কেমিকেল্স অমসুং ফর্তিলাইজর মন্ত্রালয়

অচৌবা দ্রগ অমসুং মেদিকেল দিভাইসশিংগা মরী লৈনবা তাং ৩০-১১-২০২০দা থিংজিনখ্রবা পি.এল.আই. স্কিমশিংগীদমক্তা ফার্মাস্যুতিকেল অমসুং মেদিকেল দিভাইস ইন্দস্ত্রীদগী য়াম্না কান্নরবা পাউখুম ফংলে,
পি.এল.আই. স্কিমশিংগী মখাদা অচৌবা দ্রগ শাবশিংদগী এপ্লিকেসন ২১৫ ফংখি অমসুং মেদিকেল দিভাইস শাবশিংদগী এপ্লিকেসন ২৮ ফংখি

Posted On: 01 DEC 2020 3:50PM by PIB Imphal

অচৌবা দ্রগকীদমক্তা প্রদক্সন লিঙ্ক ইন্সেন্তিব (পি.আই.এল.) স্কিম অমসুং মেদিকেল দিভাইসশিংগীদমক্তা পি.এল.আই. স্কিমবু ফার্মাস্যুতিকেল অমসুং লোইননা মেদিকেল দিভাইস ইন্দস্ত্রীদগী য়াম্না ফবা পাউখুম ফংলে। ইন্দস্ত্রীনা স্কিমশিং অসিগীদমক্তা য়াম্না পবা পাউখুম পীরি, মসিদা অচৌবা দ্রগশিংগীদমক্তা পি.এল.আই. য়োজনাগী মখাদা ফার্মাস্যুতিকেল মেন্যুফেকচরর ৮৩দগী এপ্লিকেসন ২১৫ ফংখি। মতৌ অসুম্না মেদিকেল দিভাইসশিংগীদমক্তা পি.এল.আই. স্কিমগী মখাদা মেদিকেল দিভাইস মেন্যুফেকচরর ২৩দগী এপ্লিকেসন ২৮ লাকখি। এপ্লিকেসন পীশিনবগী অরোইবা তাং নবেম্বর ৩০, ২০২০দা ওইখি। আই.এফ.সি.আই. লিমিতেদ অসি স্কিম অনিমক্কী থবক হৌনবা প্রোজেক্ত মেনেজমেন্ত এজেন্সী (পি.এম.এ.)নি।

এপ্লিকেসনশিং য়েংশিনবগী থবক ঙসিদগী হৌগনি অমসুং অচৌবা গ্রক্কীদমক্তা পি.এল.আই. স্কিমগী মখাদা য়াম্লবদা এপ্লিকেসন অমসুং মেদিকেল দিভাইসশিংগীদমক্তা পি.এল.আই. স্কিমগী মখাদা য়াম্লবদা এপ্লিকেসন ২৮দা অয়াবা পীগনি। এপ্লিকান্তশিংদা অয়াবা পীবগী মতম অসি পি.এল.আই. স্কিমগী মখাদা নুমিৎ ৯০নি অমসুং মেদিকেল দিভাইসশিংগীদমক্তা পি.এল.আই. স্কিমগী মখাদা নুমিৎ ৬০নিনি। অদুমওইনমক পি.এম.এ. অমসুং ফার্মাস্যুতিকেল দিপার্তমেন্তনা স্কিম অসিগী মখাদা শরুক য়ারিবশিংদা অথুবা মতমদা অয়াবা পীনবগীদমক মসিগী মায়কৈদগী হোৎনগনি।

দ্রগ সেক্যুরিতীগী হেনগৎলক্লিবা তঙাইফদবশিং অসিগী য়েংদুনা, অচৌবা দ্রগতা দোমেস্তিক প্রদক্সন কেপাবিলিতী অসিগুম্বা মখলগী মতেংদগী, মপান্দগী পীরকপা শাফু খাংবদা ইন্দিয়ন ফার্মাস্যুতিকেল ইন্দস্ত্রীননা হেন্না পাঙ্গল ওইনরগনি। মেদিকেল দিভাইসশিংগীদমক্তা পি.আই.এল. স্কিম, প্রদক্ত দাইভর্সিফিকেসন অমসুং ভারত্তা অনৌবা অমসুং য়াম্না মথৌ তাবা মেদিকেল দিভাইসশিংগী প্রদক্সনগী পান্দম অদু মপুং ফাহনবদা মতেং ওইরগনি। খোংথাংশিং অসিদা লৈবাক অসিদা অমসুং মালেমগী থাক্তা অহোংবা হকশেলগী থৌরাংগী অচৌবা পান্দম অদু মপুং ফাহনবদা মরুওইবা থৌদাং য়াবগী পাঙ্গল লৈ।

সরকারনা অচৌবা দ্রগ অমসুং মেদিকেল দিভাইসশিংগা মরী লৈনবা পি.এল.আই. স্কিমশিং অসি মার্চ ২০, ২০২০দা অয়াবা পীখিবনি। স্কিম অনিমক্কী থবক হৌনবগীদমক অহানবগী গাইদলাইনশিং হান্ননা জুলাই ২৭, ২০২০দা থাদোকখি, ইন্দস্ত্রীদগী ফংবা পাউখুমগী মতুংদগী মদুদা খরা শেমদোকখি। মদুগী মতুংদা অনৌবা গাইদলাইনশিং ওক্তোবর ২৯, ২০২০দা থাদোকখি। স্কিম অনিমক অসিদা ফার্মাস্যুতিকেল অমসুং মেদিকেল দিভাইস ইন্দস্ত্রীদগী য়াম্না পুক্নীং থৌগৎনীংঙাই ওইরবা পাউখুম ফংখি।

*****



(Release ID: 1677472) Visitor Counter : 2