য়ু.এম.এ.এন.জি.গী চহি ৩শুবা কুমওন পাংথোকপা অমসুং সর্বিস ২০০০+ হেনবগী মশক থোকপা থবক পাংথোকপগী শক খঙবা ওইনা  ইলেক্ত্রোনিক্স অমসুং ইনফোর্মেসন তেক্নোলোজী, কম্ম্যুনিকেসন অমসুং লো অমসুং জস্তিসকী কেন্দ্র মন্ত্রী শ্রী রবি শঙ্কর প্রসাদকী লুচিং মখাদা চাউরাকপা পার্ত্নর বিভাগ ২০ লোমদগী পাউতাক লৌবগী পান্দমগা লোয়ননা ২৩/১১/২০২০গী পুং ১৬.০০তা ওনলাইন কনফরেন্স অমা পাংথোক্নবা শিল্লি। য়ু.এম.এ.এন.জি.গী মরু ওইবা খোঙলোইশিংদি ইমপ্লোয়ী প্রোবিদেন্ত ফন্দ ওর্গানাইজেসন, দাইরেক্ত বেনেফিৎ ত্রান্সফর স্কিম বিভাগশিং, ইমপ্লোয়ী স্তেৎ ইন্স্যুরেন্স কোর্পোরেসন, হকশেল, এজুকেসন, লৌউ-শিংউ, এনিমেল হসবেন্দরী অমসুং স্তাফ সেলেক্সন কম্মিসন (এস.এস.সি.)গী মন্ত্রালয়শিংনি। কনফরেন্স অসিগী মনুংদা য়ু.এস.এ., য়ু.কে., কেনাদা, ওস্ত্রেলিয়া, য়ু.এ.ই., নেদর্লেন্দ, সিঙ্গাপোর অমসুং ন্যু-জিলেন্দ য়াওনা খনগৎলবা লৈবাক খরগী ওইবা য়ু.এম.এ.এন.জি.গী মালেমগী ভর্জন অসিসু এক্সতর্নেল এফিয়র্সকী মন্ত্রালয়গা খুৎশম্নদুনা লোঞ্চ তৌগনি। মসিনা ভারতকী মালেমগী মহৈরোই, এন.আর.আই. অমসুং মপান্দা লৈরিবা ভারতকী লম-কোইবশিংদা মতম অমা হেক্তদা ভারত সরকারগী সেবাশিং ফংবগী খুদোংচাবা পীদুনা তেংবাংগনি। মসিনা য়ু.এম.এ.এন.জি.দা ফংলিবা “ইন্দিয়ন কলচর” সর্বিসশিংগী খুত্থাংদা ভারতপু মালেমগা নকশিন্নহনবদা তেংবাংগনি অমসুং মপান লমগী লম-কোইবশিংনা ভারত্তা চৎনিংবগী ইথিল ফাওহনবগী থৌওংসু পাংথোক্কনি।

য়ু.এম.এ.এন.জি. মোবাইল এপ (য়ুনিফাইদ মোবাইল এপ্লিকেসন ফোর ন্যু-এজ গবর্নেন্স) অসি কান্নবা পুম্নমকপু অমত্তা ওইবা, শোই-ঙাম্লোইদবা, চেনেল য়াম্বা, লোম য়াম্বা, সেবা য়াম্বা ভারত সর্কারগী মোবাইল এপনি। মসিনা কেন্দ্র অমসুং রাজ্যশিংগী তোঙান-তোঙানবা লুপশিংগী থাক-ৱাংবা সেবাশিং ফংহনবা ঙমহনগনি।

য়ু.এম.এ.এন.জি. অসি ইলেক্ত্রোনিক্স অমসুং আই.তি. মন্ত্রালয়গী নেস্নেল ই.-গবর্নেন্স দিবিজন (এন.ই.জি.দি.)না শাবনি। মসিবু ঐখোয়গী প্রধান মন্ত্রীনা নবেম্বর ২৩, ২০১৭তা সেবা ১৬৩গা লোয়ননা লৈবাক মীয়ামদা শিন্নখি। য়ু.এম.এ.এন.জি.না মাই-পাক্না থবক ওইনা পাংথোকপগী তেল্লবা মতমগী মনুংদা ফেব্রুৱারি ২০১৮দা য়ু.এ.ই.গী দুবাইদা পাংথোকখিবা ৬শুবা মালেমগী সর্কারশিংগী সম্মিত্তা “খ্বাইদগী ফবা এম.-গবর্নমেন্ত সর্বিস”কী মনা ফংখিবা য়াওদুনা মশক থোক্লবা মনা মরি ফংবা ঙমখ্রে।

দিজিতেল ইন্দিয়াগী “পাৱর তু ইমপাৱর”গী মঙলান অসিগা চপ-চান্নবা ওইনা য়ু.এম.এ.এন.জি. শাখিবগী পান্দম অসিসু মোবাইল এপ অমদগী সর্কারগী মরু ওইবা সেবা কয়াবু য়াম্না চম্না অমসুং লায়না ফংহনবা ঙমহন্দুনা মীয়ামগী “পুন্সি মহিংদা লাইহনবা”নি।

য়ু.এম.এ.এন.জি. অসিনা হৌজিক্তি সেবা ২০৩৯ ফংহনবা ঙমদুনা পাকথোক-চাউথোক্লে (কেন্দ্রগী বিভাগ ৮৮দগী সেবা ৩৭৩, রাজ্য ২৭কী বিভাগ ১০১দগী সেবা ৪৮৭ অমসুং য়ুতিলিতী বিল থিনবগী সেবা ১১৭৯) অমসুং সেবাগী মশিংসু নোংমা-নোংমগী হেনগৎলক্লি।

য়ু.এম.এ.এন.জি. মোবাইল এপ অসি এন্দ্রোইদ, আই.ও.এস., ৱেব ব্রাউজর প্লেৎফোর্ম খুদিংমক অমসুং কাই.ও.এস.তা খনগৎলবা সেবা ৮০ (জিও ফিচর ফোনশিংদা ফংবা) ফংগনি। য়ু.এম.এ.এন.জি.না করোর ৩.৭৫ দাউনলোদ তৌখিবা অমসুং মসিবু শিজিন্ননবা রেজিস্তর তৌরবা  মীওই চাউরাক্না করোর ২.৫ লৈবগী থাক য়ৌবা ঙমখ্রে অমসুং মসিবু শিজিন্নবা মীওই ১৩৬ কে. হেনবদগী >৪গী চাংচৎকী প্লে স্তোর রেতিং ঙাক্তুনা চৎলি।

য়ু.এম.এ.এন.জি. এপ অসি ৯৭১৮৩-৯৭১৮৩দা মিস কোল অমা পীদুনা দাউনলোদ তৌবা য়াগনি অমসুং মখাদা পীরিবা লিঙ্কশিং অসিদা চঙদুনা দাউনলোদ তৌবসু য়াগনিঃ

১. ৱেবঃ https://web.umang.gov.in/web/#/

২. এন্দ্রোইদঃ https://play.google.com/store/apps/details?id=in.gov.umang.negd.g2c

৩. আই.ও.এস. : https://apps.apple.com/in/app/umang/id1236448857

****