প্রধানমন্ত্রীগী লোইশঙ

পি.এম.না কোবিদ-১৯ বেক্সিন পুথোক্নবা অমসুং শানবা থবক তৌরিবা তীম অহুমগা ৱারী শাখ্রে

Posted On: 30 NOV 2020 1:06PM by PIB Imphal

প্রধান মন্ত্রীনা নিংথৌকাবা নুমিৎতা কোবিদ-১৯ বেক্সিন পুথোক্নবা অমসুং শানবা থবক তৌরিবা তীম অহুমগা লোইননা ভর্চ্যুএলগী মীফম পাঙথোকখ্রে। তীমশিং অদু জেন্নোবা বাইফার্মাকোতিকেল্স লিমিতেদ পুনে, বাইওলোজিকেল ই লিমিতেদ হাইদ্রবাদ অমসুং দা. রেদীস লেবোরেতোরীস লিমিতেদ হাইদ্রবাদতগী ওইখি।

http://static.pib.gov.in/WriteReadData/userfiles/image/Untitled-1S2TG.jpg

কোবিদ-১৯ লাকশিন্নবা বেক্সিনগী সোলুসন অমা অমা পুথোক্নবা কম্পনীশিং অসিগী সাইন্তিস্তশিংনা লৌখৎলিবা খোঙথাংশিং অসিগীদমক পি.এম.না থাগৎপা ফোঙদোকখি। বেক্সিন পুথোকপগী তোঙান তোঙানবা প্লেৎফোর্মশিংনা তৌবা ঙম্বা অদুসু খন্নখি।

পি.এম.না কম্পনীশিং অদুদা রিগুলেতরী প্রোসেসশিং অমসুং মরী লৈনবা হিরমশিংগী মতাংদা মখোয়গী সজেসনশিং অমসুং ৱাখল্লোনশিং ফোঙদোরক্নবসু হায়খি। মখোয়না বেক্সিনগী অমদি ইফিকাসী অসিনচিংবা মরী লৈনবা হিরমশিংগী মাংদা অরায়বা লোলদা মীচম প্রজাদা খঙহন্নবা অহেনবা খোঙথাংশিং লৌখৎনবসু মহাক্না ৱাখল্লোন ফোঙদোকখি। বেক্সিন ফংহনবগা মরী লৈনবা লোজিস্তিক্স, ত্রান্সপোর্ত, কোল্দ চেন অসিনচিংবা হিরমশিংবু খন্নখি।

খন্নখিবা বেক্সিন কন্দিদেৎ পুম্নমক ত্রাইএলগী তোঙান তোঙানবা স্তেজশিংদা লৈরি অমসুং অকুপ্পা মরোল য়াওবা দেতে অমসুং রিজল্তশিং মথং চহিগী অঙনবা শরুক্তা ফংলবা য়াই।

লৈবাক অসিগী অমদি মালেম পুম্বগী তঙাই ফদবা অসি ফংহন্নবা কম্পনীশিংনা হোৎনরিবশিং অসি মহৈ য়ান্নবা মরী লৈনবা দিপার্তমেন্তশিংনা মেন্যুফেকচররশিংগা লোইননা থবক তৌমিন্নবা অমসুং অৱাবা অসি কোকহন্নবা পি.এম.না য়াথং পীখি।

***



(Release ID: 1677134) Visitor Counter : 255