২০২০গী নবেম্বর থাদা ইন্দিয়ন রেলৱেজকী তানখিবা শেল অমদি লোদিং তৌখিবগী ওইনা ফ্রাইৎকী মশিং অসি মখা তাবা মশিং ৱাংলি।

মিসন মোদতা ইন্দিয়ন রেলৱেজকী নবেম্বর ২০২০গী থা অসিদা লোদিং তৌখিবা ফ্রাইৎনা হৌখিবা চহিগী চপ মান্নবা মতম অসিদা লোদিং তৌখিবা অমসুং তানখিবা শেলশিং অদুদগী হেনখ্রে।

২০২০গী নবেম্বর থাদা ইন্দিয়ন রেলৱেজকী লোদিং অসি মিলিয়ন তোন ১০৯.৬৮ ওইখি মসি হৌখিবা চহিগী চপ মান্নবা মতমগা (মিলিয়ন তোন ১০০.৯৬) চাংদম্নবদা ৯% হেন্না হেনখি। মতম অসিআ ইন্দিয়ন রেলৱেজনা ফ্রাইৎ লোদিংদগী লুপা করোর ১০৬৫৭.৬৬ তানখি মসিসু হৌখিবা চহিগী চপ মান্নবা মতমগা (লুপা করোর ১০২০৭.৮৭)) চাংদম্নবদা লুপা করোর ৪৪৯.৭৯ (৪%) হেন্না হেনখি।

২০২০গী নবেম্বর থাদা ইন্দিয়ন রেলৱেজকী লোদিং অসি মিলিয়ন তোন ১০৯.৬৮ ওইখি মসিদা কোইলা মিলিয়ন তোন ৪৮.৪৮, আইরন ওর মিলিয়ন তোন ১৩.৭৭, চেং-হৱায় মিলিয়ন তোন ৫.১, হার মিলিয়ন তোন ৫.৪১ অমসুং সিমেন্ত (ক্লিঙ্কর য়াওদনা) মিলিয়ন তোন ৬.৬৩ য়াওখি।

মতম অসিগী মনুংদা নবেম্বর ২০২০দা নোংমদা লোদ তৌবা ৱেগোনগী চাংচ* অসি ৫৮,৭২৬নি মসি ওক্তোবর, ২০২০দগী (ৱেগোন ৫৬,১২৮) ৪.৬% হেনখি।

হরাও কুমহৈগী ছুতি লৈরবসু অমদি সাইক্লোন নিভারনা ফ্রাইৎ লোদিংদা অপনবা থোকহল্লবসু, ইন্দিয়ন রেলৱেজসনা হৌখিবা থা অহুম (ওক্তোবরদা ১৫%, সেপ্তেম্বরদা ১৫%) অসিদা মখা তানা মশিং ৱাংনা রেজিস্তর তৌদুনা তপ্না-তপ্না শেন্মীৎলোন ফগৎলক্লি হায়বা তাক্লি।

নীংশিংবা য়াবদি ইন্দিয়ন রেলৱেজনা রেলৱেজ ফ্রাইৎ পুথোক পুশিন তৌবা অসি হেন্না হেনগৎনবা মশিং কয়াগী কন্সেসনশিং/দিসকাউন্তশিং পীখি।

অনৌবা জিরো বেজ তাইম তেবল অসিদা ফ্রাইৎকী পুথোক-পুশিন্দা অহেনবা কয়া চৎনরগনি অমসুং হাপচিল্লগনি।

কোবিদ ১৯ অসি ইন্দিয়ন রেলৱেজসনা হিরম পুম্বদা ফগৎহন্নবা খুদোংচাবা অমা ওইনা শীজিন্নখি।

*****