চেন্নাইদগী মাংজিল থাবা সনা-লুপা পুন্না য়োনবা অমসুং সনাগী লিক-কোন ললোনবা অমগী কেসতা নবেম্বর ১০, ২০২০দা ইনকম তেক্স দিপার্তমেন্তনা থিবা-হুম্বা চৎথখ্রে। থিবা-হুম্বা অদু চেন্নাই, মুম্বাই, কোলকাতা, কোইম্বদোর, সালেম, ত্রিতি, মদুরাই অমসুং তিরুনেলবেলিদা তোঙান-তোঙানবা মফম ৩২দা চৎথখি।

তোঙান-তোঙানবা মফমশিংদা ইনকম তেক্স থিরিবা মীওইশিংনা মরম চাদবা সনা-লুপা থম্লম্বগী খুদম-চাংদম থেংনখি। চাউরাক্না লুপা করোর ৪০০গী মমল ওইগদবা অহেনবা সনা-লুপা কেজি ৮১৪ থেংনখি অমসুং মদুগী তেক্স থিফম থোকপনি। মসি ললোন-ইতিক্কী থম্বা ওইবনা, হায়রিবা পোৎলম অদু ইনকম-তেক্স এক্ত, ১৯৬১গী মখাদা ফাজিনবা য়াদে। কাংবু অদুনা থম্লম্বা দেতা মতুংইন্না শেনবা চহি ২০১৮-১৯দা লুপা করোর ১০২গী ইনকম লাকপা উখি। ফোরেন্সিক তুলশিং শীজিন্নদুনা সিস্তেমদা য়াওরিবা শেনবা চহিশিং ২০১৯-২০, ২০২০-২০২১গী দেতা লৌথোক্লে। ললোন-ইতিক্কী মফমশিংদগী ফংখিবা অহেনবা কেজি ৫০গী সনা-লুপা ফাজিনখিদে, অদুবু মরম চাদবা ইনকমগীদমক পোৎ অদুগী অরুম্বা খঙদোকখি।

হৈশিংনা ললোন-ইতিক্কী অচুম্বশিং লোৎশিন্নবা কাংবু অদুনা জপেক কৌবা পেকেজ অমা শীজিন্নখি।  চাউরাকপা মমল অমদা বিলশিং/ইনভোইসশিং শেমদুনা পোৎ-চৈশিং পুথোক-পুনশিন তৌখি অমসুং পোৎ-চৈশিং ফংলবা মতুংদা বিলশিং মাঙহনখি। সিস্তেমদগী লৌথোকপা দেতাদা য়ুম্ফম ওইদুনা অতোপ্পা কাংবুগী মরম চাদবা ত্রান্সসেক্সনশিং খঙদোক্নবা ফংলিবা দেতা অদু শীজিন্নগনি। মরম চাদবা ইনকমগী চপ চাবা মশিং খঙদোক্নবা অহেনবা দেতা লৌথোক্নবা ফোরেন্সিক এক্সপার্তশিংনা অখন্নবা খুৎলায়শিং শীজিন্নরে।

হৌজিক ফাওবদা, থিবা-হুম্বা অদুদগী লুপা করোর ৫০০ হেনবগী ফোঙদোক্তবা ইনকম থেংনরে। মশক খঙদোক্লবা ফোঙদোক্তবা ইনকম অদুগী মনুংদা লুপা করোর ১৫০ তেক্স থিরিবা মীওইশিংনা মশানা য়ানা ফোঙদোক্লে। কাংবু অদুনা ললোন-ইতিক নত্তবা থবকশিং থাদখিবা শেনফম অমসুং শেন্দোংশিং হন্থনবা একোমোদেসন ইন্ত্রিশিং শীজিন্নবা অসিসু থিজিল্লে।

*****