দিফেন্স রিসর্চ এন্দ দিবেলপমেন্ত ওর্গনাইজেসন (দি.আর.দি.ও.)না দিল্লী এন.সি.আর.দা কেস মশিং হেনগৎলকপা অসি য়েংলগা কেন্দ্র সরকারগী য়াথং মতুং ইন্না দিল্লী কেন্তনমেন্তদা লৈবা সদর বল্লভভাই পতেল কোবিদ হোস্পিতালদা আই.সি.য়ু.গী বেদ মশিং ৫০০তা হেনগৎহনখ্রে। বেদ পুম্নমক ওক্সিজেন সপ্পোর্ত য়াওরি। দিরেক্তর জেনরেল আর্ম ফোর্সেস মেদিকেল সর্ভিসেস (দি.জি.এ.এফ.এম.এস.), লেফতিনেন্ত জেনরেল অনুপ বনর্জি এস.এম., পি.ঐচ.এস.না হৌজিক মশিং ৱাংখৎলক্লিবা অসি থেংনবা ঙম্নবা ফেসিলিতী অসিগী অপদেৎ তৌরক্লিবা অদু লেপ্তনা য়েংশিনখি অমসুং ই-পাউ অদু দিল্লী সরকারগী পোর্তেলদা অপদেৎ তৌখি।

সদর বল্লভভাই পতেল কোবিদ হোস্পিতাল অসি দি.আর.দি.ও.গী বেদ ১০০০ থাবা ফেসিলিতীনি, মসিদা দিল্লী অমদি অতোপ্পা রাজ্যশিংদগী লাকপা কোবিদ-১৯ পোজিতিব ওইবা অনাবশিং শোইদনা লায়েনবা জুলাই ৫, ২০২০দগী মথৌ তৌবা হৌহনখি। আই.সি.য়ু. বেদকী মশিং হেনগৎপা অসিনা আই.সি.য়ু. মোনিতরশিং, ঐচ.এফ.এন.সি. মেছিনশিং অসিগুম্বা অহেনবা ইক্বিপমেন্ত অমসুং হৌজিক লৈরিবা ওক্সিজেন পাইপলাইন অসি অপ-গ্রেদ তৌবা মথৌ তাখি। অমুক্তা ওইখিদ্রিবা মওংদা কেসশিংগী মশিং ৱাংখৎকপা লাকশিন্নবা এ.এফ.এম.এস.না মেদিকশিং হেনগৎহনখ্রে। আই.তি.বি.পি., সি.এ.পি.এফ. অমসুং অতোপ্পা সর্ভিসশিংদগী দোক্তর অমসুং নর্সিং স্তাফশিং য়াওশিনখ্রে অমসুং অয়ুক নুংথিল খাক্তনা মথৌ তৌরি।

হোস্পিতাল অসিদা হৌজিক ফাওবদা এদমিসন ৩২৭১ লাকখি মদুগী মনুংদা অনাবা ২৭৯৬ লায়েংদুনা নাবা ফগৎখ্রে/দিসচার্জ তৌখ্রে। হৌজিক্কী ওইনা অনাবা ৪৩৪ হোস্পিতাল অসিদা লায়েং চত্থরি, মসিগী মনুংদা মীওই ৩৫৬না মীচম প্রজানি অমদি ৭৮না সর্ভিস পর্সনেলনি।

হোস্পিতাল অসিদা দিল্লী শিনবা থুংবদগী অমসুং হরিয়ানা, উত্তর প্রদেশ, হিমাচল প্রদেশ, পঞ্জাব অমসুং মধ্য প্রদেশগুম্বা য়ুমথংনবা রাজ্যশিংদগী অনবাশিং এদমিৎ তৌখি। দিরেক্তর জেনরেল আর্ম ফোর্সেস মেদিকেল সর্ভিসেস (দি.জি.এ.এফ.এম.এস.)না কোবিদ-১৯গী অনাবা কিয়র তৌনবা খ্বাইদগী অনৌবা মখলগী অনা লায়েংগীদমক দোক্তরশিং, নর্সিং ওফিসরশিং, পেরামেদিক্স অমসুং মরী লৈনবা মেনপাৱর পীখি। হাউসকীপিং সর্ভিসশিং, লোন্দ্রী, সি.এস.এস.দি., ফুদ এন্দ বেবরেজশিং অমসুং ফায়র সর্ভিসেস অসিগুম্বা সপ্পোর্ত সর্ভিসেস অমসুং তেক্নিকেল সর্ভিসেস অসি দি.সি.দবল্যু এন্দ ই অমসুং সি.সি.আর. এন্দ দি. সেন্ত্রেল, দি.আর.দি.ও.না পান্নখি। দি.আর.দি.ও. ৱার্ক্স দিপার্তমেন্ত (সিবিল ৱার্ক্স এন্দ ইস্তেৎ)কী চীফ ইঞ্জিনীয়র ওইরিবা শ্রী অজাই সিংহনা হায়খি মসি কোবিদ-১৯গী অনাবগী আই.সি.য়ু.শিংগী মশিংদা য়েংবদা দিল্লীগী খ্বাইদগী চাউবা ফেসিলিতী ওইরি অমসুং ইনফ্রাস্ত্রকচর অসি অহেনবা আই.সি.য়ু. বেদশিং মথৌ তারকপদা হাপচিনবা য়ানবা মওংদা শেমখি।

দি.আর.দি.ও.না লান চংলমদাইগুম্না খোঙজেল য়াংনা দিজাইন তৌখি, শেমগৎখি অমসুং চল্লাইনবা হোৎনখি অমসুং গৃহ মন্ত্রালয় (এম.ঐচ.এ.), হকশেল অমসুং য়াইফ য়ুম্বাল মন্ত্রালয় (এম.ও.ঐদ.এফ.দবল্যু.), আর্ম ফোর্সেস, তাতা সন্স অমসুং অতোপ্পা ইন্দস্ত্রীশিংগা লোইননা পুন্না নুমিৎ ১২গী অতেনবা মতমগী মনুংদা শাখি। হোস্পিতাল অসিদা হৌজিক লৈরিবা ফেসিলিতীশিংদা বেদ খুদিংমক্তা ওক্সিজেন সপ্লাই পীবা, এক্স-রে, ইলেক্ত্রোকার্দিওগ্রাম (ই.সি.জি.), হেমাতোলোজিকেল তেস্ত ফেসিলিতীশিং, বেন্তিলেতরশিং, কোবিদ তেস্ত লেব, হ্বীল চিয়রশিং, স্ত্রেচরশিং অমসুং অতোপ্পা অনা লায়েংগী খুৎশু-খুৎলাই য়াওরি। বেন্তিলেতরশিং, দিকন্তামিনেসন তর্নেলশিং, পর্সনেল প্রোতেক্তিব ইক্বিপমেন্ত (পি.পি.ই.শিং), এন৯৫ মাস্কশিং, কন্তেক্ত-ফ্রী সেনিতাইজর দিস্পেন্সরশিং, সেনিতাইজেসন চেম্বরশিং অমসুং মেদিকেল রোবোৎশিং, ত্রোলীশিং অসিনচিংবা ইন্দস্ত্রীনা প্রদক্তসনাইজ তৌবা দি.আর.দি.ও.না দিবেলপ তৌখিবা কোবিদ-১৯ তেক্নোলোজীশিং অসি ফেসিলিতী অসিদা শীজিন্নখি।

হোস্পিতাল অসিদা দাইগ্নোস্তিকশিং, হিদাক-লাংথকশিং অমসুং চান্নবা চীঞ্জাকশিং য়াওনা অনাবশিং লেম্না লায়েংখি। হোস্পিতাল অসিদা লায়েংখিবা অনাবশিংনা হোস্পিতাল অসিনা পীরিবা কিয়র অমসুং লুনানবা ফেসিলিতীশিং অসিদা অপেনবা অমদি থাগৎপা ফোঙদোকখি।

*****