এক্সিলেন্সী, খুরুমজরি!

অহানবা মক্তদা ঐনা কোবিদ-১৯গী লাইচৎ অসিনা লক্সম্বর্গতা ওইখিবা অমাং-অতাশিং অদুগীদমক্তা ঐগী মায়কৈদগী ভারত মচা করোর ১৩০গী মায়কৈদগী নুংঙাইতবা ফোংদোকচরি। অমসুং অৱাবগী মতম অসিদা অদোমগী হৈ-শিংলবা লমজিক-লমতাক অদুগীদমক থাগৎপা ফোংদোকচরি।

এক্সিলেন্সী,

ঙসিগী ঐখোয়গী ভর্চুএল সমিৎ অসি ঐগী মিৎয়েংদদি য়াম্না মরু ওই। অদোম অমসুং ঐহাক তোঙান তোঙানবা মালেমগী ফম্বাকশিংদা উনদুনতা লৈরি, অদুবু হৌখিবা চহি তরাগী খুজিং অনিরোমদা ভারত অমসুং লক্সম্বর্গকী মরক্তা মসি অহানবা ফোর্মেল ওইবা সমিৎনি।

ঙসি মালেম অসিনা কোবিদ-১৯গী লাইচৎনা মরম ওইদুনা শেন্মিৎলোন অমসুং হকশেলগী ওইবা শিংনবশিং অসিগা মায়োক্নরিবা মতম অসিদা, ভারত-লক্সম্বর্গ পার্তনরশিপ অসি লৈবাক অনি অসিগা লোইননা লমদম অনি অসিগী রিকভরীগীদমক্তা শিজিন্নবা য়াগনি। দিমোক্রেসী, রুল ওফ লো অমসুং ফ্রীদমগুম্বা শেয়র তৌমিন্নরিবা ৱাখল্লোন অসিনা ঐখোয়গী মরীশিং অমসুং তেংবাং পীনরিবা অসিদা মপাঙ্গল হাপ্লি। ভারত অমসুং লক্সম্বর্গকী মরক্তা শেন্মিৎলোন পীথোক-পীশিন তৌননবগী পোতেন্সিয়েল য়াম্না লৈ।

স্তীল, ফাইনান্সিএল তেক্নোলোজী, দিজিতেল দোমেনগুম্বা লমশিংদা ঐখোয়গী মরক্তা হৌজিক হৌজিক অফবা তেংবাংগী মরী লৈনরি অদুবু হেন্না মাংদা পুখৎনবগী ওইথোকপা অদু্ক্কী মতিক লৈ। ঐনা নুংঙাইবা পোকচৈ মদুদি নুমিৎ খরনিগী মমাংদা ঐখোয়গী স্পেস এজেন্সীনা লক্সম্বর্গকী সেতিলাইৎ মরি লোঞ্চ তৌখ্রে। স্পেসকী লমদসু ঐখোয় অমগা অমগা পীথোক-পীশিন তৌনবা হেনগৎহনবা য়াই।

ইন্তর্নেস্নেল সোলর এলাইন্স – আই.এস.এ.দা লক্সম্বর্গনা শরুক য়ানবগী লাওথোকপা অদু ঐখোয়না তরাম্না ওক্লি। অমসুং অদোম্বু কোলিতরেল ফোর দিজাস্তর রিসিলেন্ত ইনফ্রাস্ত্রকচর জোইন তৌনবগীদমক্তা চেবাউ পীজরি।

চহি অসিগী এপ্রিলদা হিজ রোয়েল হাইনেস দ গ্রান্দ দ্যুক্কী ভারত খোংচৎ কোবিদ-১৯না মরম ওইদুনা য়ৈথোকপা তাখি। মহাকপু ঐখোয়না থুনা ভারত্তা তরাম্না ওকচবা পামজৈ। ঐনা অদোম্বুসু য়াম্না থুনা ভারতকী খোংচৎতা লাকপীবা পামজৈ।

এক্সিলেন্সী,

হৌজিক ঐ অদোম্বু হৌদোক ৱারোল পীনবগীদমক্তা কৌথোকচরি।

তাইনবা য়াদবা (দিসক্লেমর): মসি প্রধান মন্ত্রীগী ৱারোলগী শম্লপ্পা মনিপুরী ৱাহন্থোক্নি। অশেংবা ৱারোল হিন্দীদা পীখিবনি।

***