হকশেল অমসুং য়াইফ-য়ুম্বাল মন্ত্রালয়
হকশেল মন্ত্রালয়গী ইসঞ্জীবনিনা কন্সল্তেসন লাখ ৮ শুখ্রে
Posted On:
20 NOV 2020 2:53PM by PIB Imphal
ভারতনা দিজিতেল হেল্থকী লমদা পাইখৎপা থৌরাংশিংদা অচৌবা মাই পাকপা অমা ফংবা ঙমখ্রে। হকশেল অমসুং য়াইফ-য়ুম্বাল মন্ত্রালয়গী ইসঞ্জীবনি, লৈবাক অসিগী তেলিমেদিসিনগী থৌরাং অসি ঙসি কন্সল্তেসন লাখ ৮ শুখ্রে।
মরু ওইনা কোবিদকী মতম অসিগী মনুংদা মসিনা ক্বালিতী লৈবা সর্ভিসশিংগী কান্নবা অদুমক ফংহনবগা লোইননা ফিজিকেল কন্তেক্ত লৈহন্দনা হেল্থ কিয়র লৌনবা মীয়াম্না পাম্নরিবা পাম্বৈ অমা ওইরক্লি। রাজ্য/য়ু.তি. ২৭তা নুংতিগী ওইনা অনাবা মীওই ১১,০০০গী মথক্না হেল্থ সর্ভিস লৌরি। রাজ্য খরদা মোদেল অমা ওইনা চহি চুপ্পা অনাবা মীওইশিং শেবা তৌনবা মরু ওইনা অরাপ্পা মফমশিংদা ইসঞ্জীবনি অসিনসু হোৎনরি।
ইসঞ্জীবনি অমসুং ইসঞ্জীবনি ও.পি.দি. প্লেৎফোর্মশিংগী খুত্থাংদা কন্সল্তেসনশিং খ্বাইদগী য়াম্না রেজিস্তর তৌখিবা মকোক থোংবা রাজ্য তরা অদুদি তামিল নাদু (২৫৯৯০৪), উত্তর প্রদেশ (২১৯৭১৫), কেরেলা (৫৮০০০), হিমাচল প্রদেশ (৪৬৬৪৭), মধ্য প্রদেশ (৪৩০৪৫), গুজরাত (৪১৭৬৫), অন্ধ্র প্রদেশ (৩৫২১৭), উত্তরাখন্দ (২৬৮১৯), কর্নাতকা (২৩০০৮), মহারাস্ত্র (৯৭৪১)নি।
ইসঞ্জীবনিগী তেলিমেদিসিন মখল অনিমক মমিং ওইনা পল্লবদা – দোক্তর-তু-দোক্তর (ইসঞ্জীবনি এ.বি.-ঐচ.দবল্যু.সি.) অমসুং পেসেন্ত-তু-দোক্তর (ইসঞ্জীবনি ও.পি.দি.) অসিনা নাকল অনিমক্তা য়ুজরশিংগী হায়বদি পেসেন্তশিং/হেল্থ ৱার্করশিংনা নাকল অমদা অমসুং নাকল অমদা দোক্তরশিংগী মরক্তা পাম্নবা হেনগৎলক্লি। ইসঞ্জীবনি এ.বি.-ঐচ.দবল্যু.সি. অসি হকশেল অমসুং য়াইফ-য়ুম্বাল মন্ত্রালয়না নবেম্বর ২০১৯দা হৌদোকখি অমসুং দিসেম্বর ২০২২ ফাওবা ‘হব এন্দ স্পোক’ মোদেলদা ভারত সরকারগী আয়ুশমান ভারত স্কীমগী মখাদা হেল্থ এন্দ ৱেলনেস সেন্তর ১,৫৫,০০০দা ইমপ্লিমেন্ত তৌগনি। ইসঞ্জীবনি এ.বি.-ঐচ.দবল্যু.সি. অসি হেল্থ এন্দ ৱেলনেস সেন্তর ৪,৭০০কী মথক্তা মথৌ তৌরি অমসুং মসি শীজিন্নবগী মতাংদা দোক্তর অমসুং হেল্থ ৱার্কর ১৭,০০০গী মথক্তা ত্রেন তৌখ্রে। ইসঞ্জীবনি ও.পি.দি., অনিশুবা মখল অসি আশা লৈবা থৌরাং অমনি, মসি লোকদাউনগী অহানবা শরুক্তা লৈবাক শিনবা থুংনা কোবিদ-১৯ লাইনা শন্দোকপা থিংনবা ও.পি.দি.শিং থোং লোনখিবা মতমগী মনুং এপ্রিল ১৩দা হৌদোকখি।
ইসঞ্জীবনি অসি আউৎপেসেন্ত সর্ভিস লৌনবা হোৎনবদা লাপ্না লাকপগী মতম অমসুং শেল চংবনা অপনবশিং পীরিবা মীওই কাংলুপশিংগী মরক্তা কান্নবা পীরি। মসিনা দোক্তর অমগা লোইননা তান্নবগী ওইথোকপা য়াবা অমসুং খুদোংচাবগী ওপ্সন অমা ওইখি। হৌজিক ফাওবদা জিলা ১৬না কন্সল্তেসন ১০,০০০গী মথক্তা রেজিস্তর তৌখ্রে অমসুং জিলা ১০০গী মথক্না কন্সল্তেসন ১০০০গী মথক্তা রেজিস্তর তৌখ্রে।
ইসঞ্জীবনি ও.পি.দি.দা ওনলাইন ও.পি.দি. ২২০গী মথক্তা তেলিমেদিসিন সর্ভিসশিং ফংহন্নবা দোক্তর ৭৫০০গী মথক্তা ত্রেন তৌখ্রে অমসুং শীজিন্নহনখ্রে। ইসঞ্জীবনি ও.পি.দি. অসি পেসেন্তশিংনা মখোয়গী য়ুমশিংদা লৈদুনা ও.পি.দি. সর্ভিসশিং ফংহনবা ঙম্লি। তেলিমেদিসিন প্রেক্তিস্নর ১০০গী মথক্না তেলিকন্সল্তেসন ১,০০০কী মথক্তা মপুং ফানা তৌখ্রে অমসুং মখোয় খরনা কন্সল্তেসন ১০,০০০গী মথক্তা তৌখ্রে। পেসেন্তশিংগী মতাংগী ওইনদি পেসেন্তগী ২০%গী মথক্না ইসঞ্জীবনি শীজিন্নদুনা অমুক্তগী হেন্না দোক্তরশিংগা তান্নরি। অয়াম্বনা মসি অপীকপা জিলা ঙাক্না, মসিনা তাক্লি মদুদি ইসঞ্জীবনি অসিনা অপীকপা জিলাশিংদসু চপ মান্ননা নত্ত্রগা হেন্না কান্নবা ফংহল্লি হায়বনি।
হকশেল মন্ত্রালয়না রাজ্য/য়ু.তি. সরকারশিংগা লোইননা হ্যুমেন রিসোর্সশিং শীজিন্নবা মখা তানা হেনগৎহন্নবা লেপ্তনা থবক পাইখৎলি: রাজ্য খরদা চপ মান্নবা দোক্তরশিং অমসুং স্পেসিএলিস্তশিংগী সেৎনা হৌজিক দোক্তর-তু-দোক্তর অমসুং পেসেন্ত-তু-দোক্তরগী ইসঞ্জীবনিগী সর্ভিস মখল অনিমক ফংহল্লি। সি-দেক মোহলিগী ইসঞ্জীবনিগী তিম অসিনা ইসঞ্জীবনি দিবেলপ তৌবা, দিপ্লোই তৌবা, ইমপ্লিমেন্ত তৌবা, ত্রেনিং পীবা, চল্লাইবা অমসুং য়েংশিনবা য়াওনা তেক্নিকেল সপ্পোর্ত পুম্নমক্তা ইসঞ্জীবনিগী তিমনা মতেং পাংলি।
*****
(Release ID: 1674477)
Visitor Counter : 170