ਵੱਡੇ ਪੱਧਰ ਤੇ ਦਵਾਈਆਂ ਲਈ ਉਤਪਾਦਨ ਲਿੰਕਡ ਸਕੀਮ (ਪੀ.ਐਲ.ਆਈ) ਅਤੇ ਮੈਡੀਕਲ ਡਿਵਾਈਸਿਸ ਲਈ ਪੀ.ਐਲ.ਆਈ. ਸਕੀਮ ਨੂੰ ਫਾਰਮਾਸਿਉਟੀਕਲ ਦੇ ਨਾਲ ਨਾਲ ਮੈਡੀਕਲ ਡਿਵਾਈਸ ਉਦਯੋਗ ਤੋਂ ਭਰਵਾਂ ਹੁੰਗਾਰਾ ਮਿਲਿਆ ਹੈ । ਵੱਡੀ ਮਾਤਰਾ ਵਿੱਚ ਦਵਾਈਆਂ ਦੀ ਪੀ.ਐਲ.ਆਈ.ਸਕੀਮ ਲਈ ਸਾਰੀਆਂ 4 ਸ਼੍ਰੇਣੀਆਂ ਦੇ ਉਤਪਾਦਾਂ ਲਈ 247 ਪੰਜੀਕਰਣ ਹੋਏ ਹਨ ਜਿਸ ਵਿੱਚੋਂ 136 ਅਰਜੀਆਂ ਸਕੀਮ ਤਹਿਤ ਚੁਣੀਆਂ ਜਾਣਗੀਆਂ । ਏਸੇ ਤਰਾਂ ਮੈਡੀਕਲ ਡਿਵਾਈਸਿਸ ਲਈ ਪੀ.ਐਲ.ਆਈ. ਸਕੀਮ ਲਈ ਸਾਰੇ ਚਾਰੋਂ ਮਿਥੇ ਸੈਗਮੈਂਟਸ ਲਈ 28 ਪੰਜੀਕਰਣ ਹੋਏ ਹਨ ਜਿਹਨਾ ਵਿਚੋਂ ਸਕੀਮ ਤਹਿਤ 28 ਅਰਜੀਆਂ ਚੁਣੀਆਂ ਜਾਣਗੀਆਂ । ਇਹਨਾ ਸਕੀਮਾਂ ਲਈ ਪ੍ਰਾਜੈਕਟ ਪ੍ਰਬੰਧਨ ਏਜੰਸੀ ਆਈ.ਐਫ.ਸੀ.ਆਈ. ਲਿਮਟਿਡ ਹੈ ਅਤੇ ਸਾਰੀਆਂ ਅਰਜੀਆਂ ਆਨਲਾਈਨ ਪੋਰਟਲ ਰਾਹੀਂ ਪ੍ਰਾਪਤ ਕੀਤੀਆਂ ਗਈਆਂ ਹਨ ।
ਦੋਨਾ ਸਕੀਮਾਂ ਲਈ ਅਰਜੀਆਂ ਭਰਨ ਦੀ ਅੰਤਿਮ ਤਾਰੀਖ 30/11/2020 ਹੈ ।
ਮੌਜੂਦਾ ਅਤੇ ਸੰਭਾਵੀ ਪੰਜੀਕਰਤਾਵਾਂ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਉਹ 28/11/2020 ਤੋਂ 30/11/2020 ਤੱਕ ਬੈਂਕ ਛੁੱਟੀਆਂ ਦੇ ਮੱਦੇਨਜਰ ਅਰਜੀ ਫੀਸਾਂ ਦੀ ਅਦਾਇਗੀ ਐਨ.ਈ.ਐਫ.ਟੀ. ਮੋਡ ਰਾਹੀਂ ਕਰ ਸਕਦੇ ਹਨ । ਬੈਂਕ ਖਾਤਿਆਂ ਦਾ ਵਿਸਥਾਰ ਦਿਸ਼ਾ ਨਿਰਦੇਸ਼ਾਂ ਵਿੱਚ ਦਿੱਤਾ ਗਿਆ ਹੈ । ਆਈ.ਐਫ.ਸੀ.ਆਈ. ਲਿਮਟਿਡ ਦੀ ਟੀਮ ਉਹਨਾ ਦੀ ਵੈਬਸਾਈਟ ਤੇ ਦਿੱਤੇ ਗਏ ਸੰਪਰਕਾਂ ਤੇ ਅਰਜੀਆਂ ਦੇਣ ਦੀ ਅੰਤਿਮ ਤਾਰੀਖ ਤੱਕ ਆਰਜੀ ਕਰਤਾਵਾਂ ਨੂੰ ਸਹਿਯੋਗ ਦੇਣ ਲਈ ਉਪਲਭਦ ਰਹੇਗੀ ।
ਵੱਡੀ ਪੱਧਰ ਤੇ ਦਵਾਈਆਂ ਲਈ ਅਤੇ ਮੈਡੀਕਲ ਡਿਵਾਈਸਿਸ ਲਈ ਪੀ.ਐਲ.ਆਈ.ਸਕੀਮਾਂ ਨੂੰ ਸਰਕਾਰ ਨੇ 20/3/2020 ਨੂੰ ਮਨਜੂਰੀ ਦਿੱਤੀ ਸੀ । ਦੋਨਾਂ ਸਕੀਮਾਂ ਨੂੰ ਲਾਗੂ ਕਰਨ ਲਈ ਦਿਸ਼ਾ ਨਿਰਦੇਸ਼ 27/07/2020 ਨੂੰ ਜਾਰੀ ਕੀਤੇ ਗਏ ਸਨ ਅਤੇ ਬਾਅਦ ਵਿੱਚ ਉਦਯੋਗ ਤੋਂ ਪ੍ਰਾਪਤ ਹੋਈ ਫੀਡ ਬੈਕ ਰਾਹੀਂ ਰਿਵਾਈਜ਼ਡ ਕੀਤੇ ਗਏ ਸਨ ਅਤੇ ਰਿਵਾਈਜ਼ਡ ਦਿਸ਼ਾ ਨਿਰਦੇਸ਼ 29/10/2020 ਨੂੰ ਜਾਰੀ ਕੀਤੇ ਗਏ ਸਨ ।

ਆਰ.ਸੀ.ਜੇ/ਐਸ.ਐਸ.