সার্স-কোব-২ ভাইরসকী(কোবিদ-১৯ নাহল্লিবা) মতাংদা অয়ুশ মন্ত্রালয় অমসুং দিপার্তমেন্ত ওফ বাইও-তেক্নোলোজী(দি.বি.তি.) অনিনা খুৎশম্নদুনা ভারততা তৌরিবা ইহান হানবা এনিমেল স্তদী অসি অরোইবা স্তেজ য়ৌশিনখ্রে৷ লৈবাক অসিদা কোবিদ-১৯গী মতাংদা পাংথোকপা খ্বাইদগী সোফিস্তিকেতেদ রিসর্চ প্রোজেক্তশিংগী মনুংদা অমা ওইবনা ওরেল ইন্তরভেন্সন মরিদা পাংথোক্লিবা মসিগী প্রি-ক্লিনিকেল স্তদী অসি অয়ুশ মন্ত্রালয় অমসুং কাউন্সিল ফোর সাইন্তিফিক অমসুং ইন্দস্ত্রিয়েল রিসর্চ(সি.এস.আই.আর.)না কোলাবোরেসন তৌদুনা ক্লিনিকেল স্তদীশিংগীদমক মাংজৌননা পাংথোকখ্রে৷

এনিমেল স্তদীগা(ইন-ভিভো স্তদী) মরী লৈনবা এম.ও.য়ু. অদু অয়ুশ মন্ত্রালয়গী নেস্নেল মেদিস্নেল প্লান্ত বোর্দ(এন.এম.পি.বি.) অমসুং দি.বি.তি.গী মরক্তা শহি পীনখ্রে অমসুং মসি অয়ুর্ভেদাগুম্বা মেদিকেল প্রেক্তিস অসিবু সাইন্তিফিক রিজনিং পীরিবা রিভর্স ফার্মকোলোজী(পি.ঐচ.)গী কন্সেপ্ত অদুদা বেস তৌই৷ হায়রিবা স্তদী অসি ফরিদবাদতা লৈরিবা দি.বি.তি.গী ওতোনোমস ইন্সতিত্যুত অমা ওইরিবা ত্রান্সলেস্নেল হেল্থ সাইন্স অমসুং তেক্নোলোজী ইন্সতিত্যুত(তি.ঐচ.এস.তি.আই.)দা পাংথোক্লি৷ তি.ঐচ.এস.তি.আই.গী সোফিস্তিকেতেদ বি.এস.এল.-৩ লেভেল লেবোরেতরীশিং অসিদা হায়রিবা স্তদীশিং অসি পাংথোক্লি৷

মসিগী স্তদী অসি তৌদুনা লৈবাক অসিনা সার্স-কোব-২ ভাইরস/কোবিদ-১৯ রিসর্চতা লেন্দমার্ক অমা রেজিস্তর তৌখ্রে, মসিনা ভারতনা ওরেল ইন্তরভেন্সনশিং শিজিন্নদুনা ইহান হানবা ইন-ভিভো এন্তি-সার্স-কোব-২ভাইরস স্তদী ওইরি৷ এক্সপিরিমেন্তশিং অসিগী ইহান হানবা রাউন্দ অদু লোইশিনবদা ঙাইরি অমসুং রিজল্তশিং অদু ঙাইরি৷ মতম অসিদা ফরিদবাদতা লৈরিবা(দি.বি.তি.গী স্তেতুতরী ইন্সতিত্যুত অমা) রিজনেল সেন্তর ফোর বাইওতেক্নোলোজী(আর.সি.বি.)দা ইন-ভাইত্রো স্তদীশিং হৌদোকখ্রে৷ হায়রিবা স্তদীশিং অসি ২০২১গী জনুৱারী ৩১ ফাওবগী মনুংদা লোইশিনগনি হায়না থাজনরি৷ ফাইন্দিংশিং অসিনা হৌজিক লৈরিবা ওরেল ইন্তরভেন্সনশিং অসিদা সাইন্তিফিক ইভিদেন্স ফংহল্লগনি অমসুং অনৌবা হর্বেল দ্রগশিংদা লমজিংদুনা চৎলগনি৷ মতম কুইরবা অয়ুশ ফোর্মুলেসনশিং অসি লৈবাক অসিগী মীয়াম্না কা হেন্না শিজিন্নৈ হায়না পল্লদুনা অয়ুশ মন্ত্রালয় অমসুং দিপার্তমেন্ত ওফ বাইও-তেক্নোলোজী(দি.বি.তি.)না পুন্না ফরিদবাদতা লৈরিবা তি.ঐচ.এস.তি.আই.দা খনগৎলবা অয়ুর্বেদিক ফোর্মুলেসন মরিদা ভারতকী ইহান হানবা ওরেল ইন্তরভেন্সন স্তদী পাংথোকখ্রে৷ হায়রিবা ইন্তরভেন্সন মরি অদুদি অস্বগন্ধ, গুদুচ-পিপালি কম্বিনেসন, মুলেথি অমসুং অয়ুশ-৬৪(পোলি হর্বেল কম্পাউন্দ অমা)৷

মার্চকী তাং ২৩দা অয়ুশ সেক্তরগী ৱাখল লৈরবা লিদরশিংদা কোবিদ-১৯ অসিগী মতাংদা ওইথোকপা য়াবা অয়ুশ সোলুসনশিং পুথোক্নবা সবস্তেন্সিয়েল সাইন্তিফিক স্তদীশিং অদুগীদমক প্রধান মন্ত্রীনা মহাক্কী ৱারোলদা ফোংদোকখিবা অদু নিংশিংবা য়াই৷ মসিগী পাউখুম ওইনা অয়ুশ মন্ত্রালয় অসিনা প্রি-ক্লিনিকেল অমসুং রেসিপীশিংগী ক্লিনিকেল ইভাল্যুসন/ স্তেন্দর্দ প্রোতোকোলশিং অমসুং মেথোদোলোজী শিজিন্নদুনা কোবিদ-১৯ অসিগী মাইয়োক্তা পাংথোকপা ফোর্মুলেসনশিং য়াওনা খোংথাং কয়ামরোম লৌখৎখ্রে৷ এপ্রীলগী তাং ২দা অয়ুশ মন্ত্রালয়না ‘কোবিদ-১৯গী মতাংদা ইন্তরদিসিপ্লিনরী অয়ুশ আর. এমসুং দি. তাক্স ফোর্স অমা’ শেমখ্রে৷  হৌরকপা মতমদি প্রোফাইলেক্সিসকীদমক প্রোতোকোলশিং অমসুং ওরেল ইন্তরভেন্সনশিংগী এমপরিকেল শিজিন্নফম অদু থাদোরকখ্রে৷ অয়ুশ মন্ত্রালয় অসিনা সি.এস.আই.আর., সি.সি.আর.এ.এস.(সেন্ত্রেল কাউন্সিল ফোর রিসর্চ ইন অয়ুর্ভেদিক সাইন্সেস), অমসুং অতোপ্পা মমিং লৈরবা ইন্সতিত্যুতশিং অসিগা খুৎশম্নদুনা অরুবা ক্লিনিকেল স্তদীশিং পাংথোকখ্রে৷ মথক্তা পনখ্রবা ওরেল ইন্তরভেন্সন মরি অসি রেন্দম ক্লিনিকেল ত্রাইয়েলশিং(রেন্দোমাইজ কন্ত্রোল্দ ত্রাইয়েলশিং) অসিগী সবজেক্তশিং ওই অমসুং হায়রিবা ত্রাইয়েলশিং অসি এদভান্স স্তেজশিংদা লৈরে৷

তি.ঐচ.এস.তি.আই.দা পাংথোক্লিবা ইন-ভিভো স্তদীগী ফেস-১ অদু মপুং ফাখ্রে৷ মথক্তা পনখ্রিবা ইন্তরভেন্সন মরি অসিগী মনুংদা অস্বগন্ধগী এন্তি-ভাইরেল এক্তিবিতীগা মরী লৈনবা এনালাইসিস মপুং ফাখ্রে৷ অতোপ্পা ইন্তরভেন্সন মরি অসিগা মরী লৈনবা এনালাইসিস অদু য়ৌজিক কন্না চৎথরি অমসুং স্তদী রিজল্তশিং অদু অথুবা মতমদা লাওথোক্লবা য়াই হায়না থাজনরি৷

নেস্নেল মেদিসিনেল প্লান্ত বোর্দ অমসুং সেন্ত্রেল কাউন্সিল ফোর রিসর্চ ইন অয়ুর্ভেদিক সাইন্সেস অসিনা ইন্দস্ত্রী পার্তনরশিংগী মতেংদগী ত্রাইয়েল ইন্তরভেন্সনশিং অদু মপুং ফানা পাংথোকখ্রে৷

“মসি অয়ুশ মন্ত্রালয় অমসুং বাইওতেক্নোলোজী দিপার্তমেন্ত অনিমক্কী য়াম্না চাওথোকচনিংঙাই ওইরবা তঞ্জা অমনি”৷  “মসিগী কোলাবোরেসন অসিনা ভারততা লেন্দমার্ক রিসর্চ ফংহল্লি” হায়না অয়ুশ মন্ত্রালয়গী সেক্রেতরী ভাইদ্য রাজেশ কোতিচানা ফোংদোকখ্রে৷ হৌজিক হৌজিক সার্স-কোব-২ ভাইরস অসিগী মতাংদা নৈনরিবা অসিদা দিপার্তমেন্ত ওফ বাইওতেক্নোলোজীগী সেক্রেতরী দা. রেনু স্বারুপনা মহাক্কী অপেনবা অদুসু ফোংদোকখ্রে৷

*****