ভিদিও কনফরেন্সিংগী খুৎথাংদা ঙসি মফম অসিদা পাংথোকখিবা ৩৩শুবা স্তোপ তি.বি. পার্তনরশিপ বোর্দ মীফম অদুদা হকসেল অমসুং য়াইফ য়ুম্বালগী কেন্দ্রগী মন্ত্রী দা. হার্শ বর্ধননা ৱা ঙাংখ্রে৷

ইনফেক্সিয়র্স দিজিজেস অসি চহী কয়া অমা লান্থেংনদুনা লাক্লিবা অসি কোবিদ-১৯ অসিনা অমুক হন্না নিংশিংহল্লে হায়না দা. হার্শ বর্ধননা অসুম্না ফোংদোকখ্রে, “শিবা য়াবা ভাইরস অসিনা চহী খুজিং কয়া অমগী ঐখোয়গী পেনস্তেকিং ইফোর্তশিং অদু নান্থোকহল্লে অমসুং তি.বি.গুম্বা ইনফেক্সিয়র্স কিল্লর দিজিস কয়া অমদগী সাইন্তিফিক এতেন্সন লৈহন্দ্রে৷ লোকদাউনশিং অসিনা পেসেন্তশিং অসিদা লানঙমদ্রবা খল কয়ামরোম লৈহনখ্রে অমসুং হৌজিক ফাওবদা লৈবাক মীয়াম্না কোরোনা ভাইরস অসিদা অকিবা লৈরি৷ মমাংগী থা তরা অসিদা লাইয়েং চৎথবদা অকাইবা পীবা, দ্রগশিং ফংহনবদা থেংথহনবা, দাইয়েগ্নোস্তিক তেস্তশিংগী সপ্লাই তপহনবা, দাইয়েগ্নোসিস থেংথহনবা, সপ্লাই চেনশিং থুগাইবা, মেনুফেকচরিং কেপাসিতী দাইভরসন তৌবা অমসুং লাইয়েংন্নবগীদমক অথাপ্পা ক্লিনিকশিংদা চৎকদৌরিবা পেসেন্তশিং অসিগীদমক ফিজিকেল বেরিয়র ইমপোজিসন তৌবা অসি ঐখোয় পুম্নমক্না খঙলে৷”

লাইনা-লাইচৎ অসিগী মনুংদা তি.বি. প্রোগ্রামশিং ইমপ্লিমেন্তেসন তৌবা অসিগী মতাংদা প্রোএক্তিবলী কন্তেক্তিং কন্ত্রীশিং অসিগীদমক স্তোপ তি.বি. পার্তনরশিপ অদু থাগৎলদুনা তি.বি.গা মরী লৈননা সস্তেনেবল দিভেলপমেন্ত গোল তার্গেৎ মালেম অসিনা ২০৩০ ফাওবগী মনুংদা তার্গেৎ থম্লিবা অসিগী চহী ৫ মাংওইননা ফংবা ঙম্নবা পান্দম থম্লিবা ভারতকী “তি.বি. হরেগা, দেশ জীতগা” কেম্পেন্দ অদু মন্ত্রী অসিনা পনখ্রে; ভারতনা তি.বি. নোতিফিকেসনশিং হেঙ্গৎনবা হোৎনখ্রে অমসুং ‘মিসিং মিলিয়ন তি.বি. কেস’ তা লৈরিবা গেপ অদু মেনশিন্নবা হোৎনখ্রে৷

“২০২০গী জনুৱারীদগী ওক্তোবর ফাওবগী মতম অসিগী মনুংদা তি.বি. কেস মশিং লাখ ১৪.৫ খক্তমক খংবা ঙমখি, মসি ২০১৯গী হায়রিবা মতম অসিদগী ২৯% হন্থৈ অমসুং রাজ্য খরদা খুদম ওইনা মহারাস্ত্র, তামিল নাদু, আন্দ্র প্রদেশ, মনিপুর অমসুং গোৱাদা ৩৫-৪০% য়ৌনা তাখি” হায়না মহাক্না ফোংদোকখি৷ অসিগুম্না লোকদাউনগী মতম অসিগী মনুং ফাওবদা ২০%দগী হেন্না তানা ইমপেক্ত ফংখিবা রাজ্যশিং খুদম ওইনা সিক্কিম, তেলঙ্গনা, হরিয়ানা, অরুনাচল প্রদেশ, কেরলা, হিমাচল প্রদেশ অমসুং ওরিশাদা লৈরিবা সিল্ভর লাইনিং অদু মহাক্না পনখ্রে৷ “হায়রিবা রাজ্যশিং অসিনা মখোয়গী তি.বি. কেস ফাইন্দিং এক্তিবিতীশিং অদু কোবিদ প্রিভেন্তিব মিজরশিংগা পুনশিন্নবা হোৎনখ্রে,” হায়না মহাক্না মখাতানা ফোংদোকখি৷

কোবিদ-১৯ লাইনা-লাইচৎ অসিগী শাফু হন্থনবা লৌখৎলিবা খোংথাংশিং অদু শন্দোক্না তাক্লদুনা দা. হার্শ বর্ধননা কেন্দ্রগী হকশেল মন্ত্রালয়গী বাই-দাইরেক্সনেল তি.বি.-কোবিদ স্ত্রিনিংগী রিকম্মেন্দেসন, আই.এল.আই. অমসুং সারি কেসশিংগী মরক্তা স্ক্রিনিং তৌবা, প্রাইভেৎ সেক্তর এঙ্গেৎমেন্ত হেন্না চাথোকহনবা, তি.বি. প্রোগ্রামদা রিপর্পোস ঐচ.আর. অমসুং সি.বি.এন.এ.এ.তি. অমসুং ত্রুনেৎ মেছিনশিং অমুক হন্না দিপ্লোই তৌখ্রে হায়না ফোংদোকখি৷

লৌখৎলিবা চেকশিন থৌরাং অসিনা মতৌ করম্না তি.বি. সর্ভিসশিং অসি অমুক হন্না রিকোভর তৌবা ঙম্লিবনো হায়বা অদু মহাক্না মতুং তারকপদা ফোংদোকখ্রে, “হেল্থ ফেসিলিতীশিং অসি অমুক হন্না ফংহল্লে অমসুং সরকার অমসুং প্রাইভেৎ হেল্থ ক্লিনিকশিং অসিনা তেস্ত তৌদ্রিঙৈগী মাংওইননা মীয়ামশিংনা হেন্না হেন্না মাংজৌননা তেস্ত তৌনরক্লি৷ কম্ম্যুনিতী অসিদা আউত্রিস এক্তিবিতীশিংগী খুৎথাংদা কেস ফাইন্দিং অদু পাংথোকখ্রে৷ কোবিদ এক্তিবিতীশিংগীদমক, পব্লিক হেল্থ এক্সন খুদম ওইনা কাউন্সিলিং, কন্ত্রেক ত্রেসিং অমসুং ন্যুত্রিস্নেল সপোর্ত পীন্ননবগীদমক মতম থরা থাদোকখিবা স্তাফশিং অদু তপ্না তপ্না হল্লকখ্রে৷”

ক্রাইসিস অসিবু খুদোংচাবা অমরোমদা ওন্থোক্লিবা ভারতকী স্ত্রাতিজী অদুগী মতাংদা ৱা ঙাংলদুনা দা. হার্শ বর্ধননা অসুম্না ফোংদোকখ্রে, “হেল্থ সিস্তেম মপাঙ্গল কন্নবা অমসুং ইনফেক্সিয়র্স দিজিজেস কন্ত্রোলগী খুৎথাংদা তি.বি. ইলিমিনেসন এক্তিবিতীশিং অসি হেন্না পাংথোক্নবা কোবিদ-১৯ অসিনা ঐখোয়দা খুদোংচাবা অমা পীরে”৷ মরু ওইনা মহাক্না ফোংদোকখিবশিং অদুদি:

1. পেন্দেমিক রেস্পোন্স মিজরশিং অসিগী শরুক অমা ওইনা দেদিকেতেদ ইনফেক্সিয়র্স দিজিস হোস্পিতাল কয়ামরোম থোক্লক্লে৷ মসিনা তি.বি. কেয়র অমসুং মেনেজমেন্তদা য়াম্না চাওনা কন্ত্রিব্যুত তৌরগনি৷
2. লৈবাক অসিগী মোলিকুলর দাইয়েগ্নোস্তিক কেপাসিতী অদুসু কা হেন্না হেঙ্গৎখ্রে৷ কার্ত্রিদজতা বেস তৌবা অসিগুম্বা মল্তি-প্লেতফোর্ম দিভাইসশিং অমসুং চিপ বেস তেক্নোলোজী অসিনা তি.বি. দাইয়েগ্নোসিস দিসেন্ত্রেলাইজ তৌবা য়ারগনি৷
3. লাইনা-লাইচৎ অসিগী মনুংদা থোক্লিবা বিহেবিয়র চেঞ্জশিং খুদম ওইনা লোক খুদনবা লু-নানবা, মাক্সশিং শিজিন্নবা, ফিজিকেল দিস্তেনশিং থম্বা অসিনা রেস্পিরেতরীগী অনাবা অমা ওইরিবা ত্যুবরক্যুলোসিস লাইনা অসি শন্দোকপা হন্থহনবদা মতেং পাংলগনি৷
4. লাইনা-লাইচৎ অসিগী মনুং অসিদা তেলিমেদিসিন অমসুং তেলিকন্সল্তেসন তৌবগী চাং হেঙ্গৎলকপা অসিনা ত্যুবরক্যুলোসিস কন্সল্ত তৌবগী চেন্নেলশিং ফংহল্লগনি৷

তি.বি.গুম্বা কন্ত্রোল তৌবা ঙমদ্রবা ইনফেক্সিয়র্স দিজিসশিং অসিনা মরম ওইরগা মমাংদা মমল য়াম্লবা পুন্সি মাংখ্রবশিং অদুগীদমক মীয়ামশিংগী মরক্তা এৱেয়রনেস তৌবা হেঙ্গৎনবা, হেল্থকেয়র সেক্তরদা হেন্না শেল থাদনবা অমসুং সরকারগী পোলিসী নিংথীজনা পাংথোক্নবা মালেম অসিগী হেল্থ লিদরশিপ অদু হেন্না থৌনা হাপ্পিদুনা দা. হার্শ বর্ধননা মহাক্কী ৱারোল অদু অসুম্না ফোংদোক্তুনা ৱারোইশিন পীখি: “তি.বি. লাইনা অশিগী মাইয়োক্তা ঐখোয়না অচৌবা ইহৌ অমা শেম্বা ঙম্লবদি লাইনা অসি মুথৎপা য়াম্না অরুবা নত্তে৷ মসিদা স্ত্রাতিজাইজ এদভোকেসী, ৱাখল লৈবা লিদরশিপ অমসুং দিসরপ্তিব সোসিয়েল এন্তর্প্রিনরশিপ দরকার ওই৷ মসিদা মাস মোবিলাইজেসন, এগ্রেসিব কেমপেন্দশিং, শক্তি লৈবাক পার্তনরশিং অমসুং য়াম্না পুক্নিং চংনা পাংথোকপা তঙাই ফদে৷ অমসুং ময়াম অসিগী মথক্তা মসিদা শক্তি লৈবা সমাজ অমসুং পোলিতিকেল কম্মিতমেন্ত অমা মরু ওই৷”

মীফম অদুদা জে.তি. সেক্রেতরী(হেল্থ) শ্রী বিকাস শীল অমসুং অতোপ্পা সেনিয়র ওফিসিয়েলশিংনা শরুক য়াখি৷

******