গ্ৰাহক পৰিক্ৰমা, খাদ্য আৰু ৰাজহুৱা বিতৰণ মন্ত্ৰালয়
২০২০-২১ খাৰিফ বিপণন ঋতুত ন্যূনতম সহায়ক মূল্য(এমএছপি) কর্মসূচী ৰূপায়ণ
ধান সংগ্রহৰ পৰিমাণ যোৱা বছৰৰ তুলনাত ২১.২৭ শতাংশ বৃদ্ধি
খাৰিফ বিপণন ঋতুত খাদ্যশস্য সংগ্রহ কৰাৰ ফলত প্রায় ২৪.০২ লক্ষ ধান খেতিয়ক লাভৱান হৈছে
Posted On:
15 NOV 2020 5:42PM by PIB Guwahati
চলিত ২০২০-২১ খাৰিফ বিপণন ঋতুত ন্যূনতম সহায়ক মূল্য কর্মসূচীৰ অধীনত কৃষকসকলক এই কর্মসূচীৰ সুবিধা প্রদান কৰি চৰকাৰে ২০২০-২১ খাৰিফ ঋতুৰ শস্য সংগ্রহ অভিযান অব্যাহত ৰাখিছে।
পঞ্জাৱ, হাৰিয়ানা, উত্তৰ প্রদেশ, তেলেংগানা, উত্তৰাখণ্ড, তামিলনাডু, চণ্ডীগড়, জম্মু- কাশ্মীৰ, কেৰালা, গুজৰাট আৰু অন্ধ্রপ্রদেশৰ পৰা ১৪ নৱেম্বৰলৈকে চলিত খাৰিফ ঋতুত ২৭৯.৫৬ লাখ মেট্রিক টন ধান ক্ৰয় কৰা হৈছে। যোৱা বছৰ সংশ্লিষ্ট ৰাজ্যসমূহৰ পৰা ২৩০.৫২ লাখ মেট্রিক টন ধান ক্ৰয় কৰা হৈছিল। যোৱাবাৰৰ তুলনাত এইবাৰ ২১.২৭ শতাংশ অধিক ধান ক্ৰয় কৰা হৈছে। ইয়াৰ ভিতৰত পঞ্জাৱৰ পৰাই ক্ৰয় কৰা হৈছে ১৯৪.৬৩ লাখ মেট্রিক টন ধান।
চলিত খাৰিফ বিপণন ঋতুত সংশ্লিষ্ট ৰাজ্যসমূহৰ ২৪.০২ লাখ কৃষকৰ পৰা এই ধান কিনা হৈছে। ইয়াৰ ফলত ৫২৭৮১.৪২ কোটি টকা কৃষকসকলক দিয়া হৈছে। অন্যান্য ৰাজ্যসমূহৰ পৰা প্রস্তাৱ লাভ কৰাৰ ভিত্তিত ৪৫.১০ লাখ মেট্রিক টন দাইল কিনাৰ অনুমতি দিয়া হৈছে। চলিত খাৰিফ বিপণন ঋতুত তামিলনাড়ু, কর্ণাটক, মহাৰাষ্ট্র, তেলেংগানা, গুজৰাট, হাৰিয়ানা, উত্তৰ প্রদেশ, উৰিষ্যা, ৰাজস্থান আৰু অন্ধ্রপ্রদেশৰ পৰা মূল্য সহায়ক প্রকল্পৰ অধীনত তৈলবীজ কিনাৰ প্রক্রিয়া আৰম্ভ হৈছে। ইয়াৰ উপৰি অন্ধ্রপ্রদেশ, কর্ণাটক, তামিলনাড়ু আৰু কেৰালাৰ পৰা ১.২৩ লাখ মেট্রিক টন কোপ্ৰা(বাৰমহীয়া শস্য) কিনাৰ অনুমতি দিয়া হৈছে। ইয়াৰ লগতে অন্যান্য ৰাজ্য আৰু কেন্দ্রীয় শাসিত অঞ্চলৰ পৰা দাইল, তৈলবীজ আৰু কোপ্ৰা(বাৰমহীয়া শস্য) কিনাৰ প্রস্তাৱ আহিলে চৰকাৰে তাত অনুমতি দিব।
১৪ নৱেম্বৰ পর্যন্ত চৰকাৰে নির্ধাৰিত নডেল এজেন্সিৰ জৰিয়তে ৫৮৬০২.৬৮ মেট্রিক টন মুগ, উৰাদ, ছয়াবিন আৰু চীনা বাদাম ক্ৰয় কৰিছে। তামিলনাডু, মহাৰাষ্ট্র, গুজৰাট, হাৰিয়ানা আৰু ৰাজস্থানৰ ৩৩,৯৫৯ জন কৃষকৰ পৰা ৩১৫.৬৩ কোটি টকা ন্যূনতম সহায়ক মূল্য প্ৰদানেৰে এই সামগ্রী সংগ্রহ কৰা হৈছে। একেদৰে ১৪ নৱেম্বৰ পর্যন্ত কর্ণাটক আৰু তামিলনাডুৰ ৩,৯৬১ জন কৃষকৰ পৰা ৫২.৪০ কোটি টকা ন্যূনতম সহায়ক মূল্য প্ৰদানেৰে ৫০৮৯ মেট্রিক টন নাৰিকলৰ শুকান বাকলি কিনা হৈছে। যোৱা বছৰ এই সময়ত সংশ্লিষ্ট ৰাজ্যসমূহৰ পৰা মাত্র ২৯৩.৩৪ মেট্রিক টন কোপ্ৰা(বাৰমহীয়া শস্য) কিনা হৈছিল। ন্যূনতম সহায়ক মূল্যৰ অধীনত তুলাৰ বীজ কিনাৰ প্রক্রিয়া আৰম্ভ হৈছে। পঞ্জাৱ, হাৰিয়ানা, ৰাজস্থান, মধ্যপ্রদেশ, তেলেংগানা, অন্ধ্রপ্রদেশ, মহাৰাষ্ট্র আৰু গুজৰাটৰ পৰা এই ক্ৰয় প্রক্রিয়া সুস্থভাৱেই চলিছে। ১৪ নৱেম্বৰ পর্যন্ত সংশ্লিষ্ট ৰাজ্যসমূহৰ ২,৮৬,৫৪৭ জন কৃষকৰ পৰা ৪১৮৭.০৫ কোটি টকা প্ৰদানেৰে ১৪৬৫৮৪৭ কপাহ তুলা কিনা হৈছে।
******
APS /KG
(Release ID: 1673106)
Visitor Counter : 173