বি.আর.আই.সি.এস. কাংলুপকী (ব্রাজিল, রসিয়া, ইন্দিয়া, চাইনা অমদি সাউথ অফ্রিকা) সাইন্স, তেক্নোলোজী অমদি ইনোভেসন মন্ত্রীশিংনা নবেম্বর ১৩দা মেম্বর লৈবাকশিংগী মরক্তা সাইন্স অমদি তেক্নোলোজীগী তেংবাংনবগী মতাঙদা খন্ননবগীদমক ভর্চুএল ফম্পাক্কী খুত্থাঙদা মীফম পাঙথোকখি‍। ১২শুবা বি.আর.আই.সি.এস. মীফমগী থৌরম মপু রসিয়ন ফেদরেসন্না ওইবা মরম্না মীফম অদু রসিয়াগী মিনিস্ত্রী ওফ সাইন্স এন্দ হাইয়র এজুকেসন্না শীন্দুনা পাঙথোকখি‍।  

থৌরমদুদা ৱা ঙাঙলদুনা সাইন্স অমসুং তেক্নোলোগী, আর্থ সাইন্স, অমদি হকশেল অমসুং য়াইফ-য়ুম্বালগী কেন্দ্র মন্ত্রী দোক্তর হর্ষ বর্ধন্না “ঐখোয়গী তেংবাংনবগী থৌওং অসিবু মাঙদা চঙশিন্নবগী লম্বী য়াৎকদবা বি.আর.আই.সি.এস. এস.তি.আই. দিক্লারেসন ২০২০ অমদি বি.আর.আই.সি.এস. এস.তি.আই. এক্তিভিতিজ ২০২০-২১গী কেলেন্দরগীদমক” মীফম লোইশিনবগী থৌরমদুদা শরুক য়াখিবা মীথুংশিংবু থাগৎপা ফোঙদোকখি‍। বি.আর.আই.সি.এস. এস.তি.আই. দিক্লারেসন ২০২০ মীফম অদুদা অমত্তা ওইনা য়ানদুনা লৌখৎখিবনি‍।

মীফম অদুদা দোক্তর হর্ষ বর্ধন্না ফোঙদোকখিবদা, “কোবিদ-১৯ লাইচৎ অসি অসিগুম্বা মালেমগী ওইবা শিংনবশিং লাকশিন্নবগীদমক মায়কৈ কয়াগী তেংবাংনবনা মরুওইবা খোঙথাংনি হায়বা উৎলিবা চাংয়েং অমনি”‍। মহাক্না হায়খিবদা, “ঐখোয় লাইচৎ অসিনা মীশিং খ্বাইদগী হেন্না শোকহল্লবশিংগী মরক্তা অমা ওইবা মরম্না লাইচৎ অসি থেংননবগীদমক বি.আর.আই.সি.এস. লৈবাকশিংগী মরক্তা মতেং পাংননবগী হেন্না চাউবা তাঞ্জা অমা পীরি‍”‍।

কেন্দ্র মন্ত্রীনা পাউদমখিবদা “হান্না পানরুদবা কোবিদ-১৯ লাইচৎ অসি লাকশিন্নবগীদমক ভারতনা পুনশিল্লবা রেসপোন্স অমা হৌদোকখি‍। লমদমসিগী ওইবা ভেক্সিন পুথোকপা, অনৌবা মওংগী পোইন্ত-ওফ-কেয়র দাইগ্নোস্তিক্স অমদি মহৌশাগী লৈজরমবা ৱাখল লৌশিংদা য়ুম্ফম ওইবা লাইয়েং পথাপ শেমবদগী হৌরগা থিজিন হুমজিনবগী মচাক মথুম শেমগৎপা অমদি সর্ভিস পীবা ফাওবদা, পব্লিক অমদি প্রাইভেতকী ওইবা ভারতকী আর. এন্দ দি. এন্তিতীশিংনা লাইচৎ অসি মতিং লৈনা থেংননবগীমক চোকথবা নাইদনা হোৎনরি‍। প্রোজেক্ত চা কয়া হৌজিক ঙাক্লৌ পীরি‍। স্তার্ত-অপ ১০০ হেনবনা কোবিদ-১৯গী ইনোভেতিব ওইবা পোত্থোকশিং পুথোক্লি‍”।

“পুম্নমক চাউখৎমিন্ননবগী ইনোভেসনগী মতাঙদা দিক্লারেসন অসিদা নীংথিনা পল্লি” হায়না পুথোক্লদুনা দোক্তর হর্ষ বর্ধন্না হায়খিবদা “বি.আর.আই.সি.এস.গী ইনোভেসনগী থৌওং মাঙদা পুখৎনবগী চাউরাকপা মীৎয়েঙগা লোয়ননা ৱারী ৱাতায় শানবা অমদি নাকল অনিগী ওইবা ৱাখল লৌশিং তাথোক তাশিন তৌননবা, কেপাসিতী শেমগৎনবা, ক্রোস ইনক্যুবেসন লৈহন্নবগীদমক বি.আর.আই.সি.এস. লৈবাকশিংগা খুৎশম্ননা চৎমিন্নবগী মরুওইবা ঐখোয়না খঙই‍”‍।

“সাইন্স অমদি ইঞ্জিনিয়রিংগী মাঙজিন থাবা হীরমশিংদা আর. এন্দ দি.গী থৌওংশিং পায়খৎনবগীদমক নৌনা মচিন তুমখৎলক্লিবা অমদি মশক নাইরবা নুপী থিজিল্লোয়শিংবু পুক্নিং থৌগৎনবা অমদি ঙাক্লৌ পীননবা ঐখোয়না হন্দক্তা ‘এস.ই.আর.বি.-পৱার’ (প্রমোতিং ওপোরচুনিতিজ ফোর ৱুমেন ইন এক্সপ্লোরেতরী রিছর্চ) স্কিম হৌদোকখ্রে‍। বি.আর.আই.সি.এস.কী নুমী সাইন্তিস্তশিংগী ওইবা নেতৱর্কিং অমা অখন্নবা ফম্পাক অমদি মেকানিজম অমগী খুত্থাঙদা লৈহন্নবা ঐখোয়না খন্নবা য়াই”, হায়না ফোঙদোকখিবা দোক্তর হর্ষ বর্ধনগী ৱাফমবু বি.আর.আই.সি.এস. মেম্বরশিংনা থাগৎনখি‍।

“বি.আর.আই.সি.এস. এস.তি.আই. কেলেন্দর ওফ এক্তিভিজ ২০২০-২১ পায়খৎপদা ভারতনা ইচং থৌনা থৌদাং য়াগনি অমদি সাইন্স, তেক্নোলোজী অমদি ইনোভেসনগী বি.আর.আই.সি.এস. এম.ও.য়ু.গী মখাদা পায়খৎপা সাইন্তিফিক থৌওংশিংদা মখা তানা ঙাক্লৌ পীখিগনি”, হায়না মহাক্না ফোঙদোকখি‍।

‘২০১৯-২০২০গী ৱর্কিং গ্রুপগী মীফমগী রিপোর্ত (কোবিদ-১৯ লাইচৎকী মতাঙদা খুৎশম্ননা লেপমিন্নখিবা, বি.আর.আই.সি.এস. এস.তি.আই. স্তিরিং কম্মিতীগী থৌওংগী মহৈশিং য়াওনা) অমদি এস.তি.আই.গী এম.ও.য়ু. চহি ৫ পায়খৎলকপগী মহৈশিংগী’ মতাঙদা পাঙথোকপা ২শুবা মীফমদা শরুক য়ারদুনা ভারতকী দিপার্তমেন্ত ওফ সাইন্স এন্দ তেক্নোলোজী সেক্রতরী প্রোফেসর অসুতোস সর্মনা ফোঙদোকখিবদা, “বি.আর.আই.সি.এস. এস.তি.আই. থৌরাংশিং হেন্না মতিং লৈহন্নবা, মীৎয়েং চুমবা অমদি মহৈদা য়ুম্ফম ওইবা মওং ওইহন্নবগীদমক ঐখোয়না থৌরাংশিং অসি মওং মরিল নাইহনবা মথৌ তাই”‍। মহাক্না মখা তানা নুংঙাইবা ফোঙদোক্লদুনা হায়খিবদা “বি.আর.আই.সি.এস. লৈবাকশিং মরুওইনা সাইন্তিফিক মন্ত্রীশিং হৌজিক লৈরিবা মালেমগী কোবিদ-১৯ লাইচৎ অসি লাকশিন্নবগীদমক খুৎলৈ থুনা খুৎশম্ননা চৎমিন্নবা অসিনা ঐঙোন্দা হরাউবা পোকহল্লি”‍।

রসিয়ন ফেদরেসনগী সাইন্স অমদি হাইয়র এজুকেসনগী মন্ত্রী শ্রী ভেলরী ফেলকোব; ফেদরেতিব রিপব্লিক ওফ ব্রাজিলগী সাইন্স, তেক্নোলোজী অমদি ইনোভেসন মন্ত্রী শ্রী মার্কোস পোন্তেস; পিপল্স রিপব্লিক ওফ চাইনাগী সাইন্স অমদি তেক্নোলোজীগী অহানবা ভাইস মন্ত্রী শ্রী হুৱাং ৱৈ; রিপব্লিক ওফ সাউথ অফ্রিকাগী হাইয়র এজুকেসন, সাইন্স অমদি তেক্নোলোজী মন্ত্রী দোক্তর বোঙ্গিনকোসি ইম্মানুএল জিমান্দে অমদি মেম্বর লৈবাকশিংদগী অতৈ মীথুং কয়াসু মীফমদুদা শরুক য়াখি‍। 

দোক্তর হর্ষ বর্ধনগী হৌদোকপগী ৱারোলগীদমক মসিদা নম্বিয়ু‍।

দোক্তর হর্ষ বর্ধন্না মীফমদুদা ঙাঙখিবা মপুং ওইবা ৱারোলগীদমক মসিদা নম্বিয়ু‍।

দোক্তর হর্ষ বর্ধন্না লোইশিনবগী থৌরমদা ঙাঙখিবা ৱারোলগীদমক মসিদা নম্বিয়ু‍।

*****