কেন্দ্রগী শেল-থুম অমদি কোর্পোরেৎ এফিয়র্স মন্ত্রী শ্রীমতী নির্মলা সীতারমন্না ঙসি ব্রিক্স রসিয়ন চিয়র্মেনশিপকী মখাদা পাংথোকপা ১বা ব্রিক্স ফাইনান্স মিনিস্তরশিং অমসুং সেন্ত্রেল বেঙ্ক গভর্নরশিং (এফ.এম.সি.বি.জি.)গী মীফমদা শরুক য়াখ্রে। মীফম অসিগী এজেন্দাদা ২০২০দা জি ২০ সাউদী প্রসিদেন্সীগী ফলগী মতাংদা খন্ন-নৈনবা, ইনফ্রাস্ত্রকচর ইনভেস্তমেন্ত অমসুং ন্যু দিবেলপমেন্ত বেঙ্ককী মেম্বরশিপ চাউথোকহনবগী মতাংদা পুক্নীং থৌগৎপা য়াওরি।

শেল-থুম মন্ত্রীনা হায়খি মদুদি ব্রিক্স লৈবাক পুম্নমক্না মেম্বর ওইরিবা, জি ২০না চহি অসিদা য়াম্না মরু ওইবা খোংথাং খরা লৌখৎখি, মদুগী মনুংদা কোবিদ-১৯ মায়োক্ননবা জি ২০ এক্সন প্লান য়াওরি, মসিনা অৱাবগী মতম অসিদা অপুনবা গ্লোবেল রেস্পোন্স অমা নেবিগেৎ তৌনবা লমজিং-লমতাকখি। মসিগা লোইননা, জি ২০ দেব্ত সর্বিস সস্পেন্সন ইনিসিএতিবনা শেন্থোক নেম্বা লৈবাকশিংগী মথৌ তাবশিং ফংহন্নবা খুদক্কী ওইবা তেংবাং ফংহনখি। মহাক্না মখা তানা হায়খি মদুদি শাহৌরক্লিবা শেন্মিৎলোনগী খন্ন-নৈনবশিংবু অনৌবা খোংথাংশিং অসিদা মতিক চানা মমি তাই হায়বদু খঙহন্দুনা ব্রিক্স মেম্বরশিংনা মরুওইবা থৌদাং লৌখি।

দিজিতেল ইকোনোমীগী তেক্সেসনগী ইসু অসিগী পাম্বৈ পুথোক্নবা মালেম্না হোৎনরিবা অসিদা, শ্রীমতী সীতারমন্না হায়খি মদুদি ৱাখল্লোন অমত্তা ওইবা পাম্বৈনা মীচং-মীখাই নাইদবা, তুং কোইবা তেক্সেসন সিস্তেম পুরকপদা মরুওইবা থৌদাং য়াগনি।

ব্রিক্সকী শেল-থুমগী মন্ত্রীশিং অমসুং সেন্ত্রেল বেঙ্ক গভর্নরশিংনা ন্যু দিবেলপমেন্ত বেঙ্ক (এন.দি.বি.)গী মেম্বরশিপ চাউথোকহনবগী মতাংদসু খন্ন-নৈনখি। শেল-থুম মন্ত্রীনা এন.দি.বি. গী মেম্বরশিপ চাউথোকপদা শৌগৎখি অমসুং রিজনেল বেলেন্সতা শাফু পীখি। শ্রীমতী সীতারমন্না রসিয়াগী অপুনবা দিজিতেল প্লেৎপোর্ম (দেতা রুম) অমা শেমগৎপগী খোংথাংদা মহাক্কী ৱাখল্লোনসু ফোংদোকখি।

*****