ঙাকশেল মন্ত্রী শ্রী রাজনাথ সিংহনা ঙসি দি.আর.দি.ও.গী শঙলেন্দা খিনবা এন্তি সেতলাইৎ (এ-সেৎ) মিসাইলগী মোদেল অমা মায়খুম হাংদোকখ্রে। থৌরম অদুদা কেন্দ্রগী রোদ ত্রান্সপোর্ত অমসুং হাইৱে মন্ত্রী, শ্রী নিতিন গরকরী অমসুং দি.দি.আর.&দি.গী সেক্রেতরী অমসুং দি.আর.দি.ও.গী চিয়র্মেন, দা. জি. সতীস রেদ্দী শরুক য়াখি।

মার্চ ২৭, ২০১৯দা ‘মিশন শক্তি’ হায়না কৌবা লৈবাক অসিগী অহানবা এন্তি-সেতলাইৎ (এ.এস.এ.তি.) মিসাইল ওরিশাগী দা. এ.পি.জে. অব্দুল কলাম আইলেন্দদগী মায় পাক্না চাংয়েং তৌখি। লোইননা করিগুম্বা লো আর্থ ওর্বিত (এল.ই.ও.)দা সেতলাইৎ অমা হেক্তনা ভারত্তা য়েংশিল্লকপা মতমদা মদুবু থুগাইবা অমদি কাপথবা ঙমগনি। মিশন অদু অদুক্কী মতিক লুখি।

মিশন শক্তি মায় পাক্না পাংথোকখিবা অসিনা ভারত অসি মালেমদা, শুন্দ্রংদা মশাগী লন-থুম ঙাকচবা ঙম্বা মরিশুবা লৈবাক ওইরে।

থৌরম অদুদা, ঙাকশেল মন্ত্রী শ্রী রাজনাথ সিংহনা সাইন্তিস্তশিংগী তীমদা অনৌবা খোংথাংগী মায় পাকপা অসিগীদমক থাগৎপা ফোংদোকখি।

দি.দি.আর.&দি.গী সেক্রেতরী অমসুং দি.আর.দি.ও.গী চিয়র্মেন, দা. জি. সতীস রেদ্দীনা ফোংদোকখি মদুদি এ-সেত মোদেল ইন্সতোল তৌখিবা অসিনা দি.আর.দি.ও.গী ইচিল-ইনাওশিংগী মরক্তা তুংলমচৎতা অসিগুম্বা শিংননীংঙাই ওইবা মিশন কয়া পায়খৎপদা ইথিল পীরগনি।

মসিগী মমাংদা শ্রী রাজনাথ সিংহ অমসুং নিতিন গরকরীনা পেসেঞ্জর বসশিংগী ফায়র দিতেক্সন অমসুং সপ্রেসন সিস্তেম (এফ.দি.এস.এস.)গী দেমোন্সত্রেসন অমা য়েংখি। দেমোন্সত্রেসন অদু পেসেঞ্জক কম্পার্তমেন্তকীদমক্তা ৱাতর মিস্ত বেজ এফ.দি.এস.এস. অমসুং ইঞ্জিন ফায়রগীদমক্তা এরোসেল এফ.দি.এস.এস.তা উৎখি।

দি.আর.দি.ও.গী সেন্তর ফোর ফায়র এক্সপ্লোসিব এন্দ ইভাইরনমেন্ত সেফতী (সি.এফ.ই.ই.এস.), দিল্লীনা সেকেন্দ ৩০গী মনমুংদা পেসেঞ্জর কম্পার্তমেন্তকী মনুংদা মৈ চাকপা খঙদোকপা ঙমবা অমসুং মতুংদা সেকেন্দ ৬০গী মনুংদা মুৎথৎপা ঙমদুনা মশক থোক্না পুন্সি মাংবা অমসুং লন-থুম মাংহনবা হন্থবা ঙম্বা তেক্নোলোজী শাখ্রে।

শ্রী গরকরীনা তেক্নোলোজী অদুদা অপেনবা ফোংদোকখি অমসুং মদুবু মখা চৎথহন্নবগী অপাম্বা ফোংদোকখি।

*****