కేంద్ర ఆరోగ్య, కుటుంబ సంక్షేమ శాఖ మంత్రి డాక్టర్ హర్ష్ వర్ధన్ ఈ రోజు వీడియో కాన్ఫరెన్స్ ద్వారా బోస్టన్ సెంటర్ ఆఫ్ ఎక్సలెన్స్ ఫర్ హెల్త్ అండ్ హ్యూమన్ డెవలప్‌మెంట్‌నుద్దేశించి ప్రసంగించారు.

అందరికీ మెరుగైన వ్యాధి నివారణ, మెరుగైన ఆరోగ్య సంరక్షణపై పరిశోధన చేయడానికి నిపుణులను ఒకచోట చేర్చినందుకు బోస్టన్ సెంటర్ ఆఫ్ ఎక్సలెన్స్ (బోసిఇ) ను అభినందిస్తూ డాక్టర్ హర్ష్ వర్ధన్, ప్రస్తుత మహమ్మారిని మన నాగరికత సంధికాల స్థితితో పోల్చారు. “మనం స్పానిష్ ఫ్లూ, మొదటి ప్రపంచ యుద్ధం మరియు రెండవ ప్రపంచ యుద్ధాన్ని చూడలేదు. కానీ మనం నిశ్శబ్ద యుద్ధం దశలో జీవిస్తున్నాము. 100 మిలియన్లకు పైగా ప్రజలు మరణించారు. మరియు అనేక సందర్భాల్లో, జీవితపు చివరి క్షణాలలో వారి ప్రియమైన వారిని కూడా చూసే పరిస్థితి లేదు. వారి చివరి కర్మలు మరియు అంత్యక్రియలు కూడా చాలా సున్నితంగా, నమ్రతతో చేయవలసి వస్తోంది. మనుగడ సాగించిన లక్షలాది మందికి కూడా అనేక సమస్యలు ఉన్నాయి, వాటిపై ఆర్థిక భారం ఉంది. ”

ప్రమాదం మరియు ప్రతికూలత ఉన్నప్పటికీ ధైర్యంగా తమ కర్తవ్యాన్ని నిర్వర్తించిన లక్షలాది మంది ఫ్రంట్-లైన్ ఆరోగ్య కార్యకర్తలకు , వైద్యులు మరియు నర్సుల వంటి ఇతర నిపుణులు మరియు ద్వారపాలకులు, ఈఎంటి, ఆరోగ్య సంరక్షణ వ్యవస్థ యొక్క కనిపించని స్తంభాలుగా ఉన్న అంబులెన్స్ వైద్యులకు వందనాలు అని అంటూ, కోవిడ్ ని నియంత్రించడానికి భారతదేశం యొక్క వ్యూహాన్ని డాక్టర్ హర్ష్వర్ధన్ వివరించారు.

“ఇది మొదటిది కాదు మరియు ఖచ్చితంగా చివరిది కాదు. కానీ ఈ కోవిడ్ 19 త్వరలో 21 వ శతాబ్దం యొక్క గతించిన అంకంగా అవుతుంది. కోవిడ్ రోగులకు మన చికిత్స ప్రోటోకాల్ ఇప్పుడు బాగా నిర్వచించబడింది. సోకినవారిలో తక్కువ మంది మరణిస్తున్నారు. మనకు త్వరలో టీకాలు అందుబాటులో ఉంటాయి మరియు రాబోయే కొద్ది నెలల్లో కేసులు గణనీయంగా తగ్గుతాయి. ” అని డాక్టర్ హర్ష్ వర్ధన్ స్పష్టం చేశారు. 

ఆధునిక ఔషధం అన్ని  అంశాలు... యాంటీబయాటిక్స్ నుండి అత్యవసర సంరక్షణ, శస్త్రచికిత్స, రోగనిరోధకత మరియు వ్యాక్సిన్ వరకు భారతదేశం ఇప్పటికే పూర్తి అవగాహన చేసుకున్నట్లు వివరించిన మంత్రి, ఇప్పుడు మరింత సంక్లిష్టంగా మారుతున్న ఈ వ్యవస్థ యొక్క ఖర్చు, నాణ్యత మరియు స్థోమతపై దృష్టి పెట్టారు. భారతదేశంలోని 7,00,000 మారుమూల గ్రామాల్లోని ప్రజలకు చికిత్స చేయడానికి తాజా టెలిమెడిసిన్ సాంకేతిక పరిజ్ఞానాన్ని ఉపయోగించి రిమోట్ డయాగ్నస్టిక్స్ మరియు చికిత్సలో భారతదేశం ఇప్పటికే పురోగతి సాధించిందని ఆయన వివరించారు.

కోవిడ్19 కోట్లాది ప్రజలు, వ్యాపారాలు మరియు వర్తకాలకు గొప్ప కష్టాలను తెచ్చిపెట్టింది, డాక్టర్ హర్ష్ వర్ధన్ ఈ ఎపిసోడ్‌లోని ప్రముఖంగా గుర్తించాల్సిన విషయం ఏమిటంటే  ఈ సంక్షోభాన్ని అవకాశంగా మార్చడానికి భారతదేశం ఉత్సాహంతో పని చేసింది అంటూ కింది అంశాలను ఆయన ప్రస్తావించారు :

i. కర్మాగారాలు మూసివేయడం మరియు వాహనాల రాకపోకలు తగ్గడం వల్ల కాలుష్యం తగ్గడాన్ని ప్రజలు అభినందిస్తున్నారు, భవిష్యత్తులో ఇలాంటి ఫలితాలను సాధించడానికి ప్రవర్తనా మార్పుకు ఒక పురోగతిగా ఇది సూచిస్తుంది. ప్రకృతి తల్లి విషయంలో ప్రజల్లో మరింత చింత పెరిగింది. 

ii. కార్యాలయ పని, పాఠశాలలు మరియు కళాశాలలలో తరగతులకు హాజరు కావడం ఇటుక మరియు మోర్టార్ గోడలమధ్యలోనే పరిమితం కాలేదు. ప్రపంచ సమాజం విజయవంతంగా వర్చువల్ కార్యాలయాలు మరియు తరగతి గదులను సృష్టించింది, మన టెలికమ్యూనికేషన్ సామర్థ్యాల సరిహద్దులను మార్చివేసింది.

iii. మనం టీకాలను సృష్టించగలిగిన వేగవంతం, కొత్త టెక్నాలజీలపై పర్యవసాన ప్రభావాన్ని చూపుతుంది, ఇది సమీప భవిష్యత్తులో వేగవంతమైన ఔషధ ఆవిష్కరణలలో మనందరికీ సహాయపడుతుంది, ఖర్చును తగ్గిస్తుంది మరియు మన జనాభాలోని పేద వర్గాలకు మరింత అందుబాటులోకి తెస్తుంది. పదేళ్ళు తీసుకునే ప్రక్రియ ఇప్పుడు దాదాపు 10 నెలల్లో టీకాలను ఉత్పత్తి చేస్తుంది - అభివృద్ధి చెందింది, పరీక్షించబడింది మరియు త్వరలో మార్కెట్లో అందుబాటులో ఉంటుంది.

iv. ఔషధ ఆవిష్కరణ జ్ఞానం అనేక కొత్త సరిహద్దులలో అభివృద్ధి చెందడానికి కూడా మనకు సహాయపడుతుంది, ఎందుకంటే అవి యాంటీబయాటిక్స్‌కు స్పందించని అనేక వైరల్ వ్యాధులకు నివారణను కనుగొనగలవు. సూపర్ బగ్స్ చికిత్సలో ఈ పరిశోధనకు అవకాశం ఉందని ఆయన ఆశాభావం వ్యక్తం చేశారు.

యోగా మరియు ఆయుర్వేదం గురించి మాట్లాడుతూ, ప్రపంచానికి భారతదేశం ఇచ్చిన బహుమతిగా ఆయన పేర్కొన్నారు. “ప్రాచీన జ్ఞానం మరియు ఆరోగ్య-నిర్వహణ వ్యవస్థ సహస్రాబ్దాలుగా ప్రకృతి చికిత్సను ఉపయోగిస్తున్నాయి. ఆధునిక ఔషధం మరియు భారతదేశం యొక్క సాంప్రదాయిక వ్యవస్థ మన జీవితాలను ప్రభావితం చేయడానికి ఒక సమగ్ర విధానంతో మరియు మెరుగైన వ్యాధి ఫలితాలను పొందే సమయం ఆసన్నమైంది. ” అని డాక్టర్ హర్ష్ వర్ధన్ అన్నారు. విజ్ఞాన మరియు సాంకేతిక నిపుణులను మరియు ఆవిష్కర్తలను భారతదేశానికి రావలసిందిగా, దేశ శాస్త్రవేత్తలు మరియు నిపుణులతో చేతులు కలిపి  ప్రపంచవ్యాప్తంగా మానవాళి స్వస్థపరిచే గొప్ప సహకార వేదికను నెలకొల్పాల్సిందిగా కేంద్ర మంత్రి ఆహ్వానించారు.

****