜ਼ੇ ਤਕ ਸਬਰੀਮਾਲਾ ਮੰਦਿਰ ਦਾ 'ਸਵਾਮੀ ਪ੍ਰਸਾਦਮ'  ਪਹੁੰਚਾਉਣ ਦਾ ਫੈਸਲਾ ਲਿਆ। ਕੇਰਲ ਡਾਕ ਸਰਕਲ ਨੇ ਇਸ ਮਕਸਦ ਨਾਲ ਟ੍ਰਾਵਨਕੋਰ ਦੇਵਾਸੋਮ ਬੋਰਡ ਨਾਲ ਇਕ ਸਮਝੌਤਾ ਕੀਤਾ ਅਤੇ ਦਿਲੀਵਰੀ ਲਈ ਉਤਪਾਦ ਤਿਆਰ ਕੀਤਾ।  ਸ਼ਰਧਾਲੂ ਹੁਣ ਸਵਾਮੀ ਪ੍ਰਸਾਦਮ ਦਾ ਹਰੇਕ ਪੈਕੇਟ ਭਾਰਤ ਦੇ ਕਿਸੇ ਵੀ ਡਾਕਘਰ ਤੋਂ ਸਿਰਫ 450/-(ਚਾਰ ਸੌ ਪੰਜਾਹ) ਰੁਪਏ ਦੇ ਕੇ ਬੁੱਕ ਕਰਵਾ ਸਕਦੇ ਹਨ। ਪੈਕੇਟ ਵਿਚ ਅਰਾਵਣਾ, ਆਦੀਆਸਿਸ਼ਟਮ ਨੀ (ਘੀ), ਵਿਭੂਤੀ, ਕੁਮਕੁਮ, ਹਲਦੀ ਅਤੇ ਅਰਚਨਾ ਪ੍ਰਸਾਦਮ ਸ਼ਾਮਲ ਹੈ।  ਇੱਕ ਸ਼ਰਧਾਲੂ ਇੱਕ ਸਮੇਂ ਵਿੱਚ 10 ਪੈਕੇਟ ਬੁੱਕ ਕਰ ਸਕਦਾ ਹੈ। ਜਿਵੇਂ ਹੀ ਪ੍ਰਸਾਦਮ ਨੂੰ ਸਪੀਡ ਪੋਸਟ ਦੇ ਤਹਿਤ ਬੁੱਕ ਕੀਤਾ ਜਾਂਦਾ ਹੈ, ਸਪੀਡ ਪੋਸਟ ਨੰਬਰ ਵਾਲਾ ਇੱਕ ਸੰਦੇਸ਼ ਤਿਆਰ ਕੀਤਾ ਜਾਵੇਗਾ ਅਤੇ ਸ਼ਰਧਾਲੂ ਨੂੰ ਐਸਐਮਐਸ ਰਾਹੀਂ ਸੂਚਿਤ ਕੀਤਾ ਜਾਵੇਗਾ।  ਸ਼ਰਧਾਲੂ ਇੰਡੀਆ ਪੋਸਟ ਦੀ ਵੈਬਸਾਈਟ ਤੇ ਲੌਗਇਨ ਕਰਕੇ ਪ੍ਰਸਾਦਮ ਦੀ ਮੂਵਮੇੰਟ ਨੂੰ ਟਰੈਕ ਕਰ ਸਕਦੇ ਹਨ।  

 ਇਹ ਸੇਵਾ 6 ਨਵੰਬਰ 2020 ਤੋਂ ਪੂਰੇ ਭਾਰਤ ਵਿੱਚ ਆਰੰਭ ਕੀਤੀ ਗਈ ਸੀ। ਇਸ ਸੇਵਾ ਪ੍ਰਤੀ ਲੋਕਾਂ ਵੱਲੋਂ ਜ਼ਬਰਦਸਤ ਹੁੰਗਾਰਾ ਮਿਲਿਆ ਹੈ। ਅੱਜ ਤਕ ਸਾਰੇ ਭਾਰਤ ਵਿਚ ਲਗਭਗ 9000 ਆਰਡਰ ਬੁੱਕ ਹੋ ਚੁੱਕੇ ਹਨ ਅਤੇ ਇਹੋ ਦਿਨੋਂ ਦਿਨ ਵਧਦਾ ਜਾ ਰਿਹਾ ਹੈ। 

ਸਬਰੀਮਾਲਾ ਮੰਦਰ ਸ਼ਰਧਾਲੂਆਂ ਲਈ ਇਸ ਸਾਲ 16 ਨਵੰਬਰ, 2020 ਤੋਂ "ਮੰਡਲਮ ਮੌਸਮ ਤੀਰਥ ਯਾਤਰਾ" ਲਈ ਖੋਲਿਆ ਗਿਆ ਸੀ। ਕੋਵਿਡ -19 ਮਹਾਮਾਰੀ ਦੀ ਚੱਲ ਰਹੀ ਸਥਿਤੀ ਦੇ ਕਾਰਨ ਸ਼ਰਧਾਲੂਆਂ ਨੂੰ ਅਸਥਾਨ ਦੇ ਦਰਸ਼ਨ ਕਰਨ ਲਈ ਸਖਤ ਪ੍ਰੋਟੋਕੋਲ ਦੀ ਪਾਲਣਾ ਕਰਨੀ ਜਰੂਰੀ ਹੈ। ਇਸ ਸੀਜ਼ਨ ਵਿਚ ਹਰ ਰੋਜ਼ ਸਿਰਫ ਬਹੁਤ ਹੀ ਸੀਮਤ ਸ਼ਰਧਾਲੂਆਂ ਨੂੰ ਦਰਸ਼ਨ ਕਰਨ ਦੀ ਇਜਾਜ਼ਤ ਸੀ। ਇਸ ਮੌਸਮ ਵਿਚ ਤੀਰਥ ਯਾਤਰਾ 'ਤੇ ਲਗਾਈਆਂ ਗਈਆਂ ਸਖਤ ਪਾਬੰਦੀਆਂ ਤੇ ਅਮਲ ਨਾ ਕਰਨ ਕਾਰਨ ਵੱਡੀ ਗਿਣਤੀ ਵਿੱਚ ਸ਼ਰਧਾਲੂ ਭਗਵਾਨ ਅਯੱਪਾ ਦੇ ਦਰਸ਼ਨ ਕਰਨ ਦੇ ਯੋਗ ਨਹੀਂ ਹੋ ਸਕੇ ਸਨ। 

------------------------------------- 

ਆਰਸੀਜੇ / ਐਮ