ইনফোর্মেসন অমসুং ব্রোদকাস্তিং মন্ত্রালয়
সম্বীধান নুমিত্তা কেবরিয়াদা পাংথোকখিবা অখন্নবা মল্তি-মেদিয়া একজিবিসন পর্লিয়ামেন্তরিয়ানশিং অমসুং লেজিসলেচরশিংনা থাগৎখ্রে
Posted On:
27 NOV 2020 2:17PM by PIB Imphal
রাস্ত্রপতি শ্রী রাম নাথ কোবিন্দনা লুচিংদুনা লৈবাক শীনবা থুংনা প্রিয়েম্বল পাদুনা হরাও-তয়াম্না ভারতনা ৭১সুবা সম্বীধান নুমিৎ পাংথোকপগা লোয়ন্না সম্বীধান নুমিত্তা গুজরাতকী কেবরিয়াদা পাংথোকখিবা অখন্নবা মল্তি-মেদিয়া একজিবিসন অমা পর্লিয়ামেন্তরিয়ানশিং অমসুং লেজিসলেচরশিংনা থাগৎখ্রে।
য়ুমশকৈশা নুমিত্তা লোক সভাগী স্পিকর শ্রী ওম বিরলানা গুজরাতকী স্তেচু ওফ য়ুনিতিদা হৌদোকখিবা ৮০সুবা ওল ইন্দিয়া প্রেসাইদিং ওফিসারস কনফরেন্সকী শরুক অমা ওইনা একজিবিসন অসি ইনর্ফোমেসন অমসুং ব্রোদকাস্তিং মিনিস্ত্রিগী বিউরো ওফ আউদরিচ অমসুং পর্লিয়ামেন্তরি মিউজম অমসুং আর্কাইবসনা শীনবনি। বেদগী মতমদগী হৌরগা লিচ্চাভি রিপব্লিক্তগী অনৌবা ভারত শেমখিবগী লৈবাক অসিগী গনতন্ত্রগী খোঙচৎ একজিবিসন অসিদা উৎখি।
ইসক্বার ফিত ১,৬০০গী মল্তি-মেদিয়া একজিবসন অদুদা পেনেল ৫০গী য়াওনা প্লাজমা দিসপ্লে, ইন্তরএক্তিব দিজিতেল ফ্লিপ বুক, আর.এফ.আই.দি কার্দ রিদর, ইন্তরএক্তিপ স্ক্রিন, দিজিতেল তচ ৱাল অসিনচিংবা য়াওখি।
মল্তি-মেদিয়া শীজিন্নবা অসিদা থাগৎলদুনা স্পিকরনা হায়খি ইন্তরএক্তিপ একজিবিসনশিং অসিনা ই-পাউ খঙহনবদা য়াম্না নুংঙাইহল্লে। একজিবিসন অসিদা সম্বীধান শেম্লকখিবগী পুৱারিগী থৌদোকশিং ফজনা উৎলে অমসুং ঐখোয়গী গনতন্ত্রগী চৎনবী অসি মীয়ামদা খঙহন্নবা অসিগুম্বা একজিবিসন অসি লৈবাক্কী তোঙান-তোঙানবা মফমশিংদা পাংথোক্কদবনি।
আর্কাইভকী মচাকশিং শীজিন্নদুনা ভারতকী সম্বীধান শেমখিবগী অকুপ্পশিং উৎলে। সম্বীধান শেম্বগা মরী লৈনবা অতাঙবা ফিল্ম ফুতেচশিং, ফিল্মস দিবিজন ওফ ইন্দিয়া, মুম্বাইগী আর্কাইভতগী ফংবা কন্সতিতুয়েন্ত এশেমব্লিগী মরুওইবা মেম্বরশিং হায়বদি দোক্তর বি.আর অম্বেকার, দোক্তর রাজেন্দ্র প্রসাদ, পন্দিৎ জৱাহরলাল নেহরু, সাদার বল্লাভভাই পতেল, শ্যামাপ্রাসাদ মুখর্জিগী ৱারোলশিং উৎখি।
প্লাজমা দিসপ্লে অমদা, একজিবিসন য়েংবা মীওই অমনা ভারতকী তোঙান-তোঙানবা লোনশিংদা সম্বীধানগী প্রিয়েম্বল পাবা য়াগনি। দিজিতেল ফ্লিপ বুক অমদা সম্বীধানগী চাউরকপা শক্তম উৎখি। দিজিতেল তচ ৱাল অমদা ঐখোয়গী তোঙান-তোঙানবা নেসনেল সিম্বোলশিংগী মতাংদা উৎখি অমসুং অতোপ্পা দিজিতেল স্ক্রিন অমদা সম্বীধান শেমখিবগী পুৱারিগী থৌদোকশিং উৎখি। ভারতকী সম্বীধান শেম্বা মতমদা ইথিল পীখিবা মালেমগী অতোপ্পা সম্বীধানশিং অতোপ্পা দিসপ্লে অমদা উৎখি।
আর.এফ.আই.দি কার্দ রিদর অমদা কন্সতিতুয়েন্ত এশেমব্লিগী মেম্বরগী মমিং থাবা কার্দ হাপচিন্দুনা মেম্বর অদুগী মতাংদা অমসুং মহাক্না পাংথোক্লম্বা থবকশিং স্ক্রিনদা পাবা য়াগনি। কার্দ মখল অহুম হায়বদি- দ্রাফতিং কম্মিতিগী মেম্বরশিং, কন্সতিতুয়েন্ত এশেমব্লিগী নুপী মেম্বরশিং অমসুং গুজরাত্তগী কন্সতিতুয়েন্ত এশেমব্লিগী শক্নাইরবা মেম্বরশিং হান্সা মেহতা অমসুং কনহাইয়ালালগী মতাংদা ফজনা উৎখি।
গুজরাতকী রাজ্যপাল অহারয়া দেবরুতনা ভিজিতরশিংগী বুক্তা ইখি “মিৎয়েং শানবা লুচিংবা চা কয়ানা পাংথোক্লম্বা থবকশিং গেল্লেরিদা নিংথিনা উৎলে। হৌখিবা মতমগী আর্তিফেকশিং ফজনা উৎলে অমসুং মসি উৎনবা শীজিন্নবা য়াবা দিজিতেলগী থবকশিং শীজিন্নরে”। একজিবিসন অদু য়েংখিবা শক্নাইরবশিংগী মনুংদা পর্লিয়ামেন্তরি এফেয়ার্স, কোএল অমসুং মাইন্সকী য়ুনিয়ন মিনিস্তর শ্রী প্রালহাদ জোসি অমসুং পর্লিয়ামেন্তরি এফেয়ার্সগী রাজ্য মন্ত্রী শ্রী অর্জুন রাম মেঘৱাল অমসুং তোঙান-তোঙানবা স্তেৎ এশেমব্লিশিংগী স্পিকরশিং য়াওখি।
অতোপ্পা শিংথাবা য়াবা পেনেলশিংগী মনুংদা দ্রাফতিং কম্মিতিগী মেম্বরশিংগী সহিশিং, সরকার অমসুং সংসদকী মরুওইবা ফম্নাইবশিং, হৌখ্রবা অমসুং হৌজিক্কী স্পিকরশিংগী ফোতোশিং য়াওখি। একজিবিসন অসিগী অতোপ্পা শক্তম অমা ওইনা স্তেৎ এশেমব্লিশিংগী কাংলুপতা মীওই অমনা তোঙান-তোঙানবা স্তেৎ এশেমব্লিশিংগী বিল্দিংশিংগী ফজবা অমসুং খেন্নবা মখলশিং উবা ফংগনি।
কোবিদকা চুনবা চৎন-লোনচৎশিং ঙাকখি অমসুং মরুওইনা তচ স্ক্রিন দিসপ্লেশিংদা সেনিতেসনগী অকনবা চেকশিন-থৌরাং লৌখৎখি।
গনতন্ত্রগী লোয়শঙশিং মপাঙ্গল কনখৎহন্নবা অমসুং মীয়ামদা সম্বীধান অমসুং ভারতকী গনতন্ত্রগী চৎনবীশিং খঙহন্নবা ৱারেপ লৌদুনা কেবরিয়াদা পাংথোকখিবা নুমিৎ নিনিগী ভারত পুম্বগী প্রেসাইদিং ওফিসারশিংগী মীফম অদু লোইশিনখ্রে।
*****
(Release ID: 1676660)
Visitor Counter : 164