নবেম্বর ২৬তা পাংথোকখিবা ৫০শুবা মিশিন ওলেম্পিক সেলগী ৫০শুবা মীফমদা, তোঙান তোঙানবা মশান্না পেরা এথলেতিক্স মরি, পেরা শুতিং, পেরা বেমিন্তন অমসুং পেরা তেবল তেনিস্তা পেরা এথলেতিস ৮ তার্গেৎ ওলিম্পিক পোদিয়ম স্কিমদা য়াওহন্নবগী ৱারেপ লৌখ্রে।

পেরা এথলেতিক্সঃ নুপাগী এফ.-৫২ ইভেন্ততা দিস্কস লংবা, ৱর্ল্দ চেম্পয়নশিপ্তা তোকয়ো পেরালিম্পিক্তা ক্বালিফাই ওইখ্রবা বিনোদ কুমারবু তি.ও.পি.এস. স্কিমদা য়াওহনখ্রে। নুপাগী হাইজম্প তি.-৬৪দা পেরালিম্পিক্তা ক্বালিফাই ওইখ্রবা প্রবীন কুমারসু স্কিম অসিদা য়াওহনখ্রে লোইননা নুপাগী এফ.-৫২ দিস্কস থ্রো ইভেন্ততা শরুক য়াখিবা অজিৎ কুমার পঞ্চলসু য়াওহনখ্রে।

নুপাগী শোৎ পুৎ এফ.৫৭দা শরুক য়াখিবা বিরেন্দ্র ধনকর অমসুং নুপীগী ৪০০ মীতর এফ.৪৭ ইভেন্ততা শরুক য়াখিবী জয়েন্তী বেহরাসু স্কিম অসিদা য়াওহনখ্রে।

পেরা বেদমিন্তনঃ হৌজিক হৌজিক পেরালিম্পিক্কী ক্বালিফায়িংদা রেঙ্ক নং ৫ তারিবী নুপীগী দবল পিয়র পরুল পরমার অমসুং পলক কোহলী (এস.এল.৩-এস.য়ু.৫)সু তি.ও.পি.এস. স্কিমদা য়াওহল্লে।

পেরা শুতিং: নুপীশিংগী মীতর ১০ এয়র পিস্তোল এস.ঐচ.-১ কম্পিতিসন্দা শরুক য়ারিবী রুবীনা ফ্রান্সিসপু তি.ও.পি.এস. স্কিমদা য়াওহল্লে মরমদি সিদ্ধার্থ বাবুনা নুপাগী মীতর ৫০ রাইফল প্রোন ইভেন্ততা শরুক য়ারি। সিদ্ধার্থ বাবু হান্না তোকয়ো পেরালেম্পিক্কীদমক্তা কোতাগী মফম ফংখ্রে। নুপাগী মীতর ১০ এয়র পিস্তোল এম.ঐচ.১ কম্পিতিসন্দা শরুক য়ারিবা দিপেন্দ্রবু স্কিম অসিদগী লৌথোকখ্রে।

পেরা তেবল তেনিসঃ দবল্যু.-ক্লাস ৪ ইভেন্ততা ৱর্ল্দ নং. ৪গী রেঙ্কতা লৈরিবা ভাবিনা পতেলবু তি.ও.পি.এস. স্কিমদা য়াওহনখ্রে। মহাক্না তোকিয়ো পেরালিম্পিক্কীদমক্তা কোতাগী মফম ফংখ্রে অমসুং মহাক পেরালিম্পিক্তা পেরা তেবল তেনিস্তা লৈবাক অসিগী মহুৎ শিনগদবা ভারতকী অহানবা নুপী শানরোই ওইরগনি।

*****