লৈবাক অসিগী হেল্থ সেক্তরদা মরু ওইনা কোবিদ-১৯ লাইনা-লাইচৎ অসিগী মতুংদা থোক্লকপা য়াবা তঙাই ফদবশিং অদু মেনশিনবা ঙম্নবা মেদিকেল দিভাইস ইন্দস্ত্রীগীদমক দিজাইনশিং অমসুং তেক্নোলোজীশিং হেন্না ফহন্নবা অমসুং এপগ্রেদ তৌনবা ই.ই.পি.সি. ইন্দিয়া অমসুং নেস্নেল ইন্সতিত্যুত ওফ দিজাইননা পুন্না খুৎশম্নদুনা চৎমিন্নখ্রে৷

ইন্নোভেতিব অমসুং সুপেরিয়র দিজাইনশিং অদু চৎনবা য়াবা লেভেল অমদা পুরকপা য়ানবগী পান্দমদা, সরকার অসিগী অখন্নবা স্কিম অমগী মখাদা হেল্থ সেক্তর অসিগীদমক ইনকুবেসন আইদিয়া তরেৎ এম.এস.এম.ই. মন্ত্রালয়না অয়াবা পীখ্রে হায়না (এম.এস.এম.ই.)এদিস্নেল সেক্রেতরী অমসুং দিভেলপমেন্ত কমিশনার শ্রী দি.কে. সিংহনা ঙসি ফোংদোকখ্রে৷ ই.ই.পি.সি. ইন্দিয়া-এন.আই.দি. দিজাইন সেরিস লোঞ্চ তৌবগী ৱেবিনার অমদা মহাক্না ৱা ঙাংখ্রে৷ ৱেবিনার অদু অসুম্না মমিং থোনখি: মেদিকেল দিভাইস ইন্দস্ত্রীগীদমক পোস্ত কোবিদ ১৯- দিজাইন ইন্তর্ভেন্সন৷ অহানবা দিজাইন সেরিস অসি মেদিকেল সেক্তরগীদমক হৌদোকখ্রে হায়না মহাক্না ফোংদোকখ্রে৷

''কোবিদ-১৯ লাইনা-লাইচৎ অসিনা হৌজিক ওইহল্লিবা ফিভম অসিদা লৈবাক অসিনা অসিগুম্বা য়াম্না লুবা তানফম অসি লান্থোকপা ঙম্নবা ফিভম অসি লাকশিন্নবা লৈবাক অসিনা হোৎনরি৷ কোবিদ-১৯ অসি লান্থেংন্নবা নোংমদা পি.পি.ই.কিৎ লাখ ২ হেন্না ঐখোয়না পুথোকপা ঙম্মী৷ মেদিকেল দিভাইসশিং অসি ঐখোয়গী লৈবাক অসিদা য়াম্না মরু ওইবা ইমপোর্ত-দোমিনেন্ত সেক্তর অমা ওইরে৷ ক্রিতিকেল কেয়রগীদমক কমপ্লেক্স মেদিকেল দিভাইসশিংদা মখা পোনবা অসি তেক্নোলোজী সেন্ত্রিক ওই অমসুং ইন্নোভেসন অমসুং দিজাইন্দা হেন্না মীৎযেং চংনবা হায়খ্রে,'' হাযনা শ্রী সিংহনা ফোংদোকখ্রে৷

কোবিদ-১৯ শন্দোরকপা অসিনা মরম ওইরগা হেল্থকেয়র ফেসিলিতীশিংগী অনৌবা অমসুং থাজদনা তঙাই ফদনা দরকার ওইরিবশিং অসি য়েংলগা লৈবাক অসিদা দিজাইন শেম্লকপা য়াবগী ওইথোকপা অদু খন্না নৈন্নবা, মসিগী কাউন্সিল অসিনা পোলিসী মেকরশিং, রিসর্চরশিং, দিজাইনরশিং অমসুং ইন্দস্ত্রীশিং কম্মন ওইবা প্লেতফোর্ম অমদা পুন্না পুনশিনহল্লি হায়না ই.ই.পি.সি. ইন্দিয়াগী চিয়রমেন শ্রী মহেশ দেসাইনা ফোংদোকখ্রে৷

সিম্পল প্রদক্তশিং খুদম ওইনা ফিজিওথেরাপী মেছিনশিং নত্রগা ই.সি.জি. মেছিনশিং ফাওবদা দিজাইননা ইন্নোভেসন অমসুং চাংদম্নবদা য়াম্না মরু ওইবা থৌদাং লৌরি হায়না এন.আই.দি.গী দাইরেক্তর শ্রী প্রভীন নহরনা ফোংদোকখ্রে৷ ইন্দিয়ন এম.এস.এম.ই.শিংগীদমক ব্যুজিনেস তৌবগী মওং শেমদোকখ্রবা অসিগুম্বা প্রদেক্তশিং অসিদা সিম্পল অমসুং কন্তেকচুয়েল দিজাইন ইমপ্রুবমেন্তশিংগী খুদম কয়ামরোম য়াওরি৷

ই.ই.পি.সি. ইন্দিয়া অসি ইঞ্জিনিয়রিং এক্সপোর্ত ওর্গনাইজেসনশিংগী এপেক্স বোদীনি৷ মসিনা লৈবাক অসিগী অপুনবা এক্সপোর্ত অদুগী চাদা ২৫ এক্সপোর্ত তোরি৷

এন.আই.দি. অসি ইন্দস্ত্রীয়েল দিজাইনশিংদা মালেম শিনবা থুংনা মিংচৎ তাল্লিবা প্রিমিয়র দিজাইন ইন্সতিত্যুসন অমনি৷

আই.বি.ই.এফ.কী সি.ই.ও. শ্রীমতি দুর্গা শক্তি নাগপাল, দিজাইন দাইরেক্সনগী দাইরেক্তর শ্রী সতিশ গোখালে অমসুং বেঙ্গলুরুদা লৈরিবা আই.তি.পি.এল.গী মেনেজিং দাইরেক্তর শ্রী গৌরব অগর্ৱাল অমসুং দাইরেক্তর, ইনভোলুসন হেল্থকেয়রনা ৱেবিনারগী থৌরম অদুদা শরুক য়াখি৷

*****