হকশেল অমসুং য়াইফ-য়ুম্বালগী কেন্দ্রগী মন্ত্রী দা. হর্শ বর্ধন্না ভিদিও কনফরেন্সকী খুত্থাংদা ঙসি হেল্থ অমসুং হ্যুমেন দিবেলপমেন্তগী মতাংদা বোস্তন সেন্তর ফোর এক্সিলেন্সতা দিজিতেল ওইনা ৱা ঙাংখ্রে।

হেল্থ অমসুং হ্যুমেন দিবেলপমেন্তগী বোস্তন সেন্তর ফোর এক্সিলেন্স (বি.ও.সি.ই.)না অপুনবগী অফবা লাইয়েং অমসুং অফবা হেল্থকিয়রগীদমক্তা রিসর্চ তৌনবা এক্সপর্তশিং পুনশিন্নবা অসিগীদমক থাগৎলদুনা দা. হর্শ বর্ধন্না ঐখোয়গী সিবিলাইজেসনগী অহৌবা তাঙ্কক্কা হৌজিক শন্দোরক্লিবা লাইচৎ অসিগা চাংদম্নখি। মহাক্না হায়খি, “ঐখোয়না স্পেনিশ ফ্লু, মালেমগী অহানবা লাঞ্জাও অমসুং মালেমগী অনিশুবা লাঞ্জাও থেংনহৌদে অদুবু ঐখোয়না মখোল থোক্তবা লানগী তাঙ্কক অমদা হিংলি। মীওই মিলিয়ন ১০০গী মথক্তা শীখ্রে। অমসুং ফীভম কয়াদা মখোয়না মখোয়গী নুংশিজরবশিংগী অরোইবা মীকুপশিংদা উন্নবা ফংজখিদে। মখোয়গী অরোইবা মথৌ মঙম অদুসু মমিংগী ওইনা পাঙথোকখি। অমসুং হিংহৌরিবা মিলিয়ন কয়ানা মখোয়গী মথক্তা শেলগী পোৎলুম পুবতা নত্তনা অৱাবা কয়া অমসু মায়োক্নহৌরি।”

দোক্তরশিং অমসুং নর্সশিংগী মথক্তা হেল্থ কিয়র সিস্তেমগী শকউদবা য়ুম্বীশিং ওইরিবা জেনিতরশিং, ই.এম.তি., এম্বুলেন্স দোক্তরশিং য়াওনা প্রোফেস্নেলশিংনা খুদোংথিবা অমসুং অৱাবা লৈজরবসু মখোয়গী মথৌ থৌনা ফনা পাঙথোকখিবা ফ্রন্ত লাইন হেল্থ ৱার্কর মিলিয়ন কয়াবু ইকাই খুম্নবা উৎলদুনা দা. হর্শ বর্ধন্না কোবিদ লাকশিন্নবা ভারতনা পাইখৎলিবা লালোংগী মতাংদা মচা খাইনা ফোঙদোকখি।

হিরম অসিদা দা. হর্শ বর্ধন্না হায়খি, “মসিনা অহানবা নত্তে অমসুং অরোইবসু ওইরোই। অদুবু কোবিদ-১৯ অসি ২১শুবা চহিচাগী হৌখ্রবা তাঙ্কক অমা অথুবদা ওইরগনি। কোবিদ নাবা মীওইশিংগী ঐখোয়গী লায়েংবগী প্রোতোকল অসি হৌজিক্তি ময়েক শেংলে। অনাবা মীওই খরা খক্তা শীরি। অথুবদা বেক্সিনশিং ফংলগনি অমসুং লাক্কদৌরিবা থা খরা অসিদা কেসশিংগী মশিং শীংথানিংঙাই ওইনা হন্থরগনি।”

ভারতনা মোর্দন মেদিসিগী এন্তিবাইওতিকশিংদগী হৌরগা ইমর্জেন্সী কিয়র, সর্জরী, ইম্ম্যুনাইজেসন অমসুং বেক্সিন মচাক পুম্নমক্তা মাই পাকখ্রে হায়না ফোঙদোক্লদুনা মন্ত্রীনা হায়খি হৌজিক্তি মমল, ক্বালিতী অমসুং হেন্না লুশিল্লক্লিবা শেল চংদবা সিস্তেম অমা ওইহন্নবা মীৎয়েং থম্লি। মহাক্না মখা তারদুনা হায়খি ভারতকী অৱাপ্পা খুঙ্গং ৭,০০,০০০দা মীয়াম লায়েংনবা খ্বাইদগী নৌবা তেলিমেদিসিন তেক্নোলোজী শীজিন্নদুনা লাপ্না দাইগ্নোস্তিক তৌনবা অমসুং লায়েংনবা খোঙথাংশিং পাইখৎপা হৌখ্রে।

অমরোমদা কোবিদ-১৯না মীওই, বিজিনেস অমসুং লালোন-ইতিক মিলিয়ন কয়াদা চাউনা অৱাবা পীরি হায়না ফোঙদোক্লদুনা দা. হর্শ বর্ধন্না তাঙ্কক অসিদা ভারতনা খুদোংথিবা অসি খুদোংচাবদা ওন্থোক্নবা থৌনগা লোইননা তাঙ্কক অসিগী কান্নবা অদু থমখি:

i. ফেক্তরীশিং লোনবা অমসুং বেহিক্যুলর ত্রাফিক হন্থরকপনা মরম ওইরগা পোপুলেসন হন্থরকপা অসিদা মীয়াম্না থাগৎনখি মসিনা তুংলমচৎতা মান্নবা ফলশিং ফংবা ঙম্নবা লমচৎ-শাজৎকী ওইবা অহোংবা পুরক্নবা ইথিল অমা পীরি। প্রজা মীয়াম্না মহৌশা ইমাগী খনবা হৌরক্লি।

ii. ওফিক্কী থবক, স্কুলশিং কোলেজশিংগী ক্লাস য়াওবা অসি কা মনুংদা খক্তা তৌরম্বা অদু লেপ্লে। গ্লোবেল কম্ম্যুনিতীনা মাই পাক্না ভর্চ্যুএল ওফিসশিং অমসুং ক্লসরুমশিং শেমদুনা ঐখোয়গী তেলিকম্ম্যুনিকেসনগী মপাঙ্গলশিংগী ঙমখৈ অদু চাউথোরক্লি।

iii. বেক্সিনশিং পুথোকপা খোঙজেল য়াংলিবা অসিনা তুংলমচৎতা দ্রগ পুথোকপা থুজিনবদা, মমল হন্থহনবদা অমসুং ঐখোয়গী প্রজাগী লাইরবা শরুকশিংদা হেন্না ফংহনবদা ঐখোয় পুম্নমক্তা অনৌবা তেক্নোলোজীশিংনা মতেং পাংলগনি। প্রোসেস অসিনা বেক্সিন পুথোকপদা চহি তরা চংলম্বা অদু হৌজিক দিবেলপ তৌরবা, তেস্ত তৌরবা অমসুং কৈথেলদা অথুবদা ফংহল্লগদবা বেক্সিন থা ১০ খক্তা পুথোক্লগনি।

iv. দ্রগ পুথোকপী লৌশিং অসিনা এন্তি-বাইওতিক্সনা লায়েংবা ঙমদবা ভাইরেলগী অনাবা কয়াগী লায়েং পুথোকপা ঙম্নবা অনৌবা ফ্রন্তিয়র কয়া দিবেলপ তৌবদা ঐখোয়দা মতেং পাংলগনি। মহাক্না হায়খি রিসর্চ অসিনা সুপর বগশিং লায়েংবা ঙমগনি হায়গী থাজবা লৈ হায়নসু ফোঙদোকখি।

য়োগ অমসুং আয়ুর্বরদকী মতাংদা ৱা ঙাংলদুনা মহাক্না মখোয় অসি ভারতনা মালেমদা পীবা খুদোলনি হায়না হায়খি। মহাক্না হায় “য়েলহৌঙৈগী লৌশিং অমসুং হেল্থ মেনেজমেন্ত সিস্তেম অসিনা চহি কয়া মহৌশাগী ওইবা লায়েং শীজিন্নদুনা লাকখি। মতমগা চুনবা হিদাক-লাংথক্কী অমসুং ভারতকী ত্রেসিস্নেল সিস্তেম অসিনা ঐখোয়গী পুন্সিদা অমসুং হেন্না ফবা লাইনাগী ৱারোইশিনশিং পুরক্নবা ইন্তিগ্রেতিব এপ্রোচ অমগা লোইননা পুন্না চৎমিন্নবগী মতম ওইরে"। মহাক্না লৌশিং লৈবা অমসুং তেক্নোলোজী এক্সপর্তশিং অমসুং ইনবেন্তরশিংনা ভারত্তা লাক্তুনা লৈবাক অসিগী সাইন্তিস্তশিং অমসুং এক্সপর্তশিংগা লোইননা খুৎশম্নদুনা অমসুং অচৌবা চুংশিন্নবা ফমপাক অমা শেমগৎতুনা মালেম পুম্বদা লৈরিবা মীয়াম লায়েংনবা বর্তন তৌখি।

****