স্পোর্তস মন্ত্রালয়না লৈখিদ্রবা মনিপুরগী ফুৎবোল শান্নরোয় মনিতোম্বী সিংহগী ইমুং-মনুংগী শেল-থুমগী অৱাবা কোকহন্নবা হোৎনবা ওইনা ইমুং-মনুংদা লুপা লাখ ৫ পীখ্রে।

অগস্ত, ২০২০দা চহি ৩৯ শুরকপদা লৈখিদবা মনিতোম্বীগী ইমুং মনুংগী শেল পুশিল্লকপা মীওই অসি মহাক খক্তা ওইখি অমসুং মহাক্কী নুপী অমদি মচা নুপা অমা লৈহৌরি। ৱারেপ অসিগী মতাংদা কেন্দ্রগী য়ুথ এফিয়র্স অমসুং স্পোর্তকী মন্ত্রী শ্রী কিরেন রিজিজুনা হায়খি, "মনিতোম্বীনা ভারতকী ফুৎবোলদা চাউনা কত্থোক্তুনা লাকখি। মহাক্না মনিপুরগী কোচ অমসু ওইরমখি। মহাক্না লৈখিদবা অসি শান্না-খোৎনবগী লমদা অচৌবা মাংজবা অমনি। মহাক্না লৈখ্রিদ্রবা মতুংদা মহাক্কী ইমুং-মনুংদা থোক্লিবা শেল-থুমগী অৱাবা অসিগী মতমদা ঐখোয়না খঙলকপা মতমদা মখোয়দা মতেং পাংবা হায়বা অসি ঐখোয়গী থৌদাং ওইখি। হান্নগী অমসুং হৌজিক লৈরিবা শান্নরোয় পুম্নমক লোয়ননা কোচ, স্পোর্তস এদমিনিস্ত্রেতরশিং, সপ্পোর্ত স্তাফ অমসুং অতোপ্পা মসিগা মান্নবা থৌদাং লৌরিবা শান্না-খোৎনবদা মখোয়গী পুন্সি কত্থোক্লবা পুম্নমক্কীদমক মতেং পাংবা হায়বা অসিনা সরকারগী ওইনদি খ্বাইদগী মরু ওইবনি। "

লুপা লাখ ৫গী শেন্থং অসি শান্নরোয়শিংগীদমক্তা লৈরিবা পন্দিৎ দীন দয়াল উপাধ্যা নেস্নেল ৱেল্ফিয়র ফন্দকী মখাদা পীখিবনি। ফন্দ অসিগী খুত্থাংদা স্পোর্তস মন্ত্রালয়না শেলগী মথৌ তাবা শান্নরোয়শিংদা লেপ্তনা মতেং পাংলি অমসুং শান্নরোয়শিং অমদি স্পোর্তকী লমদা লৈবা অতোপ্পা মীওইশিংদা স্কীম অসিগী খুত্থাংদা শেলগী মতেং পাংনবা এপ্লাই তৌরক্নবা ইনবাইৎ তৌরি।

*******