ਕੇਂਦਰੀ ਇਸਪਾਤ ਅਤੇ ਪੈਟਰੋਲੀਅਮ ਤੇ ਕੁਦਰਤੀ ਗੈਸ ਮੰਤਰੀ, ਸ਼੍ਰੀ ਧਰਮੇਂਦਰ ਪ੍ਰਧਾਨ ਨੇ ਅੱਜ ਕਿਹਾ ਕਿ ਮਾਈਨਿੰਗ ਇੱਕ ਅਜਿਹਾ ਮਹੱਤਵਪੂਰਨ ਸੈਕਟਰ ਹੈ, ਜਿੱਥੇ ਪਿਛਲੇ 6 ਵਰ੍ਹਿਆਂ ਵਿੱਚ ਵੱਡੀ ਪੱਧਰ 'ਤੇ ਨੀਤੀਗਤ ਸੁਧਾਰ ਕੀਤੇ ਗਏ ਹਨ, ਜਿਸ ਨਾਲ ਇੱਕ ਆਦਰਸ਼ ਬਦਲਾਅ ਆਇਆ ਹੈ। ਅੱਜ ਪੀਐੱਚਡੀਸੀਸੀਆਈ ਦੁਆਰਾ ਆਯੋਜਿਤ ਰਾਸ਼ਟਰੀ ਮਾਈਨਿੰਗ ਸੰਮੇਲਨ ਨੂੰ ਸੰਬੋਧਨ ਕਰਦਿਆਂ ਉਨ੍ਹਾਂ ਆਤਮਨਿਰਭਰਤਾ ਵਧਾਉਣ ਲਈ ਮਹੱਤਵ ਵਿੱਚ ਵਾਧੇ ਦੀ ਮੰਗ ਕੀਤੀ। ਮੰਤਰੀ ਨੇ ਕਿਹਾ ਕਿ ਮਾਣਯੋਗ ਸੁਪਰੀਮ ਕੋਰਟ ਨੇ ਫੈਸਲਾ ਲਿਆ ਸੀ ਕਿ ਦੇਸ਼ ਦੇ ਕੁਦਰਤੀ ਸੰਸਾਧਨਾਂ ਦੀ ਮਾਲਕੀ ਦੇਸ਼ ਦੇ ਲੋਕਾਂ ਨਾਲ ਹੈ ਅਤੇ ਅਜਿਹੇ ਕੰਮਾਂ ਲਈ ਨਵੀਂ ਪ੍ਰਕ੍ਰਿਆ ਦੀ ਮੰਗ ਕੀਤੀ ਹੈ। ਇਸਦੇ ਬਾਅਦ, ਸਰਕਾਰ ਇਸ ਦਿਸ਼ਾ ਵਿੱਚ ਅੱਗੇ ਵਧੀ ਹੈ ਅਤੇ ਅਲਾਟਮੈਂਟ ਲਈ ਨਾਮਜ਼ਦਗੀ ਤੋਂ ਬੋਲੀ ਲਗਾਉਣ ਦੀ ਪ੍ਰਕਿਰਿਆ ਵਿੱਚ ਤਬਦੀਲੀ ਸ਼ੁਰੂ ਕੀਤੀ ਗਈ ਸੀ। ਉਹ ਰਾਜ, ਜਿੱਥੇ ਇਹ ਸੰਸਾਧਨ ਹਨ, ਇਸ ਪ੍ਰਾਪਤੀ ਨਾਲ ਹੋਣ ਵਾਲੀ ਆਮਦਨ ਵਿੱਚ ਵੱਡੇ ਲਾਭਾਰਥੀ ਬਣ ਗਏ ਹਨ।

ਸ਼੍ਰੀ ਪ੍ਰਧਾਨ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨੇ ਕਲਪਨਾ ਕੀਤੀ ਹੈ ਕਿ ਸਾਰੇ ਕੁਦਰਤੀ ਸੰਸਾਧਨਾਂ ਸਮੇਤ ਕੋਲਾ, ਲੋਹਾ, ਬਾਕਸਾਈਟ, ਮੈਗਨੀਜ, ਦੁਰਲੱਭ ਧਾਤਾਂ ਦਾ ਸਹੀ ਮੁੱਲਾਂਕਣ ਅਤੇ ਖੁਦਾਈ ਕੀਤੀ ਜਾਣੀ ਚਾਹੀਦੀ ਹੈ ਅਤੇ ਉਨ੍ਹਾਂ ਦਾ ਮੁਦਰੀਕਰਨ ਪਾਰਦਰਸ਼ੀ ਬੋਲੀ ਪ੍ਰਕਿਰਿਆ ਰਾਹੀਂ ਕੀਤਾ ਜਾਣਾ ਚਾਹੀਦਾ ਹੈ ਅਤੇ ਉਸੇ ਸਮੇਂ, ਦੇਸ਼ ਦੀ ਲਾਗਤ ਪ੍ਰਤੀਯੋਗਤਾ ਬਣਾਈ ਰੱਖਣੀ ਚਾਹੀਦੀ ਹੈ। ਉਨ੍ਹਾਂ ਕਿਹਾ ਚੁਣੌਤੀ ਪ੍ਰਕਿਰਿਆਵਾਂ ਨੂੰ ਸਰਲ ਅਤੇ ਆਸਾਨ ਬਣਾਉਣ ਦੀ ਹੈ। ਮੰਤਰੀ ਨੇ ਕਿਹਾ ਕਿ ਆਲਮੀ ਪਿੰਡ ਦੇ ਇਸ ਯੁੱਗ ਵਿੱਚ, ਅੰਤਰਰਾਸ਼ਟਰੀ ਨਿਵੇਸ਼ਕ ਸਿਰਫ ਤਾਂ ਹੀ ਨਿਵੇਸ਼ ਕਰਨਗੇ ਜਦੋਂ ਉਹ ਉੱਦਮ ਵਿੱਚ ਨਿਸ਼ਚਿਤਤਾ ਅਤੇ ਮੁਨਾਫਾ ਵੇਖਣਗੇ। ਉਨ੍ਹਾਂ ਕਿਹਾ ਕਿ ਇਸ ਸਭ ਨੂੰ ਧਿਆਨ ‘ਚ ਰੱਖਦਿਆਂ ਨੀਤੀ ਨਿਰਮਾਣ ਹੋ ਰਿਹਾ ਹੈ। ਭਾਰਤ ਸਰਕਾਰ ਦੇ ਵੱਖ-ਵੱਖ ਵਿਭਾਗ ਵੱਖ-ਵੱਖ ਰਾਜ ਸਰਕਾਰਾਂ ਦੀ ਠੋਸ ਮਦਦ ਦੇ ਨਾਲ-ਨਾਲ ਇਸ ਸੰਬੰਧ ਵਿੱਚ ਸਮਕਾਲੀ ਕੰਮ ਕਰ ਰਹੇ ਹਨ।

ਸ਼੍ਰੀ ਪ੍ਰਧਾਨ ਨੇ ਕਿਹਾ ਕਿ ਸੈਕਟਰ ਦੇ ਸੰਪੂਰਨ ਨਜ਼ਰੀਏ ਨੂੰ ਅਪਨਾਉਣ ਦੀ ਜ਼ਰੂਰਤ ਹੈ ਕਿਉਂਕਿ ਦੇਸ਼ ਨੂੰ ਨਾ ਸਿਰਫ ਆਪਣੀਆਂ ਘਰੇਲੂ ਜ਼ਰੂਰਤਾਂ ਨੂੰ ਪੂਰਾ ਕਰਨਾ ਹੈ ਬਲਕਿ ਇੱਕ ਵਿਸ਼ਵਵਿਆਪੀ ਨਿਰਮਾਣ ਕੇਂਦਰ ਬਣਨ ਵੱਲ ਵੀ ਕੰਮ ਕਰਨਾ ਹੈ। ਉਨ੍ਹਾਂ ਕਿਹਾ ਕਿ ਨੀਤੀਗਤ ਨਿਸ਼ਚਿਤਤਾ ਨੂੰ ਲਾਗਤ ਪ੍ਰਤੀਯੋਗਤਾ ਦੇ ਨਾਲ ਪੂਰਾ ਕਰਨਾ ਪਏਗਾ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਸਾਡੇ ਕੱਚੇ ਪਦਾਰਥਾਂ ਦਾ ਮੁੱਲ ਸਹੀ ਤਰੀਕੇ ਨਾਲ ਸਥਿਰਤਾ ਨਾਲ ਪ੍ਰਾਪਤ ਕੀਤਾ ਜਾ ਸਕੇ ਅਤੇ ਆਤਮਨਿਰਭਰਤਾ ਹਾਸਲ ਕੀਤੀ ਜਾ ਸਕੇ।

ਸ਼੍ਰੀ ਪ੍ਰਧਾਨ ਨੇ ਟੈਕਨੋਲੋਜੀ, ਡਿਜੀਟਲੀਕਰਨ, ਨਵੇਂ ਕਾਰੋਬਾਰ ਦੇ ਮਾਡਲਾਂ, ਵਸਤੂ ਪ੍ਰਬੰਧਨ ਤੋਂ ਲੈ ਕੇ ਕੱਚੇ ਮਾਲ ਦੀ ਖਰੀਦ ਅਤੇ ਮੁੱਲ ਵਧਾਉ ਤੱਕ ਦੀਆਂ ਸਾਰੀਆਂ ਗਤੀਵਿਧੀਆਂ ਵਿੱਚ ਵਧੇਰੇ ਕੁਸ਼ਲਤਾ ਲਿਆਉਣ ਦੀ ਮੰਗ ਕੀਤੀ। ਉਨ੍ਹਾਂ ਕਿਹਾ ਕਿ ਦੇਸ਼ ਨੂੰ ਇੱਕ ਵਿਸ਼ਾਲ ਮਾਰਕਿਟ ਦੇ ਨਾਲ ਕੁਦਰਤੀ ਸੰਸਾਧਨਾਂ ਨਾਲ ਵੀ ਨਿਵਾਜਿਆ ਗਿਆ ਹੈ ਅਤੇ ਭਾਰਤ ਸਹਿਜ ਮਾਈਨਿੰਗ ਵਾਤਾਵਰਣ ਬਣਾਉਣ ਅਤੇ ਸੈਕਟਰ ਵਿੱਚ ਆਤਮਨਿਰਭਰ ਬਣਨ ਲਈ ਤਿਆਰ ਹੈ।

                                                                 *****

ਵਾਈਬੀ