ভারতনা মীপুম খুদিংদা হেল্থকিয়র ফংহন্নবা চংশিল্লিবা খোঙচৎ অসিদা অচৌবা তানফম অমা লানখ্রে। লৈবাক শিনবা থুংনা আয়ুশমান ভারত-হেল্থ এন্দ ৱেলনেস সেন্তর (ঐচ.দবল্যু.সি.শিং) ৫০,০০০গী মথক্তা (৫০,০২৫) হৌজিক চল্লাইরি। মীয়ামদা মখোয়গী য়ুমগী অনকপদা কম্প্রিহেন্সিব প্রাইমরী হেল্থম কিয়র (সি.পি.ঐচ.সি.) সর্ভিসশিং ফংহন্নবা পান্দম থমদুনা দেসেম্বর ২০১১ ফাওবদা এ.বি.-ঐচ.দবল্যু.সি. লাখ ১.৫ লিংখৎকনি। ৫০,০০০গী মথক্তা লিংখৎখিবগা লোইননা থম্লিবা পান্দম অসিগী ১/৩দি ফংবা ঙমখ্রে। মসিনা মরম ওইরগা মীওই করোর ২৫গী মথক্তা অহোংবা মমলদা প্রাইমরী হেল্থকিয়র সর্ভিসশিং ফংহনবা হেনগৎহনখ্রে।

কেন্দ্রগী হকশেল অমসুং য়াইফ-য়ুম্বাল মন্ত্রালয়গী মন্ত্রী দা. হর্শ বর্ধন্না রাজ্যশিং/য়ু.তি.শিংনা কোবিদ-১৯গী লাইচৎ অসিনা থোকহল্লিবা অৱাবশিং অসি লৈজরবসু ঐচ.দবল্যু.সি.শিং চল্লাইনবা হোৎনখিবা অসিগীদমক থাগৎপা ফোঙদোকখি। “মসি সেন্তর অমসুং রাজ্য/য়ু.তি.শিংনা থাক পুম্নমক্তা প্লানিং, মোনিতর তৌবা, প্রোসেসশিং স্তেন্দর্দাইজ তৌবা, রাজ্যশিং/য়ু.তি.শিংদা শেমদোক-শেমজিন তৌবা য়াহনবা পুন্নবা হোৎনখিবশিং অমসুং হৌজিক লৈরিবা হেল্থকিয়র সিস্তেমশিং অসিনা মরম ওইরগা ওইথোকপা ঙমখিবনি”, হায়না মহাক্না ফোঙদোকখি। ঐচ.এফ.এম.না ফ্রন্তলাইন হেল্থ ৱার্করশিং, মেদিকেল ওফিসরশিং, কম্ম্যুনিতী হেল্থ ওফিসরশিং অমসুং আশাশিংনা কম্প্রিহেন্সিব প্রাইমরী হেল্থম কিয়র সর্ভিসশিং ফংহন্নবা অমসুং অৱাবা তারিবা মতম অসিদা মথৌ তাবা সর্ভিসশিংগা লোইননা মীওই মিলিয়ন কয়াদা মতেং পাংদুনা হিরম অসিদা কত্থোকপগা লোইননা হোৎনখিবা অসিগীদমক অখন্ননা থাগৎপা ফোঙদোকখি। “মখোয় অসি হেল্থকিয়র দেলিবরী সিস্তেমগী মরু ওইবা থৌদাং লৌরিবশিংনি। মখোয়না কোবিদকী মতম অসিগী মনুংদা লৌখিবা থৌদাং অসি শীংথানিংঙাই ওই,” হায়না মহাক্না হায়খি। রিস্ক কম্ম্যূনিকেসন, কন্তেক্ত ত্রেসিং, কম্ম্যুনিতী সর্ভিলেন্স অমসুং কেসশিং ঙন্না খঙদোকপা অমসুং পোকপদা ঙাইরিবা অঙাং, অহল ওইরবা অমসুং কো-মোর্বিসিতীশিংগা লোইনরিবশিং অসিগুম্বা খুদোংথিবা য়াবা কাংলুপ অসি ঙাকথোক্না নন-কোবিদকী তঙাই ফদবা হেল্থ সর্ভিসশিং লেপ্তনা ফংহন্নবা হোৎনবা অসিগুম্বা খোঙথাংশিংদা ঐচ.দবল্যু.সি.শিংনা মতেং পাংখি।

অসামগী ঐচ.দবল্যু.সি. অমদা #কোবিদ১৯ স্ক্রেনীং তৌবা  

আয়ুশমান ভারত অসি য়ুম্বী অনি ওইরিবা হেল্থ এন্দ ৱেলনেস সেন্তরশিং (ঐচ.দবল্যু.সি.শিং) অমসুং প্রধান মন্ত্রী জন অরোগ্যা য়োজনা (পি.এম.জে.এ.ৱাই.)গা লোইননা ২০১৮দা হৌদোকখি লোইননা কিয়রগী মখল পুম্নমক্তা সর্ভিসকী মপুং ফানা ফংহন্নবা অনি অসিগী মরক্তা বাইদিরেক্সনেল লিঙ্কেস তৌখি। ছত্তিসগরগী বিজাপুর জিলাগী ঝঙ্গলাদা ২০১৮গী এপ্রিল ১৪দা ইকাই খুম্নরবা প্রধান মন্ত্রী শ্রী নরেন্দ্র মোদীনা অহানবা এ.বি.-ঐচ.দবল্যু.সি. হৌদোকখি।

হেল্থ এন্দ ৱেলনেস সেন্তরশিংনা মীয়ামদা সি.পি.ঐচ.সি.গী সর্ভিসশিং ফংহনখি অমসুং রিপ্রদক্তিব, মেতর্নেল, নিওনেতেল, চাইল্দ, এদোলেস্সেন্ত অমসুং ন্যুত্রিসন (আর.এম.এন.সি.ঐচ.এ.+এন.) সর্ভিসশিং অমসুং লৌনগনবা লাইনাশিং লাকশিনবগী প্রোবিজন অসি ফংহন্নবা হোৎনখি। মখোয়না মীয়ামগা হোৎন্দুনা অমসুং হকশেল পুন্সি মহিংশিং, চুনবা মচি ওইবা চীঞ্জাকশিং অমসুং য়োগগুম্বা হকচাং শাজেলশিংগী খুত্থাংদা লাইনা ঙাকথোক্নবা মরু ওইনা ক্রোনিক অমসুং লৌনগনদবা লাইনশিং, হকচাং ফনা থম্নবা মীৎয়েং থমখি। ঐচ.দবল্যু.সি. তিমদা ত্রেন্দ তৌরবা কম্ম্যুনিতী হেল্থ ওফিসর অমা, হেল্থ ৱার্কর অমা নত্ত্রগা অনি অমসুং আশা ৫-৮ য়াওগনি। তিম অসিনা মীয়ামদা হেল্থ-ইয়র সর্ভিসশিং নকশিনহন্দুনা পব্লিক হেল্থ ফঙ্কসনশিং অমসুং প্রাইমরী হেল্থকিয়র ফংহন্নবা পান্দমগা লোইননা মথৌ ময়েক শেংনা লৈজৈ।

মথৌ তৌরিবা এ.বি.-ঐচ.দবল্যু.সি. ৫০,০২৫ অসি জিলা ৬৭৮তা হৌজিক লৈরে অমসুং মসিদা সব হেল্থ সেন্তর ২৭,৮৯০, প্রাইমরী হেল্থ সেন্তর ১৮,৫৩৬ অমসুং অর্বান প্রাইমরী হেল্থ সেন্তর ৩,৫৯৯ য়াওরি। পুন্না মসিগী এ.বি.-ঐচ.দবল্যু.সি. অসিদা মীওই করোর ২৮.১০গী মথক্তা লাকপা থেংনখি সেন্তর অসিদা লায়েংবা লাকখিবা অসিগী মনুংদা চাদা ৫৩%দি নুপী ওইখি। মীওই করোর ৬.৪৩গী মথক্তি হাইপরতেন্সন লৈরে হায়না স্ক্রীন তৌখি, করোর ৫.২৩না দাইবেতিস অমসুং মীওই করোর ৬.১৪না সেন্সর লৈ হায়না স্ক্রীন তৌখি। মীওই করোর ১.০রোমদি হাইপরতেন্সনগী অমসুং লাখ ৬রোমনা দাইবেতিস লায়েংনবা লেম্না হিদাক-লাংথকশিং পীখি।

পুরাদা ঐচ.দবল্যু.সি. অমদা কম্ম্যুনিতী হেল্থ ওফিসরনা হাইপরতেন্সন স্ক্রীন তৌবা

এ.বি.-ঐচ.দবল্যু.সি. প্রোগ্রামগী খাদা হকচাং ফনা থম্বা হায়বা অসিদা মীৎয়েং চংবা অসিনা খ্বাইদগী অচৌবা খোঙথাংশিংগী মরক্তা অমনি। য়োগ, জুম্বা, কম্ম্যুনিতী ৱাকশিং, শিরোধরা, মেদিতেসন অসিনচিংবা শাজেলশিং য়াওনা সেন্তরশিং অসিদা ৱেলনেস সেসন লাখ ৩০গী মথক্তা পাঙথোকখ্রে।

ওরিশাগী ফুবসাহি খোর্ধাদা #য়োগ সেসন

হকশেল মন্ত্রালয়গী ইসঞ্জীবনি পেসেন্ত-তু-দোক্তর ও.পি.দি. অমসুং দোক্তর-ত-দোক্তর তেলিকন্সল্তেসন সর্ভিস পীরিবা ইসঞ্জীবনি-ঐচ.দবল্যু.সি. য়াওনা ইসঞ্জীবনি প্লেৎফোর্ম অসি ইমপ্লিমেন্ত তৌবদা ঐচ.দবল্যু.সি.শিংনা য়াম্না মরু ওইবা থৌদাং অমা লৌখি। ঐচ.দবল্যু.সি. ২৩,১০৩না প্রজাশিংদা তেলিকন্সল্তেসন সর্ভিসশিং ফংহনবা হৌখ্রে। প্লেৎফোর্মশিং অসিগী খুত্থাংদা তেলিকন্সল্তেসন লাখ ৭.৫কী মথক্তা ফংহনখ্রে। ইসঞ্জীবনি-ঐচ.দবল্যু.সি. অসি নবেম্বর ২০১৯দা হৌদোকখি। মসি দিসেম্বর ২০২২ ফাওবদা ‘হব অমসুং স্পোক’ মোদেলদা হেল্থ এন্দ ৱেলনেস সেন্তর লাখ ১.৫তা ইমপ্লিমেন্ত তৌগদবনি। রাজ্যশিংনা ‘স্পোকশিং’ হায়বদি হেল্থ এন্দ ৱেলনেস সেন্তরশিং (ঐচ.দবল্যূ.সি.)দা তেলিকন্সল্তেসন সর্ভিসশিং ফংহন্নবা দেদিকেতেদ ‘হবশিং’ মেদিকেল কোলেজশিং অমসুং দিস্ত্রিক্ত হোস্পিতাকশিং লিংখৎপা মথো তাই।

১৮.১১.২০২০ ফাওবদা রাজ্য/রাজ্যগী মথৌ তৌরিবা এ.বি.-ঐচ.দবল্যু.সি.শিং

******