লো অমসুং জস্তিস মন্ত্রালয়

পি.এম.না হয়েং আই.তি.এ.তি. কত্তক বেঞ্চকী ওফিস-কম-রেসিদেন্সিয়েল কম্প্লেক্স শঙ্গাগনি

Posted On: 10 NOV 2020 2:57PM by PIB Imphal

প্রধান মন্ত্রী শ্রী নরেন্দ্র মোদীনা হয়েং আই.তি.এ.তি. কত্তক বেঞ্চকী ওফিস-কম-রেসিদেন্সিএল কম্প্লেক্স শঙ্গাগদবা অসিগী মতাংদা ইনকম তেক্স অপেলেৎ ত্রিব্যুনেলগী প্রসিদেন্ত জস্তিস পি.পি. ভাতনা ঙসি মীদিয়াদা পাউদমখি। ভারতকী প্রধান মন্ত্রী শ্রী নরেন্দ্র মোদীনা নবেম্বর ১১, ২০২০গী নুংথিল পুং ৪:৩০ তাবা মতমদা ভিদিও কনফরেন্সকী থোংদা কত্তক্তা ইনকম তেক্স অপেলেৎ ত্রিব্যুনেলগী খ্বাইদগী নৌবা ওফিস-কম-রেসিদেন্সিয়েল কম্প্লেক্স শঙ্গাগনি। শঙ্গাবগী থৌরম অসিদা ভর্চ্যুএল ওইনা লো অমসুং জস্তিস, কম্ম্যুনিকেসন্স অমদি ইলেক্ত্রোনিক্স অমসুং ইনফোর্মেসন তেক্নোলোজীগী মন্ত্রী শ্রী রবি শঙ্কর প্রসাদ, পেত্রোলিয়ম অমসুং নেচরেল চ্যাস অমদি স্তীলগী কেন্দ্রগী মন্ত্রী শ্রী নবীন পৎনেক, ওরিশাগী মুখ্য মন্ত্রী, ওরিশা হায় কোর্তকী চীফ জস্তিস অমসুং জজশিং, ইনকম তেক্স অপেলেৎ ত্রিব্যুনেলগী প্রসিদেন্ত জস্তিস পি.পি. ভাত, সেন্ত্রেল বোর্দ ওফ দাইরেক্ত তেক্সকী চিয়রমেন, আই.তি.এ.তি.গী ভাইস প্রসিদেন্ত অমসুং মেম্বরশিং, দিপার্তমেন্তগী ওইবা ওফিসরশিং অমসুং লৈবাক অসিদা লৈরিবা তোঙান তোঙানবা বার এসোসিয়েসনশিংগী থৌ পুরিবশিং অমসুং মেম্বরশিংনা য়াওগনি।

শ্রী ভাতনা হায়খি আই.তি.এ.তি. কত্তক অসি ১৯৭০দগী হৌনা চহি ৫০রোম অসি অৱাইবা মফম অমদা মথৌ তৌদুনা লাকখি অমসুং ওরিশাগী রাজ্য অসিদগী লাকপা অপীলশিংগী জুরিসদিক্সন লৈ। মরম অসিনা কম্প্লেক্স অসি শঙ্গাবনা আই.তি.এ.তি.গী কত্তক বেঞ্চ অসিনা লায়রবশিংদা ৱায়েল পীবদা মতেং পাংলগনি। অফবা কন্নেক্তিবিতীগী খুদোংচাবগা লোইননা অনৌবা বিল্দিং অসিদা ই-কোর্তকী খুদোংচাবা ফংহনবগা লোইননা কত্তক বেঞ্চনা হৌজিক মথৌ তৌদ্রবা রাঞ্চি, পতনা অমসুং গুৱাহাতিগুম্বা  কোলকতা জোনগী অতোপ্পা বেঞ্চশিংদা পন্দুনা লৈরম্বা অপীলশিং ফাওবা হিয়রিং পাঙথোক্তুনা ৱায়েল পীবা ঙম্লগনি।

আই.তি.এ.তি.গী কত্তক বেঞ্চ অসি মে ২৩, ১৯৭০দা শেমখি অমসুং মথৌ তৌবা হৌখি। কত্তক বেঞ্চকী জুরিসদিক্সন অসি ওরিশা পুম্বদা কোনশিনখি। নৌনা শাবা কত্তককী আই.তি.এ.তি. ওফিস-কম-রেসিদেন্সিএল কম্প্লেক্স অসি লম একর ১.৬০ পাক চাউই মসি ওরিশাগী রাজ্য সরকারনা ২০১৫দা লেম্না পীখিবনি। ওফিস কম্প্লেক্স শাখিবা অপুনবা লম অসি স্ক্ব্যার কিলোমীতর ১৯৩৮নি, মসিদা ইন্তর আলিয়া, অচৌবা কোর্ত রুম, অল্ত্রা-মোদর্ন রেকোর্দ রুম, বেঞ্চকী মীহুৎশিংগী নীংথিজনা শেম্লবা চেম্বরশিং, লাইব্রেরী রুম, নীংথিজনা শেম্লবা মতমগা চুনরবা কনফরেন্স হোল, ৱায়েল চৎথফমগী মরাং কাইরবা মফম, উকিলশিংগী বার রুমশিং, চার্তর একাউন্ততেন্তশিং, অসিনচিংবা য়াওনা মথোল অহুম লোংনা শারি।

থৌরম অসিদা আই.তি.এ.তি.গী ই-কোফী তেবল বুক লোইননা ‘রিফোর্মস ইন দাইরেক্ত তেক্সেস সিন্স ২০১৪’ হায়বা ই-বুক অমগা ফোঙগনি।

কোবিদ লাইচৎ মনুংদা আই.তি.এ.তি.না পাঙথোকখিবা থবক্কী মতাংদা পাউদম্লদুনা আই.তি.এ.তি.গী প্রসিদেন্তনা হায়খি মদুদি আই.তি.এ.তি.না লৈবাক শিনবা থুংনা বেঞ্চ পুম্নমক্তা ভর্চ্যুএল কোর্ত লিংখৎখি। ‘কোবিদ-১৯ লাইচৎ’ অসিনা মরম ওইদুনা লোকদাউন তৌরিঙৈগী মতম অদুদা ‘ভর্চ্যুএল হিয়রিংশিং’ পাঙথোক্নবা আই.তি.এ.তি.না খুদোংচাবশিং অসি মপুং ফানা শীজিন্নখি। মতম অসিগী মনুংদা কেস ৩৭৭৮ ফাইল তৌরকখিবা অসিগী মথক্তা কেস ৭২৫১ ৱায়েল পীদুনা আই.তি.এ.তি.না লোইশিনখি। মহাক্না হায়খি মীয়ামদা ৱায়েল হেন্না ফংহন্নবা তেক্নোলোজী শীজিন্নদুনা হোৎনরি। ৱায়েল চত্থবা পাম্বশিংগী অপীলশিং, দোক্যুমেন্তশিং অমসুং অতোপ্পা এপ্লিকেসনশিং ই-ফাইলিং তৌবা য়ানবা অনৌবা ই-ফাইলিং পোর্তেল অমা শেম্বা লোইরে। বেঞ্চশিংগী কন্সতিত্যুসনশিং, কোসকী লিস্তশিং অমসুং অতোপ্পা ই-পাউ উৎলিবা দিজিতেল স্ক্রীনশিংনা ফিজিকেল নোতিস বোর্দশিংগী মহুৎ শিনখি। ই-ওফিস ৱার্কপ্লেস সোলুসনশিং ইমপ্লিমেন্ত তৌরি। অফবা কন্নেক্তিবিতীগী খুদোংচাবগা লোইননা অনৌবা বিল্দিং অসিদা ই-কোর্তকী খুদোংচাবা ফংহনবগা লোইননা কত্তক বেঞ্চনা হৌজিক মথৌ তৌদ্রবা রাঞ্চি, পতনা অমসুং গুৱাহাতিগুম্বা  কোলকতা জোনগী অতোপ্পা বেঞ্চশিংদা পন্দুনা লৈরম্বা অপীলশিং ফাওবা হিয়রিং পাঙথোক্তুনা ৱায়েল পীবা ঙম্লগনি।

আই.তি.এ.তি.গী মরমদা

ইনকম তেক্স অপেলেৎ ত্রিব্যুনেল, আই.তি.এ.তি. হায়রগসু খঙনবা অসি, দাইরেক্ত তেক্সকী লমদা মরুওইবা স্তেতুতরী বোদী অমনি অমসুং অচুম্বা পুথোকপদা মসিগী য়াথংশিং অসি অরোইবা ওইনা লৌই। মসি হৌজিক্কী ওইনা, শ্রী জস্তিস (থবক্তগী পোৎথারবা) পি.পি. ভাত, জারখন্দ হায় কোর্ত অমসুং গুজরাত হায় কোর্তকী হান্নগী জজনা মকোক ওইরি।

আই.তি.এ.তি. অসি জনুৱারী ২৫, ১৯৪১দা শেমখিবা অহানবা ত্রিব্যুনেলনি। মসি ‘মোদর ত্রিব্যুনেল’ হায়রগসু খঙনৈ। দিল্লী, বোম্বে অমসুং কলকত্তাদা ১৯৪১দা বেঞ্চ অহুমদগী হৌদুনা ভারতকী সহর কুন্থ্রাদা বেঞ্চ ৬৩ অমসুং সর্কিৎ বেঞ্চ অনি লৈবা ঙম্লে। আই.তি.এ.তি.গী মোত্তো অসি “নিসপাক্ষ সুলাভ সতবর নিয়াই” হায়বা অসিনা ওইরি, মসিগী অর্থদি অচান মীরান নাইদবা, লায়না অমদি থুনা ৱায়েল পীবা হায়বনি। চহি ৭৯ মাই পাকনা লৈরকপা অসিদা আই.তি.এ.তি.না তেক্নিকেলিতী পুম্নমক্তগী শেল চংদবা অমসুং খোংজেল য়াংবা মওংদা ৱায়েল চত্থবা পাম্লিবা মীওইশিংদা ৱায়েল ফংহন্নবদা কান্নবা মতেং পাংখি।

******



(Release ID: 1671739) Visitor Counter : 109