রোদ ত্রান্সপোর্ত অমসুং হাইৱেজ অমসুং এম.এস.এম.ই.শিংগী য়ুনিয়ন মিনিস্ত শ্রী নিতিন গদকরিনা লৈবাক অসিগী ৱাগী রিসোর্স অসি য়াম্না শিজিন্নবগী তঙাইফদবা লৈ। ঙসি ৱেবিনারদা ভর্চুএল ওইবা হৌদোকপা ৱাগী একজিবিসন অমদা মহাক্না হায়খি মদুদি ৱা হায়বা অসি হিরম কয়া অমদি মখল কয়া থোক্না য়াই মখোয় অদুদি পোৎ-চৈ শাবা, ইমুং-মনুংগী ফজনবা, খুৎনা শাবা, অগরবত্তি শাবা, ফি-রোল, বাইও-ফুইল রিসোর্স, অসিনচিংবা অসিনি।

https://youtu.be/G-aYAV4J1to

শ্রী গদকরিনা সেক্তর কয়াদা মখল কয়া শিজিন্নবাগী মওং অমসুং মমল হেন্না চংবা মফমশিং হায়বদি ঈশিং, রেল অমসুং লম্বী অসিদা শিজিন্নরিবা অসিগী লোজিস্তিক কোস্ত হন্থহনবা পায়খৎপা অসিনি। মহাক্না খংহনখি মদুদি ব্রম্হাপুত্র তুরেলগী মিতর ৩ শাংবা  দ্রেদজিং অসিনা ঈশিং লম্বীদা পোৎ পুথোক-পুশিন তৌবা য়াই। তুরেলগী ত্রান্সপোর্ত অসিনা য়াম্না নুঙাইবা অমা ওইদুনা অৱাং-নোংপোক্তগী হৌরকপা ৱা অমসুং ৱাগী পোত্থোক অসি মমলদা য়াম্না হনথরি।

শ্রী গদকরিনা দি.ও.এন.ই.আর.মিনিস্ত্রীদশু হায়রি মদুদি ৱা অয়াম্বা অৱাং-নোংপোক্তা পুথোকপা মরম্না খুমাংচাওশিনবা ৱাগী পোলিসি অমা থম্বা মথৌ তাই। মিনিস্তরনা অমুক নিংশিংহল্লি মদুদি মতৌ করম্না মহাক্না প্রধান মন্ত্রীগী অয়াবা লৌদুনা উমংগী ওথোরিতিবু ৱা অসি নাপীগী কেতগরিদা চিংহনবা অসিনি।

য়াম্না ফবা মখলগী ৱাগী পোত্থোক পুথোক্নবা হায়রদুনা মহাক্না হায় মদুদি ইন্দস্ত্রীগীদমক শিজিন্নবা ৱা অসি এক্রদা তোন ২০০ ওইগনি হায়রিবা অসি ভেরাইতি খরদদি এক্রদা তোন ৪০ ওইগনি। ৱা য়াম্না পুথোকপা অমসুং শিজিন্নবা অসিনা মরুওইনা অৱাং-নোংপোক ইন্দিয়াদা থবক য়াম্না পীরগনি।

মহাক্না অমুকসু পল্লি মদুদি ৱাগী পোত্থোক পুথোকপা, প্রোসেসিং তৌবা অমসুং হেন্দলিং তৌবা অসিনা ৱাগী ইন্দস্ত্রীদা য়াম্না চাওখৎপা পুক্কনি।

দিবলপমেন্ত ওফ নোর্থ ইস্তর্ন রিজন (দি.ও.এন.ই.আর.)গী য়ুনিয়ন মিনিস্তর ওফ স্তেত দাঃ জিতেন্দ্র সিংহনা হায় মদুদি ইন্দিয়ানা কোবিদ-মতুংদা ইকোনোমি ফগৎনবা থৌদাং কয়া অমা লৌরি অমসুং অৱাং-নোংপোক্কী মফমশিংনা ৱাগী রিসোর্স য়াম্না চাওনা পুথোক্তুনা থৌদাং কয়া পীগদৌরি। য়ুনিয়ন মিনিস্তরনা হায় মদুদি মসিগী থাবা অমসুং শিজিন্নবা অসি য়াম্না মরু ওইবা অমনি। মহাক্না হায় মদুদি ৱা অসিনা অনৌবা ইঞ্জিনগী অনৌবা থাও ওইদুনা অৱাং-নোংপোক্কী মফমশিং অসি ইন্দিয়ানা চাওখৎপদা ৱারি ওইহৌরগনি।   

দাঃ জিতেন্দ্র সিংহনা হায় মদুদি  দিবলপমেন্ত ওফ নোর্থ ইস্তর্ন রিজন (দি.ও.এন.ই.আর.) মিনিস্ত্রীদা অমসুং নোর্থ ইস্তর্ন কাউন্সিলনা ৱাগী রিসোর্স পুথোকপদা চংবা মচাক মখৈ লৌরে অমসুং ইন্দিয়াগী থাক্তা তেক্নিকেলশিং অসিগী মরমদা খংলে। মহাক্না হায় মদুদি মিনিস্ত্রী অসিনা হান্না খন্দোক্লে মদুদি জম্মু, কাত্রা, অমসুং সাম্বাগী মফমশিং অসিদা ৱাগী থুমোক, আগর্বতি অমসুং ৱাগী চার্কোল লোয়ন-লোয়ননা ৱাগী তেক্নোলোজি সেন্তর অমা লিংখৎপা অসিনি। মিনিস্তরনা হায় মদুদি মিনিস্ত্রী অসিনা হান্ননা ৱা অসিগী রিজার্ব তৌনবা মফমশিং য়েংশিল্লুরে। মাহক্না হায় মদুদি চহি মরি অসিদা দি.ও.এন.ই.আর. মিনিস্ত্রীনা প্রোজেক্ত ১৭ নোর্থ ইস্ততা ৱা চাওখৎননবা, আসামগী দিমা হাসাওগী বেম্বু ইন্দস্ত্রীএল পার্ক য়াওনা কাইথখিবনি।

য়ুনিয়ন মিনিস্তরনা হায় মদুদি ৱা ৪০% অমদি নোর্থ ইস্ততা স্তেত্তা লৈবনি। অদুম ওইনমক, হায়রিবা অসি ইন্দিয়ন ফোরেস্ত এক্ত, ১৯২৭ লৈবনা মপুং ফানা শিজিন্নবা ঙমদে। মহাক্না হায় মসি মোদী সরকারনা সেনচুরি ফারবা অরিবা ইন্দিয়ন ফোরেস্ত এক্ত অসি এক্ত অসিদগী লৌথোক্তুনা পুন্সি মহিংদা ৱা অসিনা খুদোংচাবা কয়া পীরি।

দাঃ জিতেন্দ্র সিংহনা হায় মদুদি, অতোপ্পা শেমদোকপা অমনা ৱাগী চৈ পুশিনবগী থবক অসি ২৫%হেনগৎখি। মসিগী ৱারেপ অসিনা আগর্বতি শাবা মফমশিংদা আগর্বতি শানবা চৈ অসি পীদুনা ইন্দিয়াদা আগর্বতি দিমান্দ লৈরিবা অসি ফংহল্লি। মহাক্না হায় দুদি আগর্বতি অসি করোর লিশিং ৫দগী ৬ ফাওবা ইন্দিয়াদা মার্কেৎ সেয়র লৈরি অদুবু মশিং য়াম্বা অমদি চাইনা অমসুং কোরিয়াদগী পুশিল্লক্লি।

দাঃ জিতেন্দ্র সিংহনা হায় মদুদি ৱা অসি য়াম্না নান্না শিজিন্নবা য়াবা ইনর্জি লৈ অমসুং মসিনা অমুক্তং শিজিন্নবা প্লাস্তিক অসিগী মহুৎ শিনবা য়াই, অশুম্না অকোইবা অমসুং অইং অশাদা পুক্নিং থৌগৎপা ওই।

দি.ও.এন.ই.আর.গী সেক্ত্রেতরী দাঃ ইন্দ্রজিৎ সিংহশু থৌরম অসিদা ৱা ঙাংখি।

*****