তীখা মন্ত্ৰালয়
শ্ৰী ধৰ্মেন্দ্ৰ প্ৰধানে ক’লে যোৱা ৬ বছৰত খনি খণ্ডত সর্বাধিক উন্নতি আৰু নীতিগত আদর্শৰ পৰিৱর্তন সাধন কৰা হৈছে
Posted On:
18 NOV 2020 3:01PM by PIB Guwahati
কেন্দ্রীয় তীখা, পেট্রোলিয়াম আৰু প্রাকৃতিক গেছ মন্ত্রী শ্রী ধর্মেন্দ্র প্রধানে কয়, বিগত ৬ বছৰত খনি খণ্ডত একাধিক নীতিগত সংস্কাৰ সাধন কৰি এক দৃষ্টান্ত স্থাপন কৰা হৈছে। পিএইচডিচিচিআই-এ আয়োজন কৰা ৰাষ্ট্ৰীয় খনি সম্মিলনত ভাষণ দি আজি এই কথা জনায় মন্ত্ৰীগৰাকীয়ে। কেন্দ্রীয় মন্ত্রীগৰাকীয়ে কয়, স্বনির্ভৰশীলতাৰ লক্ষ্য প্ৰাপ্তিৰ বাবে আৰু অধিক মূল্য সংযোজনৰ প্রয়োজন। তেওঁ কয়, দেশৰ প্রাকৃতিক সম্পদৰ মালিক দেশৰ জনসাধাৰণ। সেয়ে উচ্চতম ন্যায়ালয়ে সিদ্ধান্ত গ্ৰহণ কৰিছে যে এই প্রাকৃতিক সম্পদ নিষ্কাষণৰ বাবে এক নতুন প্রক্রিয়াৰ প্রয়োজন। এই কথা অনুসৰণ কৰি পৰৱর্তী সময়ত চৰকাৰে উক্ত পথেৰেই অগ্রসৰ হৈছে। সেয়ে এই প্রক্রিয়াৰ মানোন্নয়নৰ বাবে একাধিক পদক্ষেপ গ্রহণ কৰা হৈছে । যিসমূহ ৰাজ্যত এই প্রাকৃতিক সম্পদৰ ভাণ্ডাৰ আছে তেওঁলোকৰ উপার্জন বৃদ্ধিৰ ক্ষেত্রত বিশেষ পদক্ষেপ গ্রহণ কৰা হৈছে।
শ্রী প্রধানে কয়, প্রধানমন্ত্রীয়ে কয়লা, আকৰিক লোহা, বক্সাইট, মেংগানিজৰ দৰে বিৰল প্রাকৃতিক সম্পদৰ যথাযথ মূল্যায়ন আৰু উত্তোলনৰ বিষয়ে পৰিকল্পনা গ্রহণ কৰিছে। সেয়ে স্বচ্ছ নিলাম প্রক্রিয়াৰ মাধ্যমেৰে এইসমূহ প্রাকৃতিক সম্পদৰ ভাণ্ডাৰসমূহৰ পৰা প্রাকৃতিক সম্পদ উত্তোলনৰ বিষয়টিৰ ওপৰত গুৰুত্ব দিয়া হৈছে। তেওঁ কয়, এই নিলাম প্রক্রিয়া পূৰ্বতকৈ অধিক সহজ-সৰল কৰা হৈছে। বিশ্বব্যাপি যিকোনো আন্তর্জাতিক বিনিয়োগকাৰী সংস্থাই এই প্রক্রিয়াত অংশ গ্ৰহণ কৰিব পৰিব। ইয়াৰ ফলত দেশত বিনিয়োগ বৃদ্ধি পাব বুলি মত প্রকাশ কৰে তেওঁ। শ্রী প্রধানে কয়, এই ঐতিহাসিক পদক্ষেপ গ্রহণৰ ফলত দেশখনে কেৱল মাত্র লাভৱানেই নহব, ভাৰত আগন্তুক সময়ত বিশ্ব উৎপাদনশীল কেন্দ্ৰত পৰিণত হ’ব।
শ্রী প্রধানে আৰু কয়, এই ক্ষেত্রত প্রযুক্তি, ডিজিটেলাইজেশ্যন, নতুন ব্যৱসায়িক নীতি ইত্যাদি গ্রহণ কৰা হৈছে । ইয়াৰ ফলত দেশৰ খনি খণ্ডত বৃহত্তৰ বজাৰ গঢ়ি উঠাৰ লগতে আত্মনির্ভৰতাৰ পথো সৃষ্টি হ’ব।
******
YB/KG
(Release ID: 1673934)
Visitor Counter : 163