চৎথরিবা খরীফ মার্কেতিং সীজন (কে.এম.এস.) ২০২০-২১গী মনুংদা, সরকারনা মসিগী লৈরিবা এম.এস.পি. স্কিমশিংগী মতুং ইন্না লৌমীশিংদগী এম.এস.পি.দা খরীফ ২০২০-২১গী মহৈ-মরোংশিং মখা তানা লৈরি।

নবেম্বর ১৪ ফাওবদা ফৌ পুন্না মেত্রিক তন লাখ ২৭৯.৬৫ লৈখিবগা লোইননা খরীফ ২০২০-২১গীদমক্তা ফৌ লৈখিবা অসি পঞ্জাব, হরিয়ানা, উত্তর প্রদেশ, তেলঙ্গনা, উত্তরাখন্দ, তমিলনাদু, চন্দীগর, জম্মু অমসুং কশ্মীর, কেরলা, গুজরাত অমসুং আন্ধ্র প্রদেশকুম্বা রাজ্যশিং অমসুং য়ু.তি.শিংদা নীংথিজনা চৎথরি। মমাং চহিগী মতম অসিদা ফৌ মেত্রিক তন লাখ ২৩০.৫২ লৈখি হায়বদি হন্দক্কী ফৌ লৈখিবা অসিদা ২১.২৭% হেনগৎখ্রে। পুন্না মেত্রিক তন লাখ ২৭৯.৫৬ লৈখিবগী মনুংদা পঞ্জাবনা মেত্রিক তন লাখ ১৯৪.৬৩ লৈখি, মসি অপুনবা লৈখিবগী ৬৯.৬২%নি।

অপুনবা এম.এস.পি. ভেল্যু লুপা করোর ৫২৭৮১.৪২গা লোইননা কে.এম.এস. প্রোক্যুরমেন্ত ওপরেসনশিংদগী হান্ননা চাউরাক্না লৌমী লাখ ২৪.০২লোম্না কান্নবা ফংখ্রে।

মখা তানা, রাজ্যশিংদগী পুখৎলকপা ৱাফমদা য়ুম্ফম ওইরগা খরীফ মার্কেতিং সীজন ২০২০গীদমক্তা তমিলনাদু, কর্নাতক, মহারাস্ত্রা, তেলঙ্গনা, গুজরাত, হরিয়ানা, উত্তর প্রদেশ, ওরিশা, রাজস্থান অমসুং আন্ধ্র প্রদেশ রাজ্যশিংদগী পি.এস.এস.কী মখাদা হৱাই অমসুং থোইদিং মেত্রিক তন লাখ ৪৫.১০ লৈবগী অয়াবা পীখি। মসিদা নত্তনা, আন্ধ্র প্রদেশ, কর্নাতক, তমিলনাদু অমসুং কেরল রাজ্যশিংগীদমক্তা য়ুবী অকংবা (চহি চুপ্পা ফংবা) মেত্রিক তন লাখ ১.২৩ লৈবগী অয়াবা পীখি। পি.এস.এস.কী মখাদা অতৈ রাজ্য/য়ু.তি.শিংদগী লৈনবগী পুখৎলকপা ৱাফমদগী হৱাই, থোইদিং অমসুং য়ুবী অকংবগীদমক্তসু অয়াবা পীরগনি।

নবেম্বর ১৪, ২০২০ ফাওবদা সরকারনা মখোয়গী নোদল এজেন্সীশিংগী থোংদা লুপা করোর ৩১৫.৬৩গী এম.এস.পি. ভেল্যু ওইবা মুঙ্গ, শগোল হৱাই, লৈবাক হৱাইগী মহৈ-মরোং অমসুং নুঙ হৱাই মেত্রিক তন ৫৮৬০২.৬৮ লৈখি মসিদগী তমিলনাদু, মহারাস্ত্রা গুজরাত, হরিয়ানা অমসুং রাজস্থানগী লৌমী ৩৩,৯৫৯না কান্নবা ফংখ্রে। হৌখিবা চহিগী মতম অসিদা মেত্রিক তন ৩৩৯৭৬.৪৮ লৈখি হায়বদি হন্দক হৱাই অমসুং থোইদিং লৈবদা ৭২.৪৮% হেনগৎলে।

মতৌ অসুম্না, নবেম্বর ১৪, ২০২০ ফাওবদা কর্নাতক অমসুং তমিলনাদুগী লৌমী ২৬৯১দা কান্নবা ফংহল্লদুনা লুপা করোর ৫২.৪০গী এম.এস.পি. ভেল্যু ওইবা য়ুবী অকংবা মেত্রিক তন লৈখি অদুগা হৌখিবা চহিগী মতম অসিদা য়ুবী অকংবা মেত্রিক তন ২৯৩.৩৪ লৈখি। য়ুবী অকংবা অমসুং শগোলহৱাইগী মতাংদা, অনম্বনা মরু ওইনা পুথোকপা রাজ্যশিংদা এম.এস.পি. রেৎতগী হেল্লে।

পঞ্জাব, হরিয়ানা, রাজস্থান, মধ্য প্রদেশ, তেলঙ্গনা, আন্ধ্র প্রদেশ, মহারাস্ত্রা অমসুং গুজরাত রাজ্যশিংদা এম.এস.পি.গী মখাদা লশিং মরু লৈবগী থৌওং নীংথিজনা পাংথোকখি। নবেম্বর ১৪ ২০২০ ফাওবদা লশিং বোরা ১৪৬৫৮৪৭ লৈখি মদুগী মমল লুপা করোর ৪১৮৭.০৫ ওইখি মসিদগী লৌমী ২,৮৬,৫৪৭না কান্নবা ফংখি।

******