সাইন্স অমসুং সমাজকী মরক্তা অনৌবা ইন্তরফেস শেম্নবা লাক্কদৌরিবা থা খরা অসিদা সাইন্তিফিক সোসিয়েল রেস্পোন্সিবিলিতী(এস.এস.আর.)গী মতাংদা পোলিসী অমা লৈরগনি হায়না ৱল্দ সাইন্স দেগা মরী লৈননা পাংথোকপা ৱেবিনার অমদা সাইন্স অমসুং তেক্নোলোজী দিপার্তমেন্তগী সেক্রেতরী প্রোফেসর অশুতোশ শর্মনা ফোংদোকখ্রে৷

“সাইন্স অমসুং সমাজ পুনশিন্নবা অসিনা এস. অমসুং তি.বু শান্তি অমসুং দিভেলপমেন্তগীদমক খ্বাইদগী ফরবা পিল্লরশিংগী মনুংদা অমা ওইবা ঙমহল্লি৷ সাইন্স অসি সমাজ অসিদা কম্ম্যুনিকেৎ তৌবা অসি অচৌবা চেলেঞ্জ অমা ওই৷    সাইন্স অসি শান্তি অমসুং দিভেলপমেন্তগী খুৎলাই অমা ওইনা শিজিন্নবা য়ানবা মীয়ামশিংগী মরক্তা য়ৌহনবা তঙাই ফদে,” হায়না দি.এস.তি. অমসুং য়ুনেস্কোনা(য়ুনাইতেদ নেসন্স এদজুকেস্নেল, সাইন্তিফিক অমসুং কল্চরেল ওর্গনাইজেসন) পুন্না খুৎশম্নদুনা শিল্লবা শিন্তি অমসুং দিভেলপমেন্তগীদমক ৱল্দ সাইন্স দেদা পাংথোকপা ৱেবিনার অমদা মহাক্না পনখ্রে৷

সাইন্স অমসুং তেক্নোলোজীদা লৈরিবা ইক্যুইতী অমসুং দাইভর্সিতীগী মরু ওইবশিং অদু পল্লদুনা প্রোফেসর অশুতোশনা অসুম্না ফোংদোকখ্রে, সাইন্স তেক্নোলোজী অমসুং ইন্নোভেসনগী ফিল্দদা নুপীশিং চংলকপদা মতেং পাংনবা অমসুং পুক্নিং থৌগৎনবা নুপীশিং অসিগীদমক লেভেল প্লেইং ফিল্দ অমা শেম্ননবা দি.এস.তি.না চলাইবা তোঙান তোঙানবা প্রোগ্রাম তরা খুদম ওইনা কুরি(কন্সোলিদেসন ওফ য়ুনিভর্সিতী রিসর্চ ফোর ইন্নোভেসন অমসুং এক্সিলেন্স ইন ৱ্মেন য়ুনিভর্সিতীস) অমসুং বিগ্যান জ্যোতিগী মতাংদা পনখ্রে৷

ৱল্দ সাইন্স দে অসি নবেম্বরগী তাং ১০দা পাংথোকই৷  ‘সাইন্স অমসুং সমাজ অসিগা লোইননা চৎমিন্নবা’ অসিনা চহী অসিগী থীম ওইখি, মালেম অসি কোবিদ-১৯ লাইনা-লাইচৎ অসিনা শোকহল্লিবা অসিদা সোসিয়ো-ইকোনোমিক, পোলিতিকেল অমসুং কল্চরেল ,স্ফেয়রদা সাইন্স, তেক্নোলোজী অমসুং ইন্নোভেসনগী কান্নবশিং অদু ৱাখলদা লেংদনা লৈহন্নবা দি.এস.তি.না য়ুনেস্কো ন্যু দিল্লীগা পুন্না খুৎশম্নদুনা ৱেবিনার অসি শিনখিবনি৷

য়ুনেস্কো ন্যু দিল্লীগী দাইরেক্তর ইরিক ফাল্ত না থৌরম অসিদা অসুম্না ফোংদোকখ্রে, “কোবিদ-১৯ অসিনা মরম ওইরগা সাইন্স অসি ২০২০ চহী অসিদা পাক শন্না খন্না নৈনরে৷ সাইন্স, তেক্নোলোজী অমসুং ইন্নোভেসন অসিনা ভেক্সিনশিংগী, হেল্থ য়েংশিন্নবা অমসুং ওনলাইন ক্লাসশিংদা ফাওবদা য়াম্না মরু ওইরে৷  শান্তি অমসুং দিভেলপমেন্তগীদমক নোলেজ চাং মান্ননা লৈবা অসি য়াম্না মরু ওই অমসুং সাইন্স, তেক্নোলোজী অমসুং ইন্নোভেসন অসি প্রজা মীয়ামশিংদা খঙহন্নবা অসি য়াম্না মরু ওই”৷

সাইন্সতা নুপীশিং য়াওহনবদা এমপৱার তৌরিবা দি.এস.তি.গী কিরন প্রোগ্রামগী মতাংদা দি.এস.তি.,হেদ-কিরন দিভিজনগী দা. সঞ্জে মিশ্রানা শন্দোক্না তাকখ্র৷  “সমাজ অসি শেমগৎপা অমসুং চাওখৎপদা সাইন্সনা য়াম্না চাওবা থৌদাং লৌরি৷ অদুমওইনমক সাইন্স, তেক্নোলোজী অমসুং ইন্নোভেসন্দা নুপীশিং য়াওশিনবা অসি ওপ্তিমেল ওইদে অমসুং নুপী সাইন্তিসশিং অসি এমপৱার তৌন্ননবগীদমক ঐখোয়গী দিপার্তমেন্ত অসিনা তোঙান তোঙানবা প্রোগ্রামশিং চৎথরি৷ মখোয়শিং অদুগী মনুংদা কিরনসু অমনি৷ অসিগুম্বা ৱুমেন সেন্ত্রিক প্রগ্রামশিং অসিনা সাইন্স, তেক্নোলোজী অমসুং ইন্নোভেসন্দা নুপী য়াওশিল্লকপগী মশিং অদু হেঙ্গৎপদা মতেং পাংলগনি হায়না ঐখোয়না থাজৈ”৷

সেসন অদুগী মখা তারকপা শরুক্তা এস.তি.ই.এম.দা নুপীশিংগী মতাংদা পেনেল দিস্কর্সন অমা পাংথোকখি৷ মসিনা সাইন্স পর্স্যুইতস অমসুং সোসাইতেল গুদকী মরক্তা লৈরিবা গেপ অদু মেনশিনবদা সাইন্সতা নুপীনা লৌরিবা থৌদাং অদুদা মীৎয়েং থম্লি৷ থৌরম অসিগী ৱাঙাংলোইশিং অদুদি বেঙ্গলোরগী ইন্দিয়ন ইন্সতিত্যুত ওফ সাইন্সকী সেন্তর ফোর হাই ইনর্জী ফিজিক্সকী প্রোফেসর রোহিনি গোদবোল, আই.আই.তি.দিল্লীগী কেমিস্ত্রী দিপার্তমেন্তগী ভিজিতিং প্রোফেসর, ফ্রোফেসর  রমাকৃস্ন রমাস্বামী, আই.বি.এম. ক্লাউদ অমসুং কোগনিতিব সোফতৱেয়রগী প্রোগ্রাম দাইরেক্তর অমসুং গ্লোবেল তেক্নিকেল ইমিনেন্স লিদর লথা রাজ, শ্রী লঙ্কা নেস্নেল চেপ্তর ওফ ওর্গনাইজেসন ফোর ৱুমেন ইন সাইন্স ফোর দি দিভেলপিং ৱল্দগী প্রসিদেন্ত প্রোফেসর নদিরা কনুরাৱেরা, নেপালগী য়ুনেস্কো কথমন্দু ওফিসকী প্রোগ্রাম ওফিসর অগত অৱাস্থি, ইন্দিয়াগী ফাউন্দর অমসুং একজিক্যুতিব দাইরেক্তর ফেমিনিস্ত এপ্রোচ তু তেক্নোলোজীগী গয়াত্রি বুরাগোহেন অমসুং মুম্বাই য়ুনিভর্সিতীগী সোসিয়োলোজী দিপার্তমেন্তগী দা. গিতা চধানা শরুক য়াখি৷

*****