প্রধান মন্ত্রী শ্রী নরেন্দ্র মোদীনা লুচিংবা একোনোমিক এফিয়র্সকী কেবিনেৎ কমিতীনা ইনফ্রাস্ত্রকচর ভাইএবিলিতী গেপ ফন্দিং (ভি.জি.এফ.) স্কিমদা পব্লিক প্রাইবেৎ পার্তনরশিপ্তা শেলগী তেংবাং পীনবা স্কিম ২০২৪-২৫ ফাওবা লুপা করোর ৮,১০০গী অচংবা শেনফমগা লোইননা মখা চৎথবা অমসুং অমুক হন্না শেমজিনবদা অয়াবা পীখ্রে

অমুক হন্না শেমগৎপগী স্কিম অসিদা সোসিএল ইনফ্রাস্ত্রকচরদা প্রাইবেৎ পার্তিসিপেসন অসিবু মপুং ওইবা লম্বেলদা পুরক্নবা সব-স্কিম অনি হৌদোক্লেঃ 

অ. সব স্কিম -১

স্কিম অসি সোসিএল সেক্তরগুম্বা ৱেস্ত ৱাতর ত্রীৎমেন্ত, ৱাতর সপ্লাই, সোলিদ ৱেস্ত মেনেজমেন্ত, হেল্থ অমসুং এজুকেসন সেক্তরশিং অসিনচিংবগী তঙাইফদবশিং মপুং ফাহনগনি। অসিগুম্বা মখলগী প্রোজেক্তশিংদা শেন্নীং অদু মপুং ফাহন্নবগীদমক্তা বেঙ্ককা মরী লৈনবা মথৌ তাবশিং অমসুং রিভিন্যুগুম্বা হিরমদা শোৎথবা থেংনরকপা য়াই। অসিগুম্বা কেতেগোরী অসিগী মখাদা প্রোজেক্তশিংগী মতিক চাবা অদু য়ামদ্রবদা ১০০% ওপরেস্নেল কোস্ত রিকভরী ওইগনি। মসিদা কেন্দ্র সরকারনা ভি.জি.এফ.কী মখাদা পুন্না প্রোজেক্তকী অচংবগী য়াম্লবদা ৩০% ফংহনগনি অমসুং রাজ্য সরকার/স্পোন্সর তৌরিবা কেন্দ্রগী মন্ত্রালয়/স্তেতুতরী এন্তাইতীনা অপুনবা প্রোজেক্তকী অচংবগী ৩০% পুথোকপা য়াই।

আ. সব স্কিম -২

সব-স্কিম অসি দিমোন্সত্রেসন/পাইলোৎ সোসিএল সেক্তর প্রোজেক্তশিংদা মতেং পাংগনি। প্রোজেক্তশিং অসি হকশেল অমসুং মহৈ-মশিংগী লমদা ওইবা য়াই মসিদা য়ামদ্রবদা ৫০% ওপরেস্নেল কোস্ত রিকভরী ফংগনি। প্রোজেক্তশিং অসিদা কেন্দ্র অমসুং রাজ্য সরকারশিংনা পুন্না অহানবা চহি মঙাদা শেন্নীংগী চাদিংগী ৮০% অমসুং ওপরেসন অমসুং মেন্তিনেন্স (ও.&এম.)গী অচংবগী ৫০% পুথোক্কনি। কেন্দ্র সরকারনা প্রোজেক্ত অসিদা পুন্না অচংবা শেনফমগী খ্বাইদগী য়াম্না ৪০%গী শরুক পুথোক্কনি। মসিদা নত্তনা অহানবা চহি মঙাদা কমর্সিএল ওপরেসনশিংগীদমক প্রোজেক্তকী ওপরেস্নেল কোস্তকী খ্বাইদগী য়াম্না ২৫%গী শরুকসু ফংহনবা য়াই। 

স্কিম অসি হৌবদগী প্রোজেক্ত ৬৪দা ‘ফাইনেল এপ্রুবেল’ পীখ্রে অমসমুং মসিগী অপুনবা প্রোজেক্ত কোস্তনা লুপা করোর ৩৪,২২৮ লোইননা ভি.জি.এফ. লুপা করোর ৫,৬৩৯নি। শেনবা চহি ২০১৯-২০গী অরোইবা ফাওবদা লুপা করোর ৪,৩৭৫গী ভি.জি.এফ.কী শেনফম য়েন্থোকখ্রে।

কান্নবা :

স্কিম অসিগী পান্দম অসি খুন্নাইগী অমদি শেন্মিৎলোনগী ইনফ্রাস্ত্রকচরদা পি.পি.পি.শিং য়োকখৎপনি মরমদি মসিনা লন-থুমশিং হেন্না ফজনা শেমগৎপা ঙম্নবা অমদি মসিগী মতিক চানা ওপরেসন অমসুং মেন্তিনেন্স তৌবা ঙম্নবা অমসুং খুন্নাইগী অমদি শেন্মিৎলোনগী ওইবা মওংদা মরুওইবা প্রোজেক্তশিংবু কমর্সিএল ওইবা মওংদা শিজিন্নবা ঙম্নবনি। প্রোজেক্ত অসিদগী লৈবাক অসিগী মীয়ামদা য়াম্না কান্নহল্লগনি মরমদি মসিনা লৈবাক অসিদা ইনফ্রাস্ত্রকচর শেম্বদা মতেং পাংগনি।

থবক হৌবগী লাল্লোং:

স্কিম অসি মন্ত্রীমন্দলগী অয়াবা ফংলবা থা অমগী মনুংদা পায়খৎপা হৌরগনি অমসুং অনৌবা ভি.জি.এফ. স্কিমদা পুখৎলক্লিবা এমেন্দমেন্তশিং অদু মসিগী লমজিং-লমতাকশিংদা কান্নবা মওংদা হাপচিনগনি। অনৌবা ভি.জি.এফ. স্কিমদা ইনোৎ হাপকদবা অমসুং মতেং পীগদবা প্রোজেক্তশিং য়েংশিন্নবগীদমক্তা খোংথাং পুম্নমক পায়খৎকনি।

শাফুঃ

পুখৎলক্লিবা ভি.জি.এফ. স্কিম অসি অনৌবা মওংদা চৎনবা হৌবনা পি.পি.পি. প্রোজেক্তশিংদা হেন্না পুক্নীং চিংশিনবা ঙমহনগনি অমসুং সোসিএল সেক্তরশিং (হকশেল, মহৈ-মশিং, ৱেস্ত ৱাতর, সোলিদ ৱেস্ত মেনেজমেন্ত, ৱাতর সপ্লাই অসিনচিংবা)গী প্রাইবেৎ ইনভেস্তমেন্ততা মতেং ওইনরগনি। অনৌবা হোস্পিতাল অমসুং স্কুলশিং শাবনা থবক পীবগী অনৌবা খুদোংচাবা ফংহল্লগনি।

য়াওরিবা চাদিং:

অনৌবা স্কিম অসি শেল-থুম মন্ত্রালয়গী বজেৎকী তেংবাংদগী পুথোক্কনি। অনৌবা ভি.জি.এফ. স্কিমগীদমক্তা শেনবা চহি ২০২৪-২৫গী আউৎলে মখাদা পীরিঃ

শেনবা চহি

            শেন্মিৎনোগী ইনফ্রাস্ত্রকচরদা পি.পি.পি.শিংদা শেলগী তেংবা পীনবগীদমক স্কিম

(লুপা করোর)

            খু্নাইগী ইনফ্রাস্ত্রকচরদা পি.পি.পি.শিংদা শেলগী তেংবা পীনবগীদমক স্কিম

(লুপা করোর)

২০২০-২১

            ১,০০০

            ৪০০

২০২১-২২

            ১,১০০

            ৪০০

২০২২-২৩

            ১,২০০

            ৪০০

২০২৩-২৪

            ১,৩০০

            ৪০০

২০২৪-২৫

            ১,৪০০

            ৫০০

অপুনবা

            ৬,০০০

            ২,১০০

 য়ুম্ফমঃ

শেল-থুম মন্ত্রালয়গী ইকোনোমিক এফিয়র্স দিপার্মেন্তনা কুমজা ২০০৬তা ‘ইনফ্রাস্ত্রকচরদা পি.পি.পি.শিংগা শেনগী তেংবাং পীনবা স্কিম’ (ভাইবিলিতী গেপ ফন্দিং স্কিম) অসি প্রোজেক্তশিং অদুগীদমক হৌদোকখি মদু শেন্মিৎলোনগী ওইনা মতিক চারবনি অদুবু কমর্সিএলগী ওইনদি চৎনবা য়াদে। মসিগী মরুওইবা মরমদি অচৌবা কেপিতেল ইনভেস্তমেন্তনি, মরমদি মসিগী কা হেন্না শাংবা মতম অমসুং কমর্সিএলগী থাক্তা শিজিন্নবা চার্জশিংদা হেনগৎলকপা ঙমদবা য়াওরি। লৈরিবা স্কিম অসিদা অপুনবা প্রোজেক্তকী ৪০% ভি.জি.এফ.কী সরুক কেন্দ্র সরকার অমসুং প্রোজেক্তকী অহৌবগী ফিভমদা (২০% + ২০%)গী কেপিতেল গ্রান্ত ওইনা স্পোন্সরিং ওথোরিতীগী মায়কৈদগী ফংহল্লি।

***