ইনকম তেক্স দিপার্তমেন্তনা ০৫.১১.২০২০দা কেরলাগী থীরুবল্লাদা মশানা মশাবু এবানজেলিস্তনি হায়জবা মীয়াম্না খংনরবা অমসুং মহাক্কী কাংলুপকী মখল কয়াগী থ্রসশিংনা, ইনকম তেক্স এক্ত ১৯৬১গী মখাদা চেরিতেবল/ধর্ম গী মিংদা ইনকম তেক্স থীরমদবগী মথক্তা থি হুম্বগী থবক চৎথখ্রে অমসুং পোৎ-চৈ ফাগৎখ্রে। কাংবু অসিনা লৈবাক অসিগী য়াম্লবা স্কুল অমসুং কোলেজশিং, কেরলাদা লৈবা মেদিকেল অমা অমসুং হোস্পিতেল অমদা লাই খুরুমফম মফম থমদুনা লাৎখি। পাংথোক্লিবা থবক অসি কেরলা, তামিল নাদু, ৱেস্ত বেঙ্গাল, কর্নাতকা, চান্দিগর, পঞ্জাব অমসু তেলঙ্গানাদা লৈবা মফম ৬৬তনি।     

থি-হুম্বগী থবক অসি থাজবা য়াবা পাও অমা ফংবদগী হায়বদি কাংবু অসিনা মপাল লৈবাকশিংদগী লায়রবা অমসুং ধর্মগী ওইবা হীরমদা দোনেসন কয়া অমা খোমগৎলি অদুবু হায়রিবা তেক্স ককখ্রবা ফন্দশিং অসি পৈশা ওইনা লান্না লৌথোক্তুনা মশাগী লনাইগী ওইবা অমসুং আইন্না য়াদবা মওংদা রিএল ইস্তেত্তা শিজিন্নরমখি। 

কাংবু অসিনা লৈবাক শিন্বা থুংনা থ্রস ৩০মুক থবক চৎথরমখি অমসুং অয়াম্বনা চেদা লৈবা ওইনা থেংনখি অমসুং হায়রিবা অসি থীবদা য়াওদবা ফন্দশিং অসি লান্না শিজিন্নবা থেংনখি। 

কাংবু অসিনা য়াম্না ফজনা শিন-লাংদুনা অতোপ্পা কাংলুপ অমগী মতেং লৌদুনা চাদিংশিং অসি হেনগৎহনবা থেংনখি, হায়রিবা শেনফম অসি মথৌ পাংথোক্লিবা কাংবু অসিদা দোমেস্তিক হাৱালা চেন্নেলগী খুত্থাংদা অমুক হন্দোরক্লি। হায়রিবা অতোপ্পা কাংলুপ অসিশু থি হুম্বা অসিদা য়াওরি। থি-হুম্বগী থবক অসি চৎথরিঙৈ মনুংদা সিস্তেমেতিক ওইনা চাদিংশিং অসি হেনগৎনা পোৎ লৈরম্বা মদুদি নোংমগী শিজিন্নবা পোৎলম, য়ুম-কৈ শাবগী চাদিং, রিএল ইস্তেত চাওখৎনবগী চাদিং, সেলরি পীবা অসিদা লৈরম্বগী খুদম ফংই।   

থি-হুম্বা অসিদা রিএল ইস্তেত লৈবা-য়োনবা অসিদা মশিং থাদবা শেনফম কয়া অমা পেমেন্ত তৌরম্বা থেংনখি। মরী লৈনবা চে-চাং হায়বদি সেল এগ্রীমেন্তস অসিনচিংবা অসি ফাগৎখি। কাংবু অসিনা রিএল ইস্তেত লৈবা-য়োনবগী মমল অসিদশু হেনগৎলখি মসিনা দোনেসনদা লাকপা পৈশাশিং অসি থ্রসকী থৌরম কয়াদা শিজিনখি হায়না উৎলি। ইবিদেন্স অসিনা তাক্লি মদুদি ফন্দ অসিবু লান্না শিজিন্নরম্লিবা শেনফম অসি লুপা করোর চাম্মাগী মথক্তনি।

দিল্লীগী লাই খুরুমফম মফম অমগী লুপা করোর ৩.৮৫ য়াওনা চাওরাক্না লুপা করোর ৬কী শেনফম অমদি মফম খংদনা লৈবা থি হুন্বা অসিদা থেংনখি।

মরুওইবা ইলেক্ত্রোনিক কম্প্যুতিং অমসুং দেতা স্তোরেজশু ফংখি, হায়রিবা অসি য়েংশিল্লি। থি হুম্বগী থবক অসি মখা তানা চৎথরি।

*****